هل من مساعدة

[fatrach]

حجة خبيتها في قلبي ماحكيتها مع حتى شخص بصح كي نتفكرها نشبع بكا مانيش عارفة لكان هدي عادي بصح جايتني صعيبة و مامتقبلتهاش تخطبت عام لي فات 2012 عقدت و درت الخطبة كلش جاز على خير راني نوجد في روحي للعام الجاي العرس الزوج تاعي يسكن بعيد نشوفو 2 مرة في العام بصح بعد ماخطبني و صبحت مرتوا كتاشفت في واحد امر لي مقلقني بزاف كي نخرجوا نحوسو مكانش لي تفوت حداه ومايشوفش معاها جاتني صعيبة صبرت ونقول ماعليهش بصح راه يبالغ بزاف هدرت معاه و قلتلوا على اقل حترمني مانيش نتلقاك بزاف و هذاش شي مايعجبنيش بصح ينكر و يقولي انا ماجيتش مسافة هذي كامل بها نشوف في غيرك بصح كل مانخرجوا عنيه مايريحوش معايا كامل راه معايا و كانشوف في بعينيا و يكذب فيا هاذ الشي مكانش كامل في فالول من بعد فترة خطوبة باه تبدل و هاذ شي يا خاوتي قتلني مالقيتلو حل معايا و يدير هكذ يادرى كي راه بعيد عليا واش كاين ......... كولش فيه مليح عمرو ولى غلط معايا انسان طيب بصح هاذ شي مقلقني و ليت مانحبش نخرج معاه بصبت عينيه عرفة لوكان نخرج معاه نداكو عنوني و نصحوني لوجه ربي يا خاوتي .......

[baalache]

الله يرزقنا الهداية اختي المشكل هدا في الشباب كامل تقريبا خصوصا مع اللباس الي راهم يلبسوه ولكن الواحد كي ينوي الحلال المفروض ينظر الى واحدة
الحل اختي يكمن في الدين كي تتزوجوا ان شاء الله الحي عليه ب الصلاة والصوم والدكر وووو حتى يستقيم واصبري عليه

[baiza]

اختي العزيزة لايمكن لاي منا ان تنصحك بفسخ الخطوبة اولا فالله ادرى بحاله بعد الزواج ان كان سوف يخونك او لا فالحل الوحيد هو الاستخارة

[fatrach]

المشاركة الأصلية كتبت بواسطة baalache

الله يرزقنا الهداية اختي المشكل هدا في الشباب كامل تقريبا خصوصا مع اللباس الي راهم يلبسوه ولكن الواحد كي ينوي الحلال المفروض ينظر الى واحدة
الحل اختي يكمن في الدين كي تتزوجوا ان شاء الله الحي عليه ب الصلاة والصوم والدكر وووو حتى يستقيم واصبري عليه

والله يا اختي حجة ماتخصنيش و كي نشبحلوا و نلبس كيما يحب مابيدي حيلة هو شكرا لكي ياختي

[fatrach]

المشاركة الأصلية كتبت بواسطة baiza

اختي العزيزة لايمكن لاي منا ان تنصحك بفسخ الخطوبة اولا فالله ادرى بحاله بعد الزواج ان كان سوف يخونك او لا فالحل الوحيد هو الاستخارة

يا اختي انا لم افكر اطلاقا بفسخ الخطوبة و نحن لسنا مجرد خطبين خاطر عقدت وقرت فاتحة مازل غير العرس شكرا يا اختي .

[naamane3]

اخبريه انه كما تدين تدان
اي عندما ينضر الي بنات الناس سينضرون الي بناته
واذا نضر الى زوجات الناس سينضرون الى زوجته
عَنْ أَبِي بَرْزَةَ الْأَسْلَمِيِّ رَضِيَ الله عَنْهُ قَالَ:
قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ:
"يَا مَعْشَرَ مَنْ آمَنَ بِلِسَانِهِ وَلَمْ يَدْخُلِ الْإِيمَانُ قَلْبَهُ
لَا تَغْتَابُوا الْمُسْلِمِينَ وَلَا تَتَّبِعُوا عَوْرَاتِهِمْ فَإِنَّهُ
مَنْ يَتَّبِعْ عَوْرَاتِهِمْ يَتَّبِعْ اللَّهُ عَوْرَتَهُ
وَمَنْ يَتَّبِعِ اللَّهُ عَوْرَتَهُ يَفْضَحْهُ فِي بَيْتِهِ". أخرجه أحمد
والله المستعان

[نورالهدى بيولوجيست]

الحل انك ماتخرجيش معاه حتى و يكون عاقد عليك.........علاش الخرجااااااااات؟؟؟؟خلي كي تتزوجي بيه تعرفيه مليح و ما تستبقيش الاحداث........ربي ييسرلك

[fatrach]

المشاركة الأصلية كتبت بواسطة naamane3

اخبريه انه كما تدين تدان
اي عندما ينضر الي بنات الناس سينضرون الي بناته
واذا نضر الى زوجات الناس سينضرون الى زوجته
عَنْ أَبِي بَرْزَةَ الْأَسْلَمِيِّ رَضِيَ الله عَنْهُ قَالَ:
قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ:
"يَا مَعْشَرَ مَنْ آمَنَ بِلِسَانِهِ وَلَمْ يَدْخُلِ الْإِيمَانُ قَلْبَهُ
لَا تَغْتَابُوا الْمُسْلِمِينَ وَلَا تَتَّبِعُوا عَوْرَاتِهِمْ فَإِنَّهُ
مَنْ يَتَّبِعْ عَوْرَاتِهِمْ يَتَّبِعْ اللَّهُ عَوْرَتَهُ
وَمَنْ يَتَّبِعِ اللَّهُ عَوْرَتَهُ يَفْضَحْهُ فِي بَيْتِهِ". أخرجه أحمد
والله المستعان

صدقيني يا اختي و الله هدرت معاه و قلتلي بالي هاذ شي ماش مليح و حاولت معاه اخر مرة تلقينا داكينا بارك الله فيك يا ختي

[fatrach]

المشاركة الأصلية كتبت بواسطة nour el houda--cqa

الحل انك ماتخرجيش معاه حتى و يكون عاقد عليك.........علاش الخرجااااااااات؟؟؟؟خلي كي تتزوجي بيه تعرفيه مليح و ما تستبقيش الاحداث........ربي ييسرلك

يا اختي لعزيزة رنا عقدين و قريب يدور عام مالي عقدنا على كل حال شكرا لكي و ربي ييسر لناس اجمعين

[rahim ghaza]

واش راح نقولك الاخت الفاضلة
مكاش لي ميغلطش ومكاش لي ما يشوفش
سواء ذكر او انثى
نسأل الله العفو والعافية

[وفية زاد]

رب يهدينا
انا نظن غالبية الرجال هكذا
بدون قصد تلقاي عينيهم يروحو يمين و شمال
و احنا البنات دايرين fbi معاهم
كونك متهنية في الاول و الاخر هو اختارك انت من دون كل البنات
علاش تتقلقي و تقلقيه معاك
اصبري عليه من بعد الزواج ان شاء الله راح يتبدل
بالتوفيق

[knives55]

ما فهمتش قصتكم مع رجالكم مهم تخلقوا سبة به ديروا مشكل

راجل كي يخطب ما يشوف في حتي وحدة علاه ديما يطيشكوم