راح نهبل مع الطياب والحل .... ؟؟؟

pearl dm · 2013-08-02, 02:15

انا كنت نقرا وماكانش عندي الوقت باش نطيب ولا نتفنن في الطياب وذرك كملت وحابة نتعلم مافهمت فيها والو منين نبدا منين نكمل فففففف ولا غير عييت شكون تعاوني وندعيلها دعوة الخير ان شاء الله

chemsse01 · 2013-08-02, 02:30

انا تاني كنت كيما هاك بصح الحمد لله تعلمت كل حاجة تجي في بالي اولا كنت ندخل مع امي و اخواتي الكبار و دخلت نتعلم الحلويات و الحمد لله كلش نخدموا و الحمد لله دورك راني متزوجة و عندي طفل و راني ربت بيت ماهرة بعدما كنت و لا شيئ انشاء الله الطياب ماشي حاجة صعبة غير حطي بالك مليح و تولي ماهرة و نجي نتعلم منك,,,,,وو

Lona.Anna · 2013-08-02, 11:48

tab3i montada hada w hazi wassfate abdaye bi sahla w rouhi hata tawssli s3iba w dork tata3lmi w twali taktachfi les astuces wahdek ana bdite nat3alam beryouche puisk nhabou w haka bchwiya hata walite nssalaék rassi aye haja naqder ndireha w dima fi hade montada w rabi yakhli ga3 bnate w les femmes li fih menhom t3alamna

fadilasor · 2013-08-02, 11:59

انا ثاني كنت كيفك بل واكثر اخواتي كانوا يقولولي لي ماتعلم من الصغر مايتعلم من الكبر كي نشوف شطارتهم نحس روحي مونغولة في وسطهم لكن الحمد لله درت الارادة والفضل لمنتدى الجلفة وليت ماهرة ونضحك عليهم

meriama13 · 2013-08-03, 00:48

ماشي حاجة صعيبة في الاول ابداي بالحوايج الساهلين و شوفي مليح في امك و تبعيها حتى انا كنت نقرا و من بعد الخدمة بصح نموت على الكوزينة

marwa marama · 2013-08-03, 00:57

انا ثاني كنت كيفك بصح الحمد لله تعلمت وما وليتش ماهرة مازال شوية ههههههههههههه

islam02 · 2013-08-03, 02:18

ابداي بالاطباق التقليدية مثل الكسكس الحريرة البركوكس .والحلوة ابداي بالطابع الكيكة الاسفنجية .وتاكدي من حاجة مادم راكي عايشة وانت تتعلمي .لذلك ركزي على اساسيات الطبخ.