للبنات فقط

[كوثر 20]

راني كرهت من العفايس نتاع الاولاد مشكيلتي منبغيش واحد ةيشوف فيا وينوي نية ناقصة اليوم مين روحت نخدم ركبت في الحافلة قابلني واحد قعد غير يشوف مابغاش يحشم ويحط عينيه حتى كامل الناس نخلعت حطيت راسي ولعبتها راني نخرب في التليفون والله تقلقت ومين نزلت لحقني وبقا يحكي والله ماديتها فيه مي انا خاطيني ولبسي محتشم مي معرفتش المشكل وين ادعولي بالزوج الصالح ليسترني ويهنيني من كثرت ما كرهت ماعرفتش واش راني نحكي مي بغيت نفرغ قلبي

[soha1987]

حطيهم فالثقيل لاكثرو خزرة وتشنيفة تولي غول يهربو وماعادش يشوفو فيك هههههههههههه
ماتقلقيش هادو اشباه رجال ادي ربي يبعدهم من طريقك

[كوثر 20]

المشاركة الأصلية كتبت بواسطة soha1987

حطيهم فالثقيل لاكثرو خزرة وتشنيفة تولي غول يهربو وماعادش يشوفو فيك هههههههههههه
ماتقلقيش هادو اشباه رجال ادي ربي يبعدهم من طريقك

والله يااختي منشوفش فيهم حتى وحتى ونكون زعفانة يهدرو ربي يبعدهم علينا

[sarah1424]

اختي هادو تليقلهم الحقرة
شنفي ومتشوفيش فيه ومترديلوش احقريه

[الجزائرية 2010]

نصيحتي امشي مكشرة ومقلقة في الشارع
واحد مايجيبها فيك
نصيحة مجربة من عندي

[نسمة تفاؤل]

ربي يرزقك الزوج الصالح

[بنت تاجنانت]

امييييييييييييين وللجميع يا رب

[هيا الجزائر]

للأسـف أختِـي
وليـت نكـره نقضـي أموري بسبب هذآ المُشكــــل
عآنيت منـه أحيآناً


فدآئماً أقومـ بالتجآهُل فهُو سلآحكـ

ربـي يستركـ و يرزقكـ الزوج الصآلـح

[الزيتون]

اسمحيلي اختي ولكن
لم اجد فتاة ملتزمة بالحجاب الشرعي ومهبطة راسها وخافضة صوتها وتتجنب الزحمة تتعرض للتحرش
اما وحدة تحط عينها في عين الرجل وتهدر منا ومنا وتضحك منا ومنا وعلى بالي النهار كامل وهي قدام المرايا تحوس على الفاصا الشابة اللي لازم تقابل بيها الناس
وكل شيء مدروس
ومن بعد تجي تقلك تحرشو بيا ؟؟؟ وشافوني ومليحشموش ؟؟؟؟

حتى الريسفور في الحافلة لما يخلص عليها تقعد تشوف فيه وجها لوجه ؟؟؟

اللي شايفة روحها زينة ياسر تقعد في الدار او تلبس النقاب ولي راهي شوي شوي تهبط راسها وتلبس الفضفاض دون تلوين وتنحي الطقطقة تاع الطالو وماتخرجش هاتفها الوردي المربوط بدمية وقلب ومانيش عارف

تتحرك شوي تخرج منها هاذيك الروايح والعطور عنها اصحاب المحلات ترفهو الوحدة فيهم تشري كي اللوطو يعمرولها في ليسونس

واللي تهبلني في النساء اذا قتلها ماترحيش للجامعة وماتسافريش او اخطيك من العمل تقلك اللي متربية متخافش عليها ومكانش لي يدور بيها ؟؟؟
واذا خرجت مسمي دارهم تشري تقلك يالطيف الناس كي تشوف ؟؟؟

ربي يجيب الخير

[أمآآآآني البنفسج]

المشاركة الأصلية كتبت بواسطة الزيتون

اسمحيلي اختي ولكن
لم اجد فتاة ملتزمة بالحجاب الشرعي ومهبطة راسها وخافضة صوتها وتتجنب الزحمة تتعرض للتحرش
اما وحدة تحط عينها في عين الرجل وتهدر منا ومنا وتضحك منا ومنا وعلى بالي النهار كامل وهي قدام المرايا تحوس على الفاصا الشابة اللي لازم تقابل بيها الناس
وكل شيء مدروس
ومن بعد تجي تقلك تحرشو بيا ؟؟؟ وشافوني ومليحشموش ؟؟؟؟

حتى الريسفور في الحافلة لما يخلص عليها تقعد تشوف فيه وجها لوجه ؟؟؟

اللي شايفة روحها زينة ياسر تقعد في الدار او تلبس النقاب ولي راهي شوي شوي تهبط راسها وتلبس الفضفاض دون تلوين وتنحي الطقطقة تاع الطالو وماتخرجش هاتفها الوردي المربوط بدمية وقلب ومانيش عارف

تتحرك شوي تخرج منها هاذيك الروايح والعطور عنها اصحاب المحلات ترفهو الوحدة فيهم تشري كي اللوطو يعمرولها في ليسونس

