قصة حياتي الدراسية ...عاجل هل من حل يا ترى

charaf life · 2013-07-21, 02:00

ممكن تساعدوني

انا تلميذ مقبل على بكالوريا عام القادم ساسرد حكايتي
انا ديت اهلية تاعي ب 17 و طلعت ثانوية واش حال نموت على العلوم نشتي نقراها و ندي فيها مليح و معروف في العلوم واحد ميقدر عليا
كنت معلق امال كبيرة باه نروح علوم تجربية معدل سنوي تاع العلوم 19 و في رياضيات15 و فيزياء 14 مهم زات بيلطا تشوكيت الكيت روحي هندسة ميكانكية جيت نهبل نورمال ليسمع بيا مادزونيش علوم يحبس من راسوا و الله حقروني و الله تقولهالكم والله اني زاوالي و ابي يخدم ميكانيك حر و اخي ايضا نسبوني زعما اليهم كي رحت نريكلامي واش سمعت من اساتذة دزوني بذمة ليها خاطرش زعما نلقا راحتي تما خاطرش بابا ميكانيك معروف و يقدر يساعدك مهم رواو عليا حتى كرهت مقدرتش نتقبل فكرة هاذي نقرا هندسة ميكانكية و الله حقرة و زيد كي سمعت من جميع واحد يدزوه ليها يحلم باه يخرج منها حنا في ولاية تاعنا و لا واحد قدر بدل من تقني رياضي الى شعب اخري غير برك تقدر تبدل من هندسة الى هندسة ...مهم انا بدلت من ميكانيك للمدنية مقدرتش نرضا بيها بدلت للمدنية و الله ما نعرف عليها واولواا و حاجا لي تنشعت منها ماكانش علوم في تقني رياضي و صمطتلي قرايا و كرهت حياتي و جبي معدل فصلي اوا تاعي 9 و من بعد تداركت شويا امر و جبت تاني 11 و اخير 10 و طلعت لبكالوريا الحمد لله
و مفيد انني مازلت حتى ان لم اتقبل شعبتي و انا اصبحت لا افقه شيئا من فيزياء و رياضيات بالمعنى راني 0 و تدني مستوى تاعي خلاص و مهم راني حاب نرجع كيما كنت و نقرا مليح بلاك شافلي ربي فيها خير و سؤال هل بامكاني عام مقبل اتدارك ما فاتني و ارجع للدراسة و ارجع ممتاز هل ممكن ....ممن نصائح ...ماذا افعل ................ارجو كل من يدخل الى موضوع ان يساعدني و لو بكلمة

charaf life · 2013-07-21, 02:27

و لا رد..............................................

djamel123 · 2013-07-21, 02:51

أولا الهندسة المدنية دائما تفتك المراتب الأولى في نسبة النجاح في البكالوريا
وهذه السنة نالت أيضا المرتبة الأولى61.34 بالمئة وطنيا وبامكانك التأكد من هنــا
ثانيا التخصصات التقنية بصفة عامة أحسنلك من العلوم التجريبية
خاصة اذا أكملت دراستك الجامعية في نفس التخصص (هندسة مدنية أو معمارية )
(وبامكانك أيضا أن تكمل في تخصصات أخرى اذا أردت)
أنا كنت في الثانوية علوم ثم في الجامعة درست هندسة كهربائية، ودائما كان التفوق في الجامعة
من نصيب الطلبة الذين درسوا تقني هندسة كهربائية في الثانوي لأن لديهم قاعدة متينة في هذا التخصص
في رايي الشئ الوحيد( الي يستاهل حزنك) هو توجيهك في الثانوية الى الفروع الأدبية وأنت مش راغب فيها
(رغم أن بعض الأعضاء سيغضبون مما قلت هههههههه) لكن هذا الواقع

انت في الطريق السليم .. ركز في البكالوريا وانزع عقدة النقص هذه من رأسك
وان شاء الله ستنجح و ستنال ماتريده
بالتوفيق

amine eco · 2013-07-21, 04:52

دير علم خير و بدل نورمال .....خطيك من هذت الجخليط

pro24 · 2013-07-21, 05:07

اسمع نقلك هندسة ميكانيكية مليحة بزاف ومن بعد المدنية ومن بعد الكهربائية
انا باك نتاعي هندسة ميكانيكية راني بدلت في الجامعى ودرت اقتصاد راني الحمد لله عندي ماجستير
اسمع الرياصيات والفيزياء راهم كيما نتاع التجربية كيما راك تقول ولا راهي صعيبة
المهم اقرا على روحك وجيب الباك بمعدل مليح راك في الطريق الصحيح ومن بعد دير في الجامعة واش شاتي وخاصة معمارية راك تلقى خدمة كيما تخرج
بالتوفيق يزيك من شتيت وما شتيتش راك في ارض الواقع يجب ان تثبت وجودك

oussama-30 · 2013-07-21, 05:59

sah khoya ana ngolak ne perder pas l'espoir takdar ratrapper wach fatak normal wa rabi ywafkak nchallah