طرائف باكالوريا 2013

[فوزي الفايز]

السلام عليكم ورحمة الله وبركاته

اعرف ام معظمكم متعصب و متقلق لظهور النتائج و الباكالوريا هدا العام عرفت جانب مظلم عكس الباكالوريات السابقة

لكن بينما ننتظر ظهور النتائج التي لم يبقى لها الا بضعة ايام ان شاء الله......كل واحد يحكي لنا احدى طرائف الباكالوريا التي شهدها

انا شخصيا من اغرب ما شاهدت احضروا لنا سوجي مادة التكنولوجيا فيه موضوع واحد و قالوا لنا ان هدا كل ما وصلنا.....هههه الكل بدا ينتفض و

هنالك من نهض و بدا يودع الاخرين .....وفي اخر ثانية جاء سوجي 2 و بالمصادفة كان اسهل و افضل من الاول ......

[zineb.alg]

ههههه تفركت نهار التالي واحد جون قال لبروف لكان يحرس هدا غير نهار تالي رايحين تعاونونا قاله لبروف وهو منارفيي واش نعاونوكوا هدا باك قاله لا غير تجيبولنا لما هههه

[أمين الدين الميلي]

انا عجبتني عفسة أعياد الميلاد ..... حيث يتم تكريم التلاميذ المولودين في أحد ايام الباكالوريا....

[الزهرَاء~]

أمَّا عنا فيوم الأربعاء احضرونا لنا ورقة الخرائط لمادة الإجتماعيات ... وقالوا هذا ما وصلنَا بقينا ننظر في بعضنا

قالت صديقتي كل واحد يجب أن يعين منزله في خريطة العالم ههههههه فسألتها أخرى قائلة : صح ؟؟

هههههههه أسكتنا الأستاذ وقال الخريطة تعتبر أسئلة فلتسكتوا وسيصل بقية الموضوع ..

[**ابتسام**]

ههههههههههههههههههه والله غير هم يضحك وهم يبكي

[mica nour]

احنا منعونا من المراحيض باش ندخلولهم
وحد النهار كنت خارجة شفتهم قاع ماشيين للمرحاض و يجريو حتى وحد المراقب كان يجري يجري و فالدرجة طاح اهاهاهاهاهاهاها
هذا مكان يستاهل

[juniel]

انا كان عيج ميلادي في اخر ايام باك في 6 جوان وماكرمونيش

[طالبة علم01]

ههههههههههههه نهار الفلسفة كل واحد يدعي تطيح المقالة اللي راح حافظها و واحد الولد قال لصاحبه كي شاف الناس قاع تدعي يا ربي يطيح تحليل نص ...

[الزهرَاء~]

من عادتي ندعي قبل ما نشوف ورقَــة الإمتحان ..

آخر إمتحان هو نتاع الفلسفة .. من كثرة ارتباكي بديت نقول :" اللهم اجعلنا من التوابين واجعلنا من المتطهرين " دعاء الوضوء هههههههههههههههههههههههه

[sarah14]

اطرف جاجة عجبتني
احنا لغات ونهار الفلسفة نحااو ريزوو نجمة موبليس قااع
باه منقلوش اكل نخدمو وساكتين ويهدر الى حذايااا في جرتي انا كونكسيووو راحت
كان يجبد مقالات من نت هههههههههه قاع ضحكنااا وجاتو لبرفو قاتلو واش قلتلهم باه ضحكوو هكا قالها اشوومي مقالة هل لكل سؤال جواب مش حافظهااا
--------------
وحدة في فرنسية معاملها5 عقبناهها لعشية من 3-7
قالها طفل يا شيخة واحد معاود3 مرات ايا تخليني نقل ولا واش
قاتلو يابني تعيش نقل بصح بلا عنف هههههههههههههههه

[3ab2ou]

انا واش ضحكني الشعب كامل خاطيه الفلسفة جامي قراها حاافظ غير المقالة تااع البيولوجيا كجات الورقة كامل بقاو يشوفو معا بعضاهم و يضحكو كالمهاابل

[hamza1985]

في احد المراكز واحد لم يدعوه يخرج للمرحاض فبال في القسم امام التلاميذ

[3ab2ou]

المشاركة الأصلية كتبت بواسطة hamza1985

في احد المراكز واحد لم يدعوه يخرج للمرحاض فبال في القسم امام التلاميذ

هههههههههههههه لحكايات تاع المرحاااض خلي نسترو برك

[nabil2094]

على حساب ما راني نشوف الكل عنده مشكلة و طرائف مع الفلسفة


أنا شعبة علوم تجريبية في امتحان الفلسفة و التي ما نعرف فيها منين تبدا أو أين تنتهي هههههه ما عدا المقارنة بين المشكلة و الإشكالية

عندما أحضروا المواضيع للقسم البعض بدأ يقول أن السؤال الأول قرا بين المشكلة و الإشكالية في تلك اللحظة من كثرة الفرحة نسيت واش نكتب في المقدمة و قلت صايي ديت 1 ههههه

و عندما رأيت الموضوع لا يوجد ما كنت أريد فبقيت لنصف ساعة و أيضا من كان معي في القسم نرى في بعضنا و في الحائط و نضحكو و في الأخير بقالي غير تحليل النص الذي لم أجربه في حياتي كلها و الحمد لله كتبت الكثير و لكن هل سيكون له معنى ههههه

[فوزي الفايز]

انا ايضا احترت كيف لزميل لي لم اره في حياتي يدخل للمرحاض في المدرسة لكن ايام الباكالورياصبح زبون دائم لدلك المكان

الغش وما ادراك مالغش هههه