التجارة الالكترونية في الجزائر

bakhire2000 · 2013-07-12, 02:08

بسم الله الرحمن الرحيم
بعد تفكير عميق و عصر لكل خلايا المخ المسؤولة على الفهامة لم اجد اي فكرة ابدا بها موضوعي
تذكرت شياء واحدا . من حوالي 6 او 7 سنين رايت اشهار لثلاجة lg الذكية .ثلاجة بها شاشة متصلة بالانترنت تشتري كل شيئ تحتاجه .طبعا يتم برمجتها مسبقا على الاستهلاك اليومي .(بديل جيد لاخي الذي يروح يشري بالسيف و يزيد يدي الصرف) المهم شوفو هما من سنوات وين كانو
ارواح حنا في 2013 وين رانا مين نبدا
1-العملة
اولا ممنوع تشري العملة الصعبة من البنك و زيد مكانش مصارف و فوق هذا و ذاك كي تقول للمسؤول في كاش بنك جزائري وين نلقى العملة الصعبة يقلك في السوق السوداء (وهذا ميخافش من الدولة و لا كيفاش)
ثانيا كي تحب تبعث الدراهم للخارج ممنوع (حنا نحشولهم هما يبعثولنا و حنا نصحروهم )
ثالثا انا و اعوذ بالله من كلمة انا عيطت لوحد البونكة (زعمة بونكة) رفدت عليا وحدة تخدم في الرسيبسون (زعمة وحدة خاطاك مورها بليامات عيطتلي هذيك الودة نتاع نتلر باش تاكتفلي الكونت فقت بلي الوحدة نتاعنا مشي وحدة بلاك زوج ولا ثلاثة) ايا و سقسيتها قلتلها خصني bic نتاعكم قاتلي واش هو bic قلتلها السويفت قاتلي درك نفوتلك الشاف سرفيس(زعمة مسؤول) سقسيتو قلي منعرفهمش عيط للريزو انا عيطت للريزو قلي مشي هنا عيط للشاف سرفيس
ايا الشاف سرفيس قلي واش حاب ادير بيه قتتلو باش نستقبل دراهم من الباي بال قلي واش هو الباي بال كوبيتلو في وجهو
بونكا كاملة متعرفش السويفت و حاب دير تجارة الكترونية (هاذا وين فهمت علاه قاع الي يشريو مالانترنت اول حاجة يشروها هي السيجارة الالكترونية )
رغم كل هذا تجد البعض يطيح و ينوض و يحصل على بايبال مفعل و فيه الدولار واش يدير يروح يشري من النت و يصيب اتصلات الجزائر بالمرصاد
2 اتصالات الجزائر
اولا شفت فالاشهار نتاعهم (الاختيار الافضل ) هنا وسوسوني انا لي علبالي بيه بلي راهم وحدهم فالجزائر اذا كاين شركة وخدخرة راهي تقدم فخدمة الهاتف الثابت و النترنت نورونا الله ينوركم خطاك اذا كاين وحدة واش تخطار.
ثانيا اول مرة نشوف شركة وحدها فالسوق تكلاسي الثالثة مفهمتش علاش
رابعا الافضل مين جابوها واك الا بديت نحكي على الانقطاعات و 3g وو منكملش
خلونا منها خير
3 بريد الجزائر :غير كيما بعثتلهم رسالة فالدعم الفني (زعمة) عندها سمانة مزال مجاوبوش خطال سالتهم وين نقدر نتبع الطرود نتاوعي (هههههههههههه) هوما و مايجاوبوش .
الطرد من الصين للجزائر يدير 3 ايام و من مناء العاصمة الى جانب مناء العاصمة دير ثلاثة اشهر
كي تحب تبعث حاجة للخارج مكان رقم تتبع و كلش ممنوع الا التمر ؟
اصلا الموقع نتاعهم فيه غير ccp الشهرية دخلت ولا مدخلتش و بس
انا كي نشوف الرسائل الي يجو من فرنسا تغيضني عمري على البراوات نتاع 5 دينار الي رانا نبعثوهم
4 الجمارك
الحجة الاولى مكان لا سكانار لهم يحزنون افتح الطرد مكانش كونفيونص
ثانيا الا عجبتني نديها و بعث الطرد فارغ خلي غير الشارجور
ثالثا الجمركة 5000 دج بغض النضر على سعر السلعة حتى و اذا نسرقت تخلص الغرامة
رابعا يعاودو يبلعو الطرد بالسكوش نتاع لومبلاج مكان لا شمع لا هم يحزنون زعمة الا ما عجبتش الجمارك تعجب نتاع البوستا ( الفاكتور هو التالي زعمة اذا صحتلوا)
واذا السلعة نتاعك مداوهاش هذو الكل سور يديهالك واحد صاحبك بعد ما دير موضوع في منتدى الجلفة طبعا
سمحولي خاطر كتبت بالدارجة خاطر الموضوع متقدرش تكتبو باللغة العربية
تحية لكل شخص يشتري من الانترنت هواية برك
صح رمضانكم و نتمنى قاع الي راهم يستناو في الطرود نتاعهم توصل ان شاء الله و السلام عليكم

