ورشة صدر اخضر

[ميرة31]

السلام عليكم اخواتي

راح نبدا انشاء الله ورشة هذا الصدر يوم الثلاثاء 16/04/2013
شكون تنضم

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 960×500.
الباترون

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 2480×3507.

وجدي اللوازم اختي بادرا

اللوازم: 4كبات لون اساسي +لون آخر يكونو متناسقين
ليبيرل لون ابيض على حساب الوردات

الصدر راه ساهل فقط انتبهوا مليح لما تكونوا تخدموا وركزوا معي في الشرح



رايحين نتفقوا على بعض الرموز: لما نكتب



ع= يعني عمود ، س= يعني سلسلة ،
صدفة= 2عمود+1سلسلة+2عمود



كامل الصدر راح نعملوه عمود بلفتين يعني نقوم بلف الخيط مرتين على الكروشي



نبداو على بركة الله



الجزء الأول: طريقة الوردة



نخدمو 12 سلسلة ونغلقها بمنزلقة





نطلع ب 4س ونخدمو 35ع المجموع يصبح عندنا 36ع ونغلق بمنزلقة

نطلع ب3س ونقلب الوردة

ونديرو منزلقة كيما راهي توضح الصورة



نخدمو 5س+غرزة حشو+5س+حشو+....... 6 مرات يعني نخلي 5 أعمدة في كل مرة وندير غرزة حشو في العمود6


وهكذا نتحصل على سلاسل لي رايحين نعمروهم بالأعمدة للطبقة الثانية





نبداو الآن نعمرو 10 ع +غرزة حشو بين السلسلتين+10ع+غرزة حشو حتى نكملو كامل السلاسل ورايحين نتحصلو على 6 بتلات نقطعو الخيط ونقلبو الوردة

<A href="https://im32.gulfup.com/KQYzE.jpg" target=_blank>

وهاهي النتيجة


***************


نخدمو العدد المطلوب من الورود بلونين مختلفين اللون الأساسي واللون الآخر


لما تكملوهم لصقوهم بالإبرة والخيط وطبعا كل وحدة تقيس على روحها كيما في الصدر لي في الصورة نظن راه فيه 26 وردة


بالتوفيق انشاء الله

الجزء الثاني



نبداوبالجهة العلوية للصدر ...........الباترون يوضح ذلك



لما لصقنا الوردات من الجهتين راه بقالنا 4 بتلات 2 من الفوق و2 من التحت هدو لي رانا رايحين نخدمو فوقهم



نذكر انو الأعمدة راح نخدموهم بلفتين في كامل الصدر


وبالنسبة للخيط هنا رايحين نخدمو بيه على 2


شرح السطر الأول: نحكم الخيط ونربطو فوق البتلة ونطلع ب4س+عمود+1س+2عمود تحصلنا على الصدفة الأولى+2س باش ننتقلو للبتلة الثانية لنفس الوردة ونعملو صدفة اخرى+2س وننتقلو للوردة الثانية نعملوصدفة +2س+صدفة+2س وننتقلو للوردة الثالثة وهكذا حتى نكملو السطر الأول

السطر الثاني :رايحين نعاودو السطر الأول بحيث نعملو الصدفات فوق الصدفات

السطر الثالث : نعملو صدفة فوق الصدفة الأولى للسطر الثاني 1س باش ننتقلو للبتلة الثانية لنفس الوردة ونعملو صدفة اخرى+1س وننتقلو للوردة الثانية نعملو صدفة +1س+صدفة+1س وننتقلو للوردة الثالثة وهكذا حتى نكملو السطر

السطر الرابع: :رايحين نعاودو السطر الثالث ودايما نعملو الصدفات فوق الصدفات.

السطر الخامس يعني الأخير: (هنا تحبي تغيري لون الخيط) نعملو غرزة حشو في الصدفة يعني بالضبط في 1س التي بين العمودين من بعد رايحين نخدمو في 1س لي كنا نديروهم باش ننتقلو من صدفة الى صدفة نديرو 5أعمدة وزيدو نروحو للصدفة لي منبعد ونعملو غرزة حشو +5أعمدة +غرزة حشو حتى نكملو السطر
وهكذا نكونو كملنا الجهة العلوية



ننتقلو للجهة السفلية ................... دائما الباترون يوضح ذلك



هنا انتبهوا مليح


شرح السطر الأول: نحكم الخيط ونربطو فوق البتلة ونطلع ب4س+عمود+1س+2عمود تحصلنا على الصدفة الأولى+3س باش ننتقلو للبتلة الثانية لنفس الوردة ونعملو صدفة اخرى+6س وننتقلو للوردة الثانية نعملوصدفة +3س+صدفة+6س وننتقلو للوردة الثالثة وهكذا حتى نكملو السطر الأول

