Nadoouuch..................exclusive

صاحب الامل · 2013-07-12, 15:00

مرحبا بالجميع

جمعة مباركة علينا وعليكم يارب
ورمضان مبارك وربي يتقبل منا صالح الاعمال

بعد ان انهينا دورة تصميم الازياء بالفوتوشوب

والتي توجنا من خلالها

ندووووووووش

كمصممة المنتدى للموسم الثاني

قررنا اليوم ان نوافيكم بهذا الحوار الحصري مع الفائزة
وان شاء الله ينال اعجابكم

الاسم والمدينة :
ندوووش من باتنة

المستوى الدراسي:
ماستر وقاية وامن صناعي

الهواية :
الرسم و لعب الشطرنج

وش ديري في حياتك :
متزوجة و ام لطفلة في رمضان دير عام ان شاء الله وحاليا عاملة

كيف قررتي ان تشاركي في دورة تصميم الازياء
حبي للفاشن و الملابس بالإضافة لموهبة الرسم خلاوني نتشجع ونشارك معكم.

هل كان هدفك التسلية ام للوصول الى هدف معين
كان هدفي التعلم و الاستفادة و ممارسة هوايتي المفضلة (الرسم) بطريقة جديدة ( الفوتوشوب) بالاضافة الى رغبتي في التعرف على اعضاء المنتدى الرائعين وقضاء وقت ممتع معكم .

وضع اسمك في قائمة المشاركين بالدورة هل كنتي تتوقعي ذلك
بصراحة توقعت لانك شرطت خمسة مشاركات و 5 فقط اللي حطو تصميمات لكن تمنيت لو كان هناك عدد كبير من التصميمات.

*من هي المشاركة اللي كانت تصاميمها تجذبك
اكثر شيء بيبا تصاميمها ماشاء الله ولاخر لحظة كنت نتوقع انها تفوز بالاضافة للسطايفية روعة

هل كنتي تتوقعي ان تصلي الى مراحل متقدمة من المسابقة
كنت نتمنى لكن كنت نتوقع خروجي في أي لحظة لانو تاخير دقيقة واحدة تساوي 0 فكان كل شيء متوقع

هل النتقادات اللي كنت نوجهها ليك في المسابقة هل كانت تزعجك ام تحفزك
احيانا تزعج و احيانا تحفز، مرت عليا لحظات فكرت فيها ننسحب لان تعليقاتك تخلي الواحد يفقد الثقة في روحو
لكن بما اني شاوية وراس مالي تاغنانت ، كان يديني النيف و نقول لازم هاد المرة يقول وااااااااااو

كانت هناك مرحلة صارت تصاميمك متشابهة وفقدتي بعض الوهج هل لان هناك ضغط ام لامور اخرى
بسبب الضغط من جهة وضيق الوقت من جهة اخرى وخصوصا كي بديت العمل خارج البيت، احيانا نفشل ونستسلم ونقول المهم مانديش 0

من هي المشاركة اللي كنتي تتوقعي فوزها
كيما قلت سابقا بيبا، مع انو أي وحدة كان بامكانها الفوز ولكن الظروف كانت عكس السطايفية و لجين و بولياما

من الاقرب من المشاركات اليكي اللي تجمعك بها صداقة بالمنتدى
بما اني عضو جديد ماكنتش نعرف المشاركات مليح ماعدا السطايفية اللي جمعني بيها حديث من خلال مواضيعها ولكن الان كلهن صديقاتي وكلهن قريبات.

*ماهي اهم الاقسام اللي تطلعي عليها على منتدى الجلفة
قسم الخياطة اكثر قسم نطالع عليه تفريبا يوميا، بالاضافة لقسم الكروشي ، مشكلتي ، الحياة الزوجية، الجلفة للنقاش الجاد والمجتمع

وصولك الى نهائي المسابقة هل كنتي تتوقعي هذا الشيئ
لا كنت نتوقع بيبا و سطايفية خصوصا مع التحدي اللي عطيتهولنا (فستان الزفاف) كنت نظن اني مافهمتش المطلوب و ظهر العكس

هل كنتي تتوقعي انك تفوزي باللقب

لا

كي كنتي تقراي في موضوع التتويج بين السطور وانتي تهبطي شوي شوي ما هو شعورك في تلك اللحظات

