الشفلور كيما حضرته

[fatiha07]

السلام عليكم ورحمة الله وبركاته
كيف الحال ان شاء الله الجميع بصحة وسلامة وتقوى وايمان
اليوم اردت ان اضع بين ايديكم الشفلور بطريقة بنينة ويحبوها حتى الاطفال اللي يهربو ا من اكله ها هاهاها


التحضير
راس شفلور بعد ما تغسليه وتقطعيه (كيما تعرفوا اخواتي) تفوريه(يطهى على البخار)
في المقلاة تضعين شوية زيت وحمسي فيه بصلة صغيرة مفرومة ناعما +فصين ثوم ايضا مفرومين ماتخليهش حتى يولي بني +اللحم المرحي (الكفته)+شوية حبة الكحلة+شويةكمون+ملح+شوية قصبر (اوراقه برك= مقطعة ناعما مع الخلط

تمرسي الشفلور اضيفي اليه شوية حبة الكحلة+شوية ملح وخلطي مليح
في البلا انتاع القراتا رابي القريار حتى يتغطى قعره بالكامل وزعي فوقه الشوفلار كامل زيدي رابي فوقه الفرماج(القريار) ومن فوق اللحم المكفت واخر طبقة طبعا الفرماج مرحي
دخليه للفرن سخون من تحت حتى يذوب الفرماج اللي من تحت ومن بعد شعلي الفرن من فوق شوية حتى يحمر شوية
البلا من الاحسن يكون زجاج حتى تقدري تراقبي الفرماج من تحت
صدقوني حبيباتي روعة خاصة وهو سخون شوية باش ماتتحرقوش ياك هه هه ههه
بصحة على قلوبكم جربوه وردو لي الخبر
لا تبخلوا علي بردودكم الطيبة
والسلام احسن الختام