السلاااااام عليكم شوفو درت تارت مانعرف تعجبكم ولالا باسكو انا موسوسة ياااسر المهم كان عجبتكم نعطيكم لاغوسات تاعها......
واني قاعدة نصور برك ماشي حاتطها فوق فرااش ههههههههههه
هاهي الوصفة لعيونكممممممممم ...
المقادير:
مقادير العجينة :
*250 غ طحين
*100غ زبدة
*ملعقة كبيرة سكر ناعم
*رشة ملح
*2 ملعقة كبيرة جلجلانية محمصة (اختياري)
*1بيضة
*1ملعقة حليب
*ملعقة فاني ضروري
ملاااااااااااااااااااااااااحظة
كان ماكش راح ديري الجلجلانية ديري 125غ زبدة باسكو الجلجلانية فيها الزيوت عديكة نقصو كمية الزبدة
مقادير حشو البنان (الموز):
*3حبات بنان مقطع شرائح مدورة
*2ملاعق كبيرة عصير القارص
*ملعقة سكر بني ولا معندكش السكر البني ديريها بشوكولا بودرة الي يشربو بيها ولادك لحليب
*1ملعقة فاني
*50غ زبدة
مقادير الشوكولا وكريم شونتى:
*250غ شوكولا غامقة
**170 غ كريمة خفق الي هي لاكريم فريش سائلة
*ملعقة كبيرة سكر ناعم
*2ملاعق كبار زبدة
*كريم شونتي مخفوقة بشوية حليب
طريقة :
العجينة:
يخلط الدقيق والسكر والملح والجلجلانية والزبدة ثم تفركيه بيدك شوية وديري حفرة في النص باه تحطي فيها البيض المخفوق بشوية حليب والفاني ومبعد تجمعي العجينة بلا ما تعجنيها وعندك تعجنيها عندك ومبعد غطيها بكيس بلاستيك ودخليها للفريجيدار تبات ليله ولا كان زاربة بيها خليها نص ساعة المهم ترتاح شوية ثم تفرديها فوق طابلة مرشوشة بالفرينة وترولي عليها القراص وتحطيها فوق لبلاتو تاع التارت هادي واثقبيها بفرشيطة القاع تاعها وغطي القاع بورقة وديري فوقها حمص باه ماتطلعش ودخليها للفرن طيب لمدة 10الى 15د وخرجيها نحيلها الحمص والورقة ورجعيها طيب لمدة 15 د وانتي والفور تاعك المهم حتى تحمار مي عندك تروحي ديري قراتوي وتنساها تتحرق خخخ المهم .....تخليها تبرد وتروحي يا الشاطرة ديري الطبقة الاولى تع البنان تجيبي مقلا تحطي الزبدة والسكر البني او الشوكولا بودرة الي ان تذوب الزبدة وتضيفيلها شرائح البنان وعصير القارص والفاني وتنحيه من النار وتصبيه فوق لاتارت وهادي هي اول طبقة ومبعد تحطيها على جنب وديري طبقة الشوكولا وكريم شونتى تحكمي تغلي الكريمة وتصبيها فوق الشوكولا وتحكري حتى تذوب الشوكلا وتضيفي ملعقة السكر قلاصى و2ملاعق الزبدة وتخلطي بياا وتصبيه فوق طبقة البنان وتزينيه بكريم شونتى ولفريز وترشيها بشوكولا غبرة ولكي حرية التزيين يااختي والي تجربها تقولي مع قبلاتي
( تقرير عن مشاركة سيئة )، و الموجودة أسفل كل مشاركة .
2013-06-29, 21:02
تارت محشية بكريم شونتي وشوكولا
زينة حطي الوصفة وما توسوسيش هههههههههه
العرض العادي
