الملوخية

بيزة الشاوية · 2012-10-05, 18:56

اليوم جيتكم بطبق الملوخية أحنا نحبوها ياسر ، الله غالب الصور هزيتهم لكن ماعرفتش كيفاه نحملهم للمنتدى كي تعبت قلت نمد الطريقة و فرات mais ريحتها راهي جاي عندي ما عندي ما نقلكم جعت و نستنى فيها
الطريقة : 2 بصل متوسطة ، 2 حبات طماطم مرحيين لحم أنت واش تحبي دجاج كيما عملتها أنا ولا لحم الخروف و لا لحم الأرنب 2 فلفل حار أو 1/2 قرن فلفل حار ثوم مقطع ملح و زيت رأس حوانت أو أي تابل عندك طبعا كيس ملوخية أعملي حسب عدد الأفراد كما أحنا 8 في العيلة عملت كيسين و رنخيها في الزيت حتى التولي كيما ماهي جارية ماهي عاقدة ـ أنا ننقعها في الزيت ساعة قبل مانطيبها ونزبدلها التوابل وملح ـ
التحضير في طنجرة تكون كبيرة شوية إذا كنت تعملي كمية كبيرة كيما أنا نحط اللحم يتقلى مع 5 ملاعق زيت ونضيف الملح ثم البصل المقطع رقيق و الثوم و التوابل و نقلي ثم نضيف الطماطم و نقلي مليح و نمرق بالماء المغلي اللي يغطي تقريبا 3/4 الطنجرة و نتركه يغلي لمدة 10د ثم نزيد الملوخية المزبت بعد ما نخلطها شوية في صحنهها بالشوية للطنجرة مع التحريك المستمر حتى نكمل الكمية كاملة و نقعد نحرك شوي من بعد نغطي طنجرتي و نقص النار و نتركها تنضج و من وقت لآخر نحركها و عندما تنقص كمية الماء وتبدأ بإحداث فقعات نبدأ بالتحريك حتي تخرج الزيت وكلمسة شخصية انا نحب نزيدلها في الأخير شوية ثوم مرحي ورأس حوانت و شهية طيب راني جعت باي

sarra5 · 2012-10-05, 21:41

bayna de tbessa ne c est pas!!!

merciii ma soeuuuur ana nmouut 3liha mais bla har hhh

dahbia2009 · 2012-10-05, 21:42

شكرا اختي على طبق الملوخية نحن ايضا نعملوها هكذا و نحبوها بزاااااااااااااااااااااااااف مع المطلوع يمييييييييييييييييييييي

بيزة الشاوية · 2012-10-06, 06:16

اقتباس:

المشاركة الأصلية كتبت بواسطة sarra5

bayna de tbessa ne c est pas!!!

Merciii ma soeuuuur ana nmouut 3liha mais bla har hhh

منيش تبسية راني سوق أهراسية

sarra5 · 2012-10-06, 09:17

metcharfine khtiii w ni3ma lnas

ام ملاك. · 2012-10-06, 14:03

نعطيك طريقة ساهلة بزاف باش تحملي تصاورك
افتحي في قوقل واكتبي مركز الرفع
امباعد يجيك موقع مركز الرفع خيري نتاع الخليج خاطرش هايل ويرفدلك بزاف تصاور
ادخلي وسجلي روحك كلشي ثمثم
وابداي طلعي تصاور اللي حبيتي
وكي يطلعولك تشدي واحدة فيهم تكوبيي الرابط الثالث وتحطيه في ادراج صورة يجيك ساهل وسريع
ان شالله تكوني فهمتيني
انا نموت على الملوخية
اممممممممممممممم

امينة الاقصى · 2012-10-06, 16:21

barka allh fik

jackin · 2012-10-06, 16:51

الله يعطيك الصحة

azade · 2012-10-07, 17:49

مشكورة مان حطيتى الصورة نشوفها

salim000077 · 2013-07-20, 02:23

شو اسمها الملوخية بالجزائر

souheila dz · 2013-07-20, 17:11

ما شاء الله يعطيك الصحة

mimily · 2013-07-20, 17:27

هايلة لملوخية و حلوة بزاف هاذي صورتها للي ما يعرفهاش

sirina_angel · 2013-07-20, 18:08

حابة نجربها حنا ما نديروهاش مي كي نشوفها نعافها تجيني كيما الحنة و انا نكرررررررررررررررره الحنة

NORA74 · 2013-07-23, 09:47

بارك الله فيك / كاين بعض الاضافات اذا سمحتي نزيدولها الرند و الدبشة كيما نقولو حنا اي المعدنوس في اول الطهي و من الافضل زيت الزيتون راهي اكله صحية و بنتها وحدها ابني عمره 4سنوات يموت عليها و يعيطلها لوخية

NORA74 · 2013-07-23, 09:48

غلطت الكسبر ماشي المعدنوس