واللي تهبلني في النساء اذا قتلها ماترحيش للجامعة وماتسافريش او اخطيك من العمل تقلك اللي متربية متخافش عليها ومكانش لي يدور بيها ؟؟؟
واذا خرجت مسمي دارهم تشري تقلك يالطيف الناس كي تشوف ؟؟؟

ربي يجيب الخير

أوافقك الراي أخي في جل كلامك عدا الملون بالأحمر

للأسف بعض الشباب لا يفرقون بين المحترمة و غير المحترمة

بين المتحجبة و غير المتحجبة

همهم الوحيد امرأة .. الله يهدينا و يبعدهم على طريقنا

[كوثر 20]

اكيد مارنيش ملتازما بالحجاب الشرعي مي نلبس ساجدة فضفاضة ونهبط راسي ومانديها حتى في واحد ومانحكيش برا نخاف من ربي انا انسانة عادية والرائحة مانديرهاش محرمينها نهار الي ربي يرزقني بالزوج الصالح نقعد في الدار شكرا

[سرور]

انا كي نعود نمشي في طريق تقول رايح نقتل واحد ما كلمني يعقدو ينظرو في غير نخزرهم بدلو جهة نظر نتاعهم هاك نوريله

[أمآآآآني البنفسج]

المشاركة الأصلية كتبت بواسطة كوثر 20

راني كرهت من العفايس نتاع الاولاد مشكيلتي منبغيش واحد ةيشوف فيا وينوي نية ناقصة اليوم مين روحت نخدم ركبت في الحافلة قابلني واحد قعد غير يشوف مابغاش يحشم ويحط عينيه حتى كامل الناس نخلعت حطيت راسي ولعبتها راني نخرب في التليفون والله تقلقت ومين نزلت لحقني وبقا يحكي والله ماديتها فيه مي انا خاطيني ولبسي محتشم مي معرفتش المشكل وين ادعولي بالزوج الصالح ليسترني ويهنيني من كثرت ما كرهت ماعرفتش واش راني نحكي مي بغيت نفرغ قلبي

يا أختي لا تنتظري رجالا كأجدادنا حاشا اللي مايستاهلهاش

في السابق كانوا عندما يرون فتاة تتعرض للإزعاج يتدخل الجميع للدفاع عنها

أما اليوم فربي يجيب الخير و كأن الأمر لا يعنيهم إلا القلة القليلة

نعم أنا لا أنكر دور الفتاة في ذلك بل الدور الكبير

لكن ماراناش كيف كيف كل واحدة كيفاش متربية

و زد على ذلك يمكن التمييز بين المتخلقة و غيرها من خلال ردة فعلها

معذرة خرجت عن الموضوع لكن رد الأخ جعلني أوضح الصورة

أعود لمشكلتك

أنا عن نفسي لا أعير اهتماما لأحد يكون واش يكون

لأن الحلال بين و الحرام بين

اللي عينوا فيا يقصد باب دارنا ماشي يحرجني فالطريق

و ربي يرزقك الزوج الصالح و كل عازبات المسلمين

[الزيتون]

المشاركة الأصلية كتبت بواسطة أمآآآآني البنفسج

أوافقك الراي أخي في جل كلامك عدا الملون بالأحمر

للأسف بعض الشباب لا يفرقون بين المحترمة و غير المحترمة

بين المتحجبة و غير المتحجبة

همهم الوحيد امرأة .. الله يهدينا و يبعدهم على طريقنا

لو جعلنا مقياس لوجدنا هذا قليييل مقارنة بالعكس
فالمريض النفسي قد يجد ربما حيوانا حتى يعتدي عليه فمبالك بانسان امامه

ولست من خارج المجتمع حتى احكم فلقد رأيت الكثير من البنات من تشتكي وتجعل من نفسها بريئة وهي من كانت سببا للتحرش

نعطيك مثال صغير كاين بنات حجاب ماشاء الله لما تكون في موقف مختلط وتجد طفلا صغيرا او طفلة صغيرة تولي تداعب فيها وتسمع كل من في ذلك المكان مداعبتاها وفي الاخير تقول لك واش درت انا راني نلعب مع الطفل الصغير ولربما ذلك الطفل لايعرفها ولاتعرفها المكان جمعهم فقط

[الزيتون]

المشاركة الأصلية كتبت بواسطة كوثر 20

اكيد مارنيش ملتازما بالحجاب الشرعي مي نلبس ساجدة فضفاضة ونهبط راسي ومانديها حتى في واحد ومانحكيش برا نخاف من ربي انا انسانة عادية والرائحة مانديرهاش محرمينها نهار الي ربي يرزقني بالزوج الصالح نقعد في الدار شكرا

حتى حجاب ساجدة واعرفه جيدا فيه نوع من التبرج يظهر الصدر والحوض ويصنع الكتفين واغلب قماشه براق ويعكس الضوء
وتصوري اذا كانت البنت ذات قوام جميل كيف سيظهرها ؟؟؟
اكيد سيزيدها فتنة
حتى بعض البنات لاتملك قواما واضحا لكن بهذا الذي تسمينه حجابا يظهرن بجمال اكثر وهل هذا حجاب ؟؟؟

العبرة ليست في ستر البدن وحسب فالعبرة في ستر كل شيء

اللهم استرنا فوق الارض وتحت الارض ويوم العرض