فكرة جديدة لي ماعندهاش البتران

[شهرزاد3]

السلام عليكم
هذي فكرة جديدة لعجينة المحاجب او المسمن او الشخشوخة باش جيك مدلوكة بلا تعب بلا بتران اي العجان الكهريائي

ماعليك غير ديري السميد شوية فرينة شوية ملح وتعجني بالماء حت تتحصلي على عجينة طرية في نفس الوقت تكوني حطيتي الكوكوطة نتاعك فوق النار فيها ماء خليها حتى يغلي مليح ثم طفي النار و فتحيها و فرغي الماء كامل و عطي فيها العجينة نتاعك و سكري عليها وديري السفارة و خالها حوالي 4 ساعاتو بعد دري بيها واش تحبي رايحا تلقايها مدلوكة و طرية تشهي كيما انا نديرها في الصباح و لعشية نقطعها دوائر يرتاحو شوية ونبدا نخدم محاجب او مسمن او شخشوخة كيما تحبي
نشاء الله تحجبكم وتكون صح فكرة جديدة

[دائمة الحمد]

يااختي صحيتي على الفكرة لكن عندي سؤال نحطها في ساشية والاهكذاك
وثانيا تليق الفكرة حتى للرخساس
انا عندي بيتران والحمد لله لكن مانديرش فيها الرخساس نخاف تفسدلي وشكرا

[أم إناس]

بارك الله فيك اختي فكرة ولا في الأحلام
نجربه ونرجعلك الخبر ان شاء الله

[شهرزاد3]

شكرا على الردود بالنسبة للعجين حطيه في الكوكوطة بلا صاشي انا ثاني المرة الاولى خفت لاكن بقات العجينة طرية و حطيتها مباشرة بعد ماسيحت الماء

[هجيرة1]

شكرا تسلمي اختي

[soua3d]

شكرا أختي على العفسة أنا موالفة ندير تع الساشي مي نسييي هذه و نشوف شكون خير

[عطرالذهب]

فكرة مممممتااااااااااااازة نجربها

[ام إثري]

ايه والله فكرة يعطيك الصحة
نجرب ونردلك بالخبر
انا ثاني عندي بيتران بصح راني نسايس فيها قلت خلي نخبيها لكبري هههههههههههههههههههههههههههههههه

[ام فريال]

يعطيك الصحة على معلومة نجربها انشاء الله

[طالبة مساعدة]

شكرا لكي لكنها هي غريبة شوية اختي نسالك متخافيش عليها تتحرق 4 سوايع وتكون نار قليلة ولا هافتة ولا نص نص ؟

[آلاء محمد1]

أختي احذري لا تحطيها على النار

الأخت بارك الله فيها قالت تفرغيها تحطي العجينة و من المفروض تحطيها في أي مكان ليس فوق النار ثم تستعمل

[nivine22]

بصح كدريها هكا مطيبش العجينة

[سمااهر]

فكرة مليحة
يعني العجينة ما تطيبش كي تحطيها في كوكوت سخونة ؟؟؟ وهذه الفكرة تصلح مع عجينة المطلوع ؟؟؟

[ام نوردين]

يعطيك الصحة اختى انشاء الله نجربوها

[راجية عفو الله]

يعطيك الصحة