amine.bma · 2013-07-12, 02:14

هههههههههههههههههههههههههههههههه يعطيك الصحة خويا و الله غير هدرة صح كاملة سيرتو هاذي
الطرد من الصين للجزائر يدير 3 ايام و من مناء العاصمة الى جانب مناء العاصمة دير ثلاثة اشهر

الله غالب هاذي دولتنا واش نديرو

جمعي البشاري · 2013-07-12, 02:44

صح رمضانكم و نتمنى قاع الي راهم يستناو في الطرود نتاعهم توصل ان شاء الله و السلام عليكم
وشكرا هههههه

bakhire2000 · 2013-07-12, 02:50

انا راني نقارع في وحد التريكو من تينيديل الا مالحقش نروح للجمارك نقعد نعس فيهم الي نشوف لابس تريكويا نطيح عليه الدولة
مي هما عندهم لاتوني نتاعهم سبيسيال ؟
نشري تريكو من تينيديل و نقول للبائع يكتب فيه ( انا نخدم فالجمارك و سرقت هاذ التريكو)

bakhire2000 · 2013-07-12, 03:00

مزيا انا السلع نتاوعي الكل يدخلو للجزائر في رمضان هكا الجمارك صايمة يعني يخافو من ربي و الشيطان مكاشو
السلع مضمونة ان شاء الله
ههههههههههههه

aliba2010 · 2013-07-12, 03:01

موضوع قيم رغم الكتابة بالدارجة الفصحى نتاعنا

amine.bma · 2013-07-12, 03:16

اقتباس:

المشاركة الأصلية كتبت بواسطة bakhire2000

انا راني نقارع في وحد التريكو من تينيديل الا مالحقش نروح للجمارك نقعد نعس فيهم الي نشوف لابس تريكويا نطيح عليه الدولة
مي هما عندهم لاتوني نتاعهم سبيسيال ؟
نشري تريكو من تينيديل و نقول للبائع يكتب فيه ( انا نخدم فالجمارك و سرقت هاذ التريكو)

هههههههههه هاذا ما مليح

amine.bma · 2013-07-12, 03:17

اقتباس:

المشاركة الأصلية كتبت بواسطة bakhire2000

مزيا انا السلع نتاوعي الكل يدخلو للجزائر في رمضان هكا الجمارك صايمة يعني يخافو من ربي و الشيطان مكاشو
السلع مضمونة ان شاء الله
ههههههههههههه

