اين تقع.........

om rayane · 2013-07-25, 15:47

أنا وجدت في نتائج التوجيه أنه تم توجيهي لجامعه 1 طلبه طب -الجزائر- اين تقع؟ هل في باب الزوار؟ أيضا هل يتم تقديم ملف الاقامه حاليا و أريد كامل المعلومات عن هاده الجامعه الاقامه ..........

nina.sue · 2013-07-25, 16:35

سلام اختي أنا تاني بعثوني لهذي الجامعة رغم إنني من بسكرة و حسب معلوماتي إسمها بن يوسف ين خدة و هي الجامعة المركزية قرب مركز البريد المركزي و الله أعلم

besma 16 · 2013-07-26, 14:35

اسمها بن يوسف بن خدة و معروفة لدى الجميع باسم la fac centrale موجودة بشارع ديدوش مراد ...اما تسجيلات ال 1 طب فتتم في ملحقة محرزي (la perrine) باول ماي

sarah1424 · 2013-07-26, 14:40

سلام
حنا تاني من بسكرة واختي وجهوها لهده الجامعة وانا اعرفها جيدا
هي الجامعة المركزية بن يوسف بن خدة
jat f place audin griba la poste centrale
وادا رحت للجزائر في الحافلة كي توصل للمحطة زيد اركب في الحافلة الي تدي للتافورة كي توصل للتافورة سقسي عليها راهي قريبة 5 دقائق تكون فيها

sarah1424 · 2013-07-26, 14:44

بالنسبة لملف الاقامة
ديما فيه تسجيلين التسجيل الاولي عادي كي تروح للجامعة تسجلو ويعطوك ورقة بلي سجلت والورقة فيها تاريخ تروح فيه للاقامة التي وجهت اليها باش تزيد تسجل فيها ويعطوك الغرفة والمفتاح وتسلك الحقوق

bchr · 2013-07-26, 15:15

انا ايضا من بسكرة وحبيت نعرف اذا كاينة اقامة في بن عكنون ولا لالا
وسؤال اخر نقدر نستفيد من الاقامة و مانديرش المنحة ذركا لانو بابا خرج تقاعد و مازال ما عطاولو كشف المعاشات

sarah1424 · 2013-07-26, 15:21

ايه يا اختي
سجلي وش تحبي تقدريهم تسجلي الاقامة وتخلي نتاع المنحة من الافضل تروحي وين يدفعو اوراق المنحة وتعطيهم اوراقك وقلهم وش يخصك من الاوراق وادا محبيتيش تسجلي فيها تقدري متسجليش حنا منسجلوش في المنحة لانو بابا يخدم في سونطراك ومعندناش الحق ندو المنحة حتى كون نسجلو ميعطوناش مالا فضلنا منسجلوش فيها اما الاقامة نسجلو عادي
الاقامة هي في درقانة سابقا ةحسب معلوماتي حتى هاد العام تبقى في درقانة
لكن التسجيل الي يبدا غدا كلو في الجامعة المركزية يعني متروحوش للاقامة

مسلمة وأفتخر* · 2013-07-26, 15:23

بخصوص الاقامة يتوجب تحضير ملفها وتقديمه الان