ساندوا خريجي علوم التربية

زنقة زنقة · 2013-07-15, 18:32

لم أفهم لماذا تم إزاحة خريجي علوم التربية من دون التخصصات الأخرى ، رغم أن بعض التخصصات ليست لها صلة بالتدريس في الابتدائي مثل علم الاجتماع الثقافي وحتى التاريخ ، فالأصلح هم خريجي علوم التربية للتعليم في الابتدائي ، أليس لوزير التربية الرحمة في قلبه في هذا الشهر الفضيل و المعظم ، لتمكين هؤلاء من المشاركة في المسابقة ، أرجو أن يكون الوزير يطلع على هذا المنتدى للاستجابة لمطالب هاته الفئة والتي أعتقد أنها قليلة ، فحل مشكلتهم يا سيادة الوزير ، فهم من رعاياك و أبنائك والله تعالى سيحاسبك عليهم .... و رمضان كريم للجميع

iminour · 2013-07-16, 21:53

واش راح نقولو غير حسبي الله ونعم الوكيل فيهم

amina2688 · 2013-07-16, 22:07

كان الله في عونكم

بصح مكان ما تغبطوا ما تظنش الي مقبول نجح

راو دفع الملف ينحي في ملامة لوجه

ينجح كان طويل لعمر................

muslimone · 2013-07-16, 23:00

ربي يكون في عونكم

souad16 · 2013-07-17, 10:40

ولله بزاف علينا كانة مسابقات التعليم أملنا الوحيد للتوظف ...خاصة انا مناش معولين على مسابقة مستشار التوجية الى يفتحو فيها منصب وزوج ويدخلوها معانا حتى خريجي علم اجتماع....الا نحاولنا الحق في التعليم مالا غير نروحو نحيو شهداتنا من الحيط نتاع الدار كلاتهم غير الغبرة ودارولنا الكوشمار واحد امي مقراش خير منا هو اموا مخسرش عمروا وهو يجري وراء السراب.

هبة الله 26 · 2013-07-17, 10:45

حسبنا الله ونعم الوكيل
بهذا القرار المجحف الدولة تنادي الى الهمجية تخيلو معي اذا سقط حقنا من التعليم فاين المفر من البطالة ؟؟؟؟؟؟؟؟؟؟؟؟؟؟؟؟
اللهم اجرنا في مصيبتنا واخلف لنا حيرا منها

silina20103 · 2013-07-17, 21:12

انا خريجة علوم التربية تكوين و تسيير في قطاع التربية غير معروف خذا تخصص لنا كل عام نفوتو كونكور عادي و هذا عام منعرف بداي ينحو في تخصصات بداو بينا لازم نديروا حاجة ولاية بسكرة

noussa nasnoussa · 2013-07-17, 23:10

السلام عليكم
أنا علم النفس تخصص تربية وهذا التخصص مقبول لكن لما يكون التخصص في ذيل قائمة التخصصات المقبولة يعني أن مشاركتنا هي مجرد مشاركة روتينية والنتيجة محسومة
كلنا تعبنا ومللنا من الضلم المتواصل

elsaker · 2013-07-18, 00:27

بلاد فلان وفلان ................اخوكم قيسوم من خريجي علم النقص والنحس نتاع الصح

طالبة علم النفس · 2013-07-18, 10:31

السلام عليكم
هناك فرق بين علوم التربية
وعلوم التربية ارشاد وتوجيه أو تربية علاجية
أو تسيير
علوم التربية فقط هي المقبولة الباقي لا

silina20103 · 2013-07-18, 22:19

انا جامييسمعت بلي كاين تخصص علوم التربية فقط لانو جذع مشترك و يخرج منو تخصصات الا اذا كانت الامدي نظام جديد منعرفش تخصصات
و مع علم انو وظيف عمومي قالي مقبولين و لازم تشكو بالمديرية التربية

حمزة الجنوبي · 2013-07-18, 22:35

السلااااااااااام عليكم صح رمضاانكم
لمن نشكو ماسينا ومن يصغي لشكوانا وبنجينا
...............................
ايها الضحايا المعذبوم في الارض وا نا احدكم
.............
علاش فاتحيين معهد علم البخس الناس ليعرفك علم النفس بشفق عليك
..................
لازم موقف حاسم

CHRA82 · 2013-07-18, 23:12

الجزائر شبعت تربية ,,,,في بلد مشكلته مشكلة تربية ,,,ماعندهم مايديرو بالتربية ,,,علم النفس التخصص الأكثر احتراما في الدول الغربية لكن عندنا حسب ما أري الجزائر تقدمت و هربت في هدا المجال واقيل لهدا الكل مليح في راسو و العكس صحيح ؟؟

CHRA82 · 2013-07-18, 23:19

اقتباس:

المشاركة الأصلية كتبت بواسطة حمزة الجنوبي

السلااااااااااام عليكم صح رمضاانكم
لمن نشكو ماسينا ومن يصغي لشكوانا وبنجينا
...............................
ايها الضحايا المعذبوم في الارض وا نا احدكم
.............
علاش فاتحيين معهد علم البخس الناس ليعرفك علم النفس بشفق عليك
..................
لازم موقف حاسم

لاحظت يا اخي ان اغلب طلبة علم النفس عندهم عقلية الفقر و التشاؤم من البداية كاره حياته لهدا ادا كان نحن ماقيمناش رواحنا مانستناوش الاخرين يقيمونا

طالبة علم النفس · 2013-07-19, 10:00

صحيح لو التلاميذ يتلقون تربية بالموازاة مع التعليم
لما أصبحنا نشاهد تلميذ يحمل سلاح أبيض
أو تلميذ يغش في إمتحانات البكالوريا
أو أو والقائمة طويلة