أنا في ورطة ساعدووني !!

sweet sabrine · 2013-07-17, 15:49

البارح جاني كشف النقاط لي الصيف كامل وأنا نستنا فيه باش نشوف النتيجة ونشوف وين بعتوني مع العلم أني خيرت شعبة الرياضيات ورح يبدلوني لثانوية أخرى بعيدة عن المنزل يعني لازم نركب باش نروحلها مي مرة وحدة برك ماشي بزاف
المهم لقتهم بعتوني رياضيات مي بعتوني لوحد الليس بعيد بزاف بزاف لازم نركب 3 مرات ونزيد نمشي باش نوصلوا
وكي سقسيت قالولي حلوا فيه كلاسة تع المات وخويا قالي فيها غير 10 تلاميد الاور ندمت على النهار لي درت فيه مات وزيد هدا المعروف بتسيب
سمحولي طولت عليكم مي حابة نعرف لوكان نكتب طعن باش يرجعوني علوم تجريبية نبعتوا درك لمديرية التربية لولاية جيجل ولانستنا حت لغونتري
لا تبخلوا عليا برد

سلفاد · 2013-07-17, 15:51

الطعن عمبالي تديه للادارة وهم راح يتصرفو ان شاء الله
ربي معاك

~°رميصاء°~ · 2013-07-17, 15:56

السلام عليكم
ربي ييسرلك اختاه

اظن خذي الطعن لثانويتكم

sweet sabrine · 2013-07-17, 15:58

شكرا لكما

salima sese · 2013-07-17, 16:02

السلام عليكم ورحمة الله وبركاته
انا نقلك ديري طعن خير

elayeb · 2013-07-17, 16:02

انا نقلك ديري طعن خير

sweet sabrine · 2013-07-17, 16:04

ايه رح ندير طعن مي حابة نعرف لكان درك ولا حتى ندخلوا

صَمْـتِـﮯ الـثرْثـﺂﺂرْ · 2013-07-17, 16:13

الطّــعْنْ لَــآزْمْ قبْـــلْ الدخُــــــوول المَــدْرَسِــي ،،

أسْــرعِي بِتَحْـــــرِيرِهْـ ..

و الله يوجْـــهكْـ للتِي هِي أحْــــسَنْ <3 ..

sweet sabrine · 2013-07-17, 16:17

شكرا أختي الكريمة على الافادة

صَمْـتِـﮯ الـثرْثـﺂﺂرْ · 2013-07-17, 16:24

اقتباس:

المشاركة الأصلية كتبت بواسطة sweet sabrine

شكرا أختي الكريمة على الافادة

العَفْــــــــــــــوو .. وَآجِبِــــــي غَــآلِيَتِي صَـبْرِيــــــــنَهـ ،،
،، ") ،،

charaf life · 2013-07-17, 16:24

السلام عليكم

ايه تقدري ديري طعن درك و لا في بداية السنة و تبدلي على صباج للعلوم تجربية خاطرش رياضيات niveau على العلوم
و زيد تقدري تكتبي اسباب لي خلاتك تبدلي مثلا على المسافة طويلة جدا تقدري تكتبي كداه كلم و تبدلي 100بالمئة خاطرش سبب وجيه مفروغ منو

معليك ديري طعن في ثانوية تاعك عند مستشارة التربية ...و انصحك لكان بعيد الشر مبدلتيش روحي لعند مركز توجيه تاع التربية التابع لاكادمية التربية او اكادمية التربية اتكلمي مع مدير او مديرة انا راني صرالي نفس مشكل دزوني هندسة ميكانكية بعيد بزاف كيما نتي نركب 3 مرات ...و مابدلونيش بصح كي رحت ليها انا و هدرت معاها انا و قلتلها بعيدة بزاف بزاف ..بدلتني على صباح

اخوكي قريب اليك انا من ميلة
و موفق انشاء الله

sweet sabrine · 2013-07-17, 16:28

شكرا أخي الكريم على الافادة رح ندير كيما قلتي مي درك الثانويات غلقوا لازم نروح لمديرية التربية

بهاء الغروب · 2013-07-17, 17:33

علاه تديري طعن عاودي بدلي الليسي برك واذا حابة ترجعيها علوم تجريبية ديري طعن عند مستشارة التوجيه اي عند االادارة

sweet sabrine · 2013-07-17, 17:56

صعيبة بزاف باش تبدلي الليسي وزيد رح يبطاو باش يبدلوني لوكان ندير الطن في بداية السنة

جمعي البشاري · 2013-07-17, 18:02

ربي يوفقك ان شاء الله