إستفسار حول معهد شبه طبي خاص بمستغانم ووهران

[kimo-dz]

بسم الله الرحمن الرحيم

السلام عليكم وبعد :

خوتي حبيت نسقسيكم على معاهد شبه طبي خاص ببلدية عين النويصي ولاية مستغانم وولاية وهران.

قالولي تخلص 14 مليون في عامين وتدي دبلوم مي ماعندي حتى فكرة عليهم الرجاء خاصني أرقام الهاتف، وكيفاش الدراسة فيها وبارك الله فيكم

صح رمضانكم وصح فطوركم

[kimo-dz]

راني نستنى باش تعاونوني خوتي

[rate12400]

انا علابالي تسلك كل عام 15 مليون وهاذا في معهد شبه الطب في برج بوعريريج..............وتقرى عامين ونص ...مع انو يوجدولك الاقامة والماكلة وكل شي..............والديبلوم اسمو ts
اما لي يقروها نتاع الباك الرسمية نتاع الدولة فالدبلوم هو tss
هذا ما اعرف

[kimo-dz]

بارك الله فيك خويا
ماالفرق بين ts و tss

[*تسنيم*]

المشاركة الأصلية كتبت بواسطة kimo-dz

بسم الله الرحمن الرحيم

السلام عليكم وبعد :

خوتي حبيت نسقسيكم على معاهد شبه طبي خاص ببلدية عين النويصي ولاية مستغانم وولاية وهران.

قالولي تخلص 14 مليون في عامين وتدي دبلوم مي ماعندي حتى فكرة عليهم الرجاء خاصني أرقام الهاتف، وكيفاش الدراسة فيها وبارك الله فيكم

صح رمضانكم وصح فطوركم

خويا قبل ماتسقسي على المعهد سقسي على الديبلوم لكان معترف بيه عند الدولة خاطركش انا قريت وقت في الجرائد بلي من ورا ماتخرجو الطلبة انصدمو بعدم اعتراف الدولة بديبلوهم ورفض توظيفهم في الهيئات العمومية.

[rate12400]

لا خويا راو يحوسو عليهم بالضو لانهم يخدمو كيفهم كيف لي قراو في نتاع الدولة ويسلكو اقل منهم وقيلة بواحد 500 الف........... الدولة ماذا بيها تفيد ............
مثل لي قراو في السيافا يخدمو واللي متخرجين من الجامعة ما يخدموش لانو نتاع السيافا راي شهريتهم صغيرة وزيد دارو الستاجات ياسر ....واللي ديبلومي شهريتهم تكون كبيرة .....وكل يوم يديرو اضرابات ....وكل يوم يطالبو بحقوقهم عكس نتاع السيافا...............وبالنسبة لل
ts ..............tecnicien superieur.
tss......tecnicien superieur......s
اس الاخيرة ما نعرف واشنو هي ليسونسيال زايد بقراد على التي اس



ادعيلي برك نفكر خدمة ..........وادعيلي بالفلاح والنجاح خويا

[kimo-dz]

ربي ينجحكم خوتي وصح رمضانكم ولي عندو إضافة باش يعاونا يتفضل وجزاكم الله كل خير