من فضلكم اجيبوني

[حليمة2012]

السلام عليكم جميعا
كما تعلمون انا متزوجة منذ سنتين و لم يرزقني الله بعد بالذرية اعيش انا و زوجي لوحدنا
و الغريب انه لا اهلي و لا اهله يزوروننا اهلي على الاقل امي حفظها الله و اختي احيانا يزرونني و لكن اخواتي المتزوجات و اخوتي الذكور و زوجاتهم و اولادهم لا احد و من ناحيته هو ادهى و امر فامه لم ترى بيتي الا مرة واحدة منذ زواجي و اخواته البنات و ابوه و اخوه و زوجة اخوه لا احد ياتي
المهم البارح كنت صايمة و هو كان تعبان مقطع من الخدمة و من حوايجح ياسر المهم كي قرب المغرب كنت وجدت فطوري بعد نهار طويل تاع ميناج و خدمة في الدار حتى تقطعت
جيت نحط في فطوري و باقي على الاذان اقل من نص ساعة جا تعبان نحا تريكو و قعد بجانب الرواحة قتلوا راها تضروا و ممكن تسببلوا مرض خاطر كان عرقان
تخيلوا تقول بركان انفجر في الدار الدار حطها فوق راسي ما راعاش حتى اني صايمة و تعبانة و بدات المشاكل المرة الاولى حاولت نهديه ما قدردش و من بعد ما فهامتش وعلاه يدير هاك قالي اني نتحكم فيه و انو كبير و يعرف صوالحو و انا انفجرت جاتني حالة هستيرية تقدرو تقولو اهيار عصبي لحت الفطور و بديت بكي و زقا حتى دخت
حاول انو يهدني و في نفس الوقت هبطلي المورال قاعد يقولي اني فارقت شغل و دال نراقب فيه و انا و الله ما كنت قاصدا حاجة
المهم قتلو اديني لدارنا قالي نودي نديك بكل برود
انا طبعا ما رحتش لانو لي في دارنا يكفيهم
في الليل كامل حاول انو يراضيني بطريقة باردة و اليوم الصباح عفست على قلبي و حاولت اني نهدر معاه بلا ما نبينلوا حاجة و كان شيئا لم يكن
قولولي انا لي صح و لا هو
و لي درتو فيه تطياح لكرامتي و لا كان لازم نروح لدارنا و نطلب الطلاق لانو اصبح عصبي فوق المعقول
ارجوكم دبروا علي انا ما عندي لمن نحكي ما عندي الا نتوما
اطلب من اصحاب الخبرة في الحياة الزوجية ما يبخلوش عليا
و عذرا على الاطالة