ღ مَائِدة رَمَضَان لليَوم الرَبع لِرَمَضانْ+سلطَة رَوعَة للاُخت أُم رَامِي ღ

~~houda45~~ · 2013-07-13, 23:34

واش راكم مع رمضان والكوزينة ان شاء الله لاباس اليوم جبتلكم مائدة رمضان لليوم الرابع عشاء وفطور خفاف يهبلوا يوالموا حتى ضياف وزدت جبتلكم وصفتي المجربة لسلطة الاخت رامي خرجتلي عجب روعة مذاقا وشكلا نشكرها ربي يعطيها الصحة
اولا نبدا بالسلطة والمقادير :
1- حضرو الحاجيات لي تحتاجوها في استخدام السلطة وهي كالاتي :
- جزر مقطع مربعات صغاروبطاطا مفورة ومقطعة ونزيدو بطراف مقطع مربعات+روز مفور

- ممبعد حضرو ثاني اوراق خس مقطعة ومجهزة تكون واجدة

- حضرو 3حبات بيض فايضين كيما في الشكل

- حضرو علبة تون انتاع زيت + مايونيز + علبة ذرة + حبة خيار مقطعة دوائر

- الان وجدنا الصوالح لي نحتاجوهم ونمرو لكطريقة التحضير
- نفورو الجزر والبطاطا مقطيعن مربعات صغار ونغلي البطراف ونقطعوه مكعبات واذا كان عندك بيطراف مر ضيفيله شوي سكر مين يكون يغلي باه هذيك لمرارة تروح
ثم نغليو 2 ملاعق روز مع قليل من الملح ونغلو معاهم 3 حبات بيض ونقطعوا الخس من جهة ثانية .
- وبعد ذلك نقوم بخلط البطاطا والجزر والبيطراف (الشمندر) مع خل وقليل من الملح والزيت وشوي سكر ونصف علبة طون زيت .
- بعد ذلك نخلط الخس مع قليل من الزيت والملح والخل .
- ثم ناخذ صفار 3خبات بيض المغليين + ملعقة كبيرة ميوناز + نصف علبة الطون الباقية + ملعقتين ارز ومببعد تعمري كل نص بهذا الخليط انتاع المياونيز مع الصفار .
- ومببعد ناخذ شرائح الخيار لي مقطعين دوار دوار ونطبعوهم باي طابع مثال انا استعملت طابع وردة وناخذ عيدان المستعملة خصيصا لمطبخ ثم ندخل فيها شريحة الخيار وفوقها حبة زيتون ثم نثبت الاعواد داخل انصاف البيض المحشوة بخليط الميونيز ونترككم مع الصور واي استفسار راني هنا :

- والان نتركم مع اشكل النهائي للسلطة والله خرجت روعة ونصيخة مني انكم تجربوها وخصوصا كي تاكلوها بعد الحريرة متخليلكمش هذاك النفخ روعة روعة روعة وتحية مني خاصة للاخت ام رامي على وصفاتها الرائعة :

- والان مع مائدة مضان اطباق ساهلة وخفيفة تبعوا معي الصور :

1- هذا المطلوع (ههه هذا عندنا في النعامة سموه خبز الطاجين ) :

2- هذي الحريرة مع الخبز جات بنينة تهبل :

3-وهذا طبق هو زيتون معاه صبيعات نتاع بطاطا ولحم دجاج مقطع وزيد رنا فخاض انتاع دجاجا نحمروهم في الزيت بعد مايطيب في الحريرة + وصحن اخر فيه اللحم لحلو وصحن ارخ فيه الكفتة نديروها ثاني صبيعات وندخل فصتها مورصويات انتاع فرماج تجي تهبل :

4- وهذا ديسير خفيف فيه شرائح اناناس + عصير+ فلون + الشامية انتاع البيت مصنوعة في الدار :

- هذي هي اطباقنا ومائدتنا لنهار اليوم وشكر خاص مني لجميع الفحلات لي في الجلفة والله استفدت منهم كثير وللاسف انا عندي عضوية لكن مشركاتي لم تبلغ الحد المطلوب لاضع مواضيع لذلك انا دوما اتتبعكم من عضوية اختي نور الهدة ولا يفوتني اي شئ تعجبني اطباقكم كثير وكامل لي جربتها لحد الان ناجحة واي استفسار بخصوص اي طبق ولا اي شئ انا هنا انتظر ردودركم المشجعة تحياتي وسلامي " فطيمة "