هوما الشيطان بذاتو او هوما المعلمين تاعه

zima2012zima · 2013-07-12, 03:25

بوركت و جزيت خيرا على كلمات مثقالها ذهب , أحسنت أخي الكريم , و الله لقد عبرت عن كل ما كان يجول في خاطري , رغم أنني لا أتفق معك في كل النقاط , و لعل اللآتي سيكون أفضل.

bakhire2000 · 2013-07-12, 03:32

اقتباس:

المشاركة الأصلية كتبت بواسطة amine.bma

هوما الشيطان بذاتو او هوما المعلمين تاعه

الشيطان :هذي التابلات باينة نتاع كاش ميليونير
الجمركي :اواه راه زوالي مسكين البارح جا يسقسي عليها
الشيطان :اديها باينة بلي عندو ايفون 5
الجمركي : لا عندو 1100 شفتو يحكي بيه البارح
الشيطان :معليش متدهاش مي دولو غرامة 500 دينار
الجمركي :لا نديه و نزيد ندرلو غرامة 5000 دج
الشيطان : لا بزاف خير وحدة اديه و لا درلو غرامة زو ج مرقتها و زيد 5000 دج انا و مجاتنيش
الجمركي :لا نورمان
الشيطان املا طيش لمبلج
الجمركي لا نبعثهولو هكا يعرف بلي ديتلو تابلات نتعو
الشيطان : خسارة عليك هذا مهما كان اهو جزيري كيما انت و زيد معندوش مسكين
الجمركي : امالا كيراك هكدا نزيد نبعثلو الشارجور
الشيطان : اواه معندكش قاع الرحمة في قلبك درك كي نلقى واحد حاب يشري تابلات نوسوسلو باش مايشريش

houssem.street · 2013-07-12, 06:37

علاه كتبت الموضوع زدت كرهتني في هاذ البلاد

GranD_AmjeD · 2013-07-12, 11:18

اقتباس:

المشاركة الأصلية كتبت بواسطة houssem.street

علاه كتبت الموضوع زدت كرهتني في هاذ البلاد

:
نفس الشعور

amine.bma · 2013-07-12, 11:27

اقتباس:

المشاركة الأصلية كتبت بواسطة bakhire2000

الشيطان :هذي التابلات باينة نتاع كاش ميليونير
الجمركي :اواه راه زوالي مسكين البارح جا يسقسي عليها
الشيطان :اديها باينة بلي عندو ايفون 5
الجمركي : لا عندو 1100 شفتو يحكي بيه البارح
الشيطان :معليش متدهاش مي دولو غرامة 500 دينار
الجمركي :لا نديه و نزيد ندرلو غرامة 5000 دج
الشيطان : لا بزاف خير وحدة اديه و لا درلو غرامة زو ج مرقتها و زيد 5000 دج انا و مجاتنيش
الجمركي :لا نورمان
الشيطان املا طيش لمبلج
الجمركي لا نبعثهولو هكا يعرف بلي ديتلو تابلات نتعو
الشيطان : خسارة عليك هذا مهما كان اهو جزيري كيما انت و زيد معندوش مسكين
الجمركي : امالا كيراك هكدا نزيد نبعثلو الشارجور
الشيطان : اواه معندكش قاع الرحمة في قلبك درك كي نلقى واحد حاب يشري تابلات نوسوسلو باش مايشريش

هههههههههههههههههههه قد قد نستعرف بيك خو

العقلية · 2013-07-12, 11:51

ههههههههههههههههههه معك حق أخي

azizo18 · 2013-07-12, 11:54

ههههههه كلامك صحيح مائة في المائة و انا متفق معك شوف يا اخي انا منذ ايام قلت ندخل موقع بريد الجزائر قلت بلاك تبدل و اصبح له نظام تتبع الطروود قلت لعل و عسي هه و عندما دخلت وجدت واضعين في الموقع خمسينية الاستقلال الشعار الابدي للتخلف و الجهل هذا هو بريد الجزائر يحتفل ب 50 سنة من الاستقلال هههههه 50 سنة من السرقة و التخلف