اللحم لحلو بالتفاح من مطبخي

islam1aya · 2013-07-13, 15:11

السلام عليكم اخواتي

اليوم جبتلكم طريقتي في طبخ
اللحم لحلو الي هو شباح الطاولة الرمضانية

المقادير

اللحم غنمي مقطع صغير
زبيب مشماش مجفف وبرقوقة او العينة مجففة
سكر من 200الى 250 غ او حسب الكمية تع الفواكه الجافة
2ملاعق زبدة
ماء الزهر
عود قرفة
ماء

طريقة التحضير
حطي في قدر اللحم والقرفة والزبدة

مرقي بحوالي 3كؤوس ماء +50 غ سكر باش ميقساحش اللحم ويجي يابس
ثم حطيه اطيب

الفواكه الجافة حطي عليهم قليل من الماء الزهر و الماء الساخن اتركيهم ساعة باش يطراو

قشري التفاح وفوريه دقائق فقط قيس مايدخلو اطياب وانزعيه او قطعيه شرائح

صفيهم وحطيهم اطيبو وزيدي كمية السكر المتبقية بعد ماطاب اللحم +كاس ماء الزهر

بعدين كيطيب حطي التفاح يغلي غلية وطفيه ماصورتوش

طريقة التقديم
حمصي في مقلة شوية لوز مع الزبدة حتى ياخذ اللون وزين بيه

ام اسلام واية

هند222 · 2013-07-13, 15:24

يعطيك الصحة يالفحلة

تعيشي راني ديت هذا

نخليه للفطور

سليلة ذات النطاقين · 2013-07-13, 15:28

يعطيك الصحة والله غير شهيتيني

أم هاجر البسامية · 2013-07-13, 15:32

بارك الله فيك أختي روعة ربي يحفظك

natacabell · 2013-07-13, 15:45

ممممم يعطيك الصحة و الله يا عزيزتي شهيتيني ربي يحفضك متعينا باطباقك سبيسيالموا في رمضان راني نسنا ٠٠٠٠٠صح فطورك وربي يحفظلك وليداتك اسلام آية و يوسف٠شكرا لكي