قلب اللوز ولا أروع

[bint aljazair]

اليوم صنعت قلب اللوز خرج كيما لي نشروووه
المقادير
3 عبار سميد خشين
2عبار سكر عادي
1 عبر ما زهر
الشاربات
1عبار سكر
2 عبار ماء 1 عبر ماء زهر
عصير ليمون ف الآخر
طريقة التحضير توضعي في جفنة السميد وتضيفي السكر خلطيهم مع بعض وضيفي ماء زهر خليه يرتاح 15د ثم وضعيه في صينية مدهونة الزيت
سويه من الفوق وارسمي من الفوق مربعات وضعي وسطها حبات اللوز بلا تقطعي حتى الاسفل رسم فقط على السطح
دخلي الصينية للفرن يكون سخون جدا وخليه يطيب على نار متوسطة لمدة 1سا
حضري الشاربات
1عبر سكر + 2 عبار ماء +1عبر ماء زهر بعدما تطفي ضفي قطرات من عصير الليمون
بعدما يطيب شربيه وقطعيه وعاودي شربيه وخليه يبرد ويرتاح
ثم قدميه في صحون ورقية

والله جربتو خرج روعة


ملاحظة: هذا قلب اللوز لا نضع به الزبدة على الإطلاق ويخرج بنين بزاف

[**نور اليقين**]

اممممممم سخفتيني مع اني ماعندي حاجة فيه
لغدوة ان شاء الله نجربو

[nina13]

شكراااااااااااا رائعة

[ounissinauha]

شكرالك يقولو سر نجاح قلب اللوز أنك تخليه إيبات وفي الغد طيبيه هل صحيح

[افكار خياطة]

شكراااااااا لك

[ام ملاك.]

يعطيك الصحة نجربو ان شالله في رمضان

[oum anas 69]

يعطيك الصحة أختي و بصحتكم

[ام سارة 285]

يعطيك الففففف صحة

[إيمان المبدعة]

رائعة حقا
سلمت يداك

[الوهرانية 1]

شكرا حبيبتي انا ثاني نديره هاك ومانديرش فيه الزبدة ابدا
وفعلا يجي خفيف وسهل التحضير
تحياتي

[ام بسومة]

يعطيك الصحة

[توكل]

جزاك الله خيرا

[الأمنيات]

[اميرة في دنيا حقيرة]

شكرا ليك حنونتي كون حتى صورتيولنا نشوفوه بصحتكم يا لعزيزة نجربوا باذن الله

[RANIA32]

بارك الله فيك,نجربه ونخبرك النتيجة