طلب مخبز

بنت الطيب · 2013-07-23, 14:42

بسم الله الرحمن الرحيم
صح رمضانكم أخواتي جميعا
والله مشكلتي صعبة وبدأت أفقد الأمل جربت الكثير من وصفات المخبز لكن دائما يكون معسل من الداخل حابة مخبز هششوش ويذوب في الفم
الصفة اللي عملتها
500غ لوز+250غ سكر ناعم + بشر الليمون+فاني
نبل المقادير بالبيض بالتناوب بين الصفار والبيضة كاملة نشكل ونترك الحلوى ليلة كاملة تبات ومن بعد نطيب
المشكلة اني لست مبتدئة في الحلويات بل خبيرة لكن أمام المخبز أنا عااااااااااااااااااااجزة فكرت في شوية خمية تاع القاطو والزبدة
سامحوني طولت لكن مصرة على الصمود حتى اتحصل على نتيجة ترضيني خخصوصا العيد على الابواب نتمنى أخواتي نفيد بعضنا حول تجربة المخبز وننجح ان شاء الله

بوعنينبة · 2013-07-23, 15:51

هاي ليك الوصفة 3كيلات مكسرات +كيلة سكراحرش ناقص 2صباع+حفنة فاني +بشر الليمون نضيف صفار البيض ونحركو كي نشوفو الخليط يبرق نضيفو البيض كامل
ندهن البلا بالزبدة والفرينة نطرح العجينة بسمك القالب وفي كل مرة ننقعو القالب فالماء باه ما يلصقوش الحبات ونحطو يطيب
ملاحظة بالنسبة للفاني اديري حفنة لكل كيلو من اللوز
انشاء الله تعجبك الوصفة راهي هايلة

بنت الطيب · 2013-07-23, 16:08

ربي يخليك أختي بوعنينبة راني ما خليت ما نجرب ونزيد اليوم نجربها ونردلك بلخبر

بنت الطيب · 2013-07-23, 16:12

استفسار فقط هل المخبز يجي يتعلك ؟؟؟؟ ما نحبش اللي يتعلك لكن نحوس على اللي يجي هشوش كأنو فيه الخميرة

بنت الطيب · 2013-07-23, 18:05

وينكم يا لبنات وقيلا راكم مع الفطور

بوعنينبة · 2013-07-23, 20:45

حنا درناه كي قريت الحلويات جا مليح مايتعلكش جربي كمية قليلة وشوفي

بنت الطيب · 2013-07-24, 13:40

واش قصدك أختي بيبرق الخليط لما نحط الصفار

تيارت · 2013-07-24, 14:51

انا ايضا عندي استفسار فيما يخص المخبز، المشكلة تاعي هي انو العجينة ولات جيني يابسة معرفتش المشكلة ادا في المكونات ام في طريقة طحن الكاوكاو ، و ايضا فيما يخص المخبز بالفلان يخرجلي يابس
هل من متطوعة توريلنا سر المهنة

امال ق · 2013-07-24, 18:08

انا اندير قطعة زبدة او سمن في العجينة باش ما تتعلكش
يمكن هذا هو السر

بنت الطيب · 2013-07-24, 18:11

ألف شكر أختي آمال ربي يحفظك على المعلومة

بنت الطيب · 2013-07-24, 18:12

اقتباس:

المشاركة الأصلية كتبت بواسطة تيارت

انا ايضا عندي استفسار فيما يخص المخبز، المشكلة تاعي هي انو العجينة ولات جيني يابسة معرفتش المشكلة ادا في المكونات ام في طريقة طحن الكاوكاو ، و ايضا فيما يخص المخبز بالفلان يخرجلي يابس
هل من متطوعة توريلنا سر المهنة

الصراحة ما نقدرش نجاوبك أختي لأنها مشكلتي نحب مخبز هشوش ان شاء الله الأخوات يفيدونا بتجاربهم