كنت نهبط و نقول بيبا بيبا بيبا بيبا حتى لقيت ندووووش

كي لقيتي اسمك المتوجة باللقب وش حسيتي

طبعا فرحت وحسيت بالراحة كيما اللي يدي الباك على خاطر تعبنا بزاااااااااااف و زيرتنا بزااااااااااف

بعد انتهاء المسابقة وش هي مشاريعك للناس اللي كانت تبع ندوش وعندها ثقة بتصاميم ندوش

اول حاجة راح نديرها ،اني نتعلم الخياطة باش ماتكونش تصاميمي مجرد الوان بل حقيقة، وراح نحاول نصمم و نخيط ، واي حاجة نصممها ولا نخيطها راح تكون حصري لمنتدى الجلفة

كلمة اخيرة

شكر كبير للمشرف و الاستاذ عمر اللي تعب معانا بزاف بزاف و هبلناه باش قدر يخرج منا مصممات و هذا كان واضح جدا من خلال التصاميم، وشكرا لكل المشاركات العزيزات بيبا السطايفية ولجين وبولياما ولكل العضوات اللي تابعونا وشاركونا بارائهم و تعاليقهم ونقوللهم شاركو في المسابقات لانكم راه تفوزو و راح تخرجو كامل رابحات على الاقل تربحو الصحبة الطيبة و اللحظات الجميلة.
ورمضان كريم تقبل الله منا ومنكم صالح الاعمال

وفي الاخير شكر خاص لكل المشاركات في الموسم الثاني من دورة تصميم الازياء بالفوتوشوب
موعدنا مع الموسم الثالث ....قريبا

stayfiya · 2013-07-12, 15:06

مبروووك ندووش و شكراا الاخ عمر ونشالله بدايه موفقه مع احسن تصديرة للموسم الثاني

larakahla · 2013-07-12, 15:20

مبروووووووووووووووووووووووك ندوش انا لارا نتابع في الازياء نتاعك

bant beladi · 2013-07-12, 22:33

السلام عليكم ورمضان مبارك على الجميع ألف مبروك أخت ندوش على الفوز تستاهليه. لأنو أصعب حاجة على المرأة لما تكو و أم وتقدر تقدم هذا المجهود خصوصا انك ام لطفلة ما دا رتش عام والله يعطيك الصحة على الابداع. والمبروك الأكبر هو للاخ عمر لأنو استطاع انو يخرج منكم هده الموهبة. والصح هو أنكم انتم الخمسة راكم رابحين لأنو كل وحدة فيكم أعطت ما عندها وان شاء الله رايحين تزيدو تتالقو. ومزيدا. من النجاح. ونشوفوكم في مواسم جديدة.

sarra5 · 2013-07-12, 22:37

kolchiii mebrouuk nadouuch

testahlii

w kamle allah ybarek 3likom

hnina · 2013-07-12, 22:37

الف مبروووووووووك ندووووووووش في انتظار المزيد ان شاء الله

ام مريم اسراء · 2013-07-12, 23:29

مساء النور اسعدني الحوار و الكلمات الطيبة الي تحملها اجوبتك اختي ندوش فعلا صدقتي في قولك .. الفو بالصحبة الطيبة و الله ان اعتبرها الحافز و الداعم الي يخليك تسترجعي ثيقتك في نفسك و يخليك تستنشقي دفء المشاعر الطيبة و الاخوية في عالم افتراضي غريب فعلا
صح سحوركم و موفق اخي همر في مسيرتك الاحترافية في تسسير هاذا القسم و اتمنى الموفقية لكل المشاركات في مسابقة احسن تصديرة

biba04 · 2013-07-13, 10:26

صباح الخير الف مبروووك لندوش تستاهلي الفوزويشرفني اني تعرفت عليك
سلامي للجميع وصحا رمضانكم

nadoouuch · 2013-07-13, 17:34

الشرف ليا اني تعرفت عليك اختي بيبا انت و كل المشاركات والاخ عمر و العضوات الرائعات، دخولي لهذا المنتدى كان مجرد صدفة و لكنها كانت اجمل صدفة.
شكرا للجميع على الكلام الطيب و الردود الجميلة.

جيجلية · 2013-07-14, 11:25

مبرووك للفائزة ندوووش

الحوار شيق

بارك الله فيك

souheila dz · 2013-07-14, 14:02

مبرووووووووووووك ألف مبرووووووووووووووووك

mounia hse · 2013-07-16, 18:16

مبرووووووووووووووووووووووووك ندوش راني نسنا في ابداعاتك

وصال7 · 2013-07-16, 18:22

الللف مبروك