السطر الثاني :نعملو صدفة فوق الصدفة الأولى للسطر الأول+ 3س باش ننتقلو للبتلة الثانية لنفس الوردة ونعملو صدفة اخرى+3س انتبهوا هنا رايحين نعملوصدفة فوق 6سلاسل لي عملناهم بين الوردتين في السطر الأول+3س وننتقلو للوردة الثانية نعملوا صدفة +3س+صدفة+6س وننتقلو للوردة الثالثة وهكذا حتى نكملو السطر
يعني في هدا السطر رايحين يكونو كاينين صدفات فوق السلاسل التي بين الوردات

بالنسبة للسطر الثالث،الرابع والخامس: رايحين نعاودو فقط السطر الثاني

السطرالسادس يعني الأخير:(هنا تحبي تغيري لون الخيط) نعملو غرزة حشو في الصدفة يعني بالضبط في 1س التي بين العمودين من بعد رايحين نخدمو في 3س لي كنا نديروهم باش ننتقلو من صدفة الى صدفة نديرو 10أعمدة وزيدو نروحو للصدفة لي منبعد ونعملو غرزة حشو +10أعمدة +غرزة حشو حتى نكملو السطر.

وهكذا نكونوا كملنا الجهة السفلية وكملنا الصدر ونركبوا ليبيرل في الورود يبقاو الأكمام في الجزء الثالث بإذن الله.

والشرح راه مبسط على هديك لم أضع الصور ويلا ما فهمتيش اختي بادرا قوليلي.


تم الجزء الثاني والحمد لله


الجزء الثالث والأخير
الأكمام

من فضلكن ركزوا مليح


انا رايحة نغير فيهم شوية لأنو الأخت ورد الجورى رايحة تخدم كيفهم في الورشة تاعها هكدا نوعو شوية

نذكر الخيط راه على 1

أول شيء نخدمو 8 ورود كيما خدمناهم في الصدرونلصقوهم كيما في الصدر نشكلو دائرة.

منبعد نجيبو الخيط ونربطوه في أول بتلة ونعملوا مثل العمل لي عملناه في الجهة العلوية لكن الأعمدة رايحة تكون بلفة وحدة

نعملوالسطرالأول والثاني والثالث والخامس يعني الأخير لكن في مكان 5 أعمدة لي عمرنا بيهم نديرو4 أعمدة بلفة وحدة ولما نكملو نقطعو الخيط.


ننتقلو للجهة الأخرى من الورود


نزيدو نجيبو الخيط ونربطوه في اول بتلة ونعملو مثل العمل لي عملناه في الجهة السفلية لكن الأعمدة رايحة تكون بلفة وحدة نعملوالسطرالأول والثاني.


من بعد نبداو نخدمو شبكة يعني اقواس سلاسل وفي كل قوس 8س.


يعني 8س+غرزة حشو في وسط 4 أعمدة لي منبعد+8س+غرزة حشو وهكذا.


تبقاي تعاودي في السطورحتان توصلي للطول المطلوب (رايحة تقيسي على حساب ذراعك)

ولما تكملي لسقي فى الكتف بغرزة الحشو 9 أقواس والباقي عمري في كل قوس 5 أعمدة بلفة وحدة.

إن شاء الله الشرح يكون مفهوم.

إكتمل الشرح تاع الصدر والحمد لله.




شوفي هاد ليمونش حنا في مكان العقاش نخدموهم صدفات بالكروشي مثل الجهة العلوية في الصدر وراني وضحت واشمن سطور نديروهم

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 930×575.

وبالنسبة للجهة الفوقانية كيما راهي الشبكة انا خدمت كيما عملنا في الجهة السفلية للصدر راني موضحة شحال من سطر من بعد نبداو الشبكة
شرح الأكمام كيما لي راهم في الصورة


منقول للفائدة

[crystale49]

شكرااااااااااااااااااااااااااااا

[بلبلة المنتدى]

ماشاء الله عجبني بزاف يعطيك الصحة

[Lellou86]

بارك الله فيك اختي يعطيك الصحة على الورشة

[looolooo]

مشكووووووووووووورة

[seliana]

من فضلك اكتبي منقول هاذي الورشة عندي جبدتها من منتدى اخر لوكان يشوفوه المشرفات يحذفولك الموضوع
مشكورة

[sorour93]

ماشاء الله تبارك الله عليك اختي