مرضى السكري

لقمان12 · 2013-02-20, 12:56

السلام عليكم انا ابحث عن نصائحكم لمرض السكري ما ياكل و ما لا ياكل وصفات اي شيئ يخصه ارجو منكم ان تنصحوني ولو شيئ صغير

biologie2001 · 2013-02-20, 13:10

اولا ربي يجيب الشفاء لكل مرضانا ...... و لكن قل لي اي نوع من السكري يعني هل تداوي بالاقراص و الريجيم ام تضع الانسولين....

على كل حال عليك باكل الخضراوات مثل اللوبي الخضراء الفلفل.. الشوفلور و الكرمب و هدا الاخير راه بمثابة الانسولين راه مليح بزاف

العجائن الاخرى عندك مقادير معينة و قليلة مثلا من 4 الى 8 ملاعق معكرونة او كسكسي .... انا انصحك بالاكثار من الخضراوات

اما ادا كنت تستعمل الانسولين فاظن انك تستطيع اكل كل شيء و الله اعلم.....

noha_ali31 · 2013-02-20, 13:58

ربي يشافك ويشافي جميع الناس لازم تتعايشي مع هدا المرض سواء دير الانسولين او الحبوب ننصحك تاكلي عادي 3وجبات في اليوم بعدي عن الحلويات التي تتباع من احسن تاكلي اي نوع حلوى مصنوع في البيت لانك تقدري تنقصي السكر وفي العشاء كولي حاجة خفيفة وربي يوفقك

لقمان12 · 2013-02-20, 22:13

اقتباس:

المشاركة الأصلية كتبت بواسطة biologie2001

اولا ربي يجيب الشفاء لكل مرضانا ...... و لكن قل لي اي نوع من السكري يعني هل تداوي بالاقراص و الريجيم ام تضع الانسولين....

على كل حال عليك باكل الخضراوات مثل اللوبي الخضراء الفلفل.. الشوفلور و الكرمب و هدا الاخير راه بمثابة الانسولين راه مليح بزاف

العجائن الاخرى عندك مقادير معينة و قليلة مثلا من 4 الى 8 ملاعق معكرونة او كسكسي .... انا انصحك بالاكثار من الخضراوات

اما ادا كنت تستعمل الانسولين فاظن انك تستطيع اكل كل شيء و الله اعلم.....

شكرا المرض يخص الوالدة حالبا تتعالج بالحبوب كل شيئ الطبيب يقول ممنوع بطاطا جلبانة جزر زيوت دسم لم اعرف ما اطهي لها السكر قيمته بين و لا ينزل عن هذه القيمة

الدكتور سام · 2013-02-21, 07:03

السلام عليكم
شوفي اختي.الوالدة تاعك السكري من النوع التاني و هدا يعني ان البنكرياس مازلت تعمل و لكن كمية الانسولين التي تفرزها ليست كافية لتعديل نسبة السكري في الدم و لهدا نعطوهم تلك الحبوب التي يتمثل دورها في
تحفيز البنكرياس على افراز الانسولين
منع الكبد على افراز السكر في الدم
تسهيل دخول السكر الى العضلات و حرقه
لدلك تعتبر الحمية+النشاط او الرياضة من افضل الوسائل لهدا النوع من السكري
بالنسبة للحمية
في الغداء يتكون من 3 مكونات
1/السكريات و فيها نوعين.سكريات سريعة اي انها ترفع نسبة السكر بشكل سريع بعد ساعة الى ساعتين من استهلاكها و من اهمها السكريات الموجودة في الفاكهة و سكر المائدة.و الحلويات بكل انوعها و المشروبات......
لدى يجب عالى امك.تناول كمية محددة من الفواكه)نصف تفاحة او برتقالة او 7 حبات عنب)اما الحلويات و سكر المائدة تتركه كليا
السكرات البطيئة و هي العجائن و النشويات و البطاطا و هي ترفع نسبة السكر بشكل بطئ و لكن طويل لدى يجب تناولها بشكل محدد كدلك ك ان تاكل 8 ملعقات من الكسكس و ما شابهه
نوصي هنا بان تكثر من الخضروات الخضراء طايبة في صوص فلا باس في دلك و كدلك الالياف كالخرشف و اللوباء الخضراء
بالنسبة للحبوب الجافة تاكل و ما تكترش مثل العدس و الوبياء و الفول
2/الدسم.تبتعد تماما عن الدسم الحيوانية مثل الشحمة خاصة لحم الخروف و كدلك الزبدة و البيض ما تكثرش منه لانو غني بالكلستيرول
الدسم النباتية لا باس ان لم تكثر منه.و خاصة زيت الزيتون
السمك كدلك مسموح
الكبدة غير مسموح
الدجاج تنحي منه الشحمة
.اوصيها كدلك بضرورة المشي لان النشاط و الحركة تساعد على خفظ السكر
بالشفاء لوالدتك ان شاء الله

biologie2001 · 2013-02-21, 12:08

شوفي اختي انا امي مريضة بالسكري و هي تتناول الحبوب كدلك و تتراوح النسبة بين 1.30 الى 1.60.....اكثر حاجة نديروهالها هي اللوبيا الخضراء بين قراتان او سلاطة او مرقة..نديرولها الفلفل الاخضر الكرم و الشوفلور. الخرشوف. القرنون. الجريوات او القرع و الكابوية ثاني مليحة... السلاطة الخضراء .....الجزر البطاطا اللفت الجلبانة تبعد عليهم و متكترش كذلك من الخبز..... السمك راه مليح...

العجائن تقدر تاكل و لكن بكميات محدودو من 4 الى 8 ملاعق فقط

الفواكه... عندها الحق في نصف تفاحة.. نصف برتقالة...الفراولة مفيدة لمرضى السكري و لكن تاكل كما هي بعد غسلها اكيد..

تبتعد عن السكريات و الحلويات

و المشي مفيد جدا لمثل هده الحالات

لقمان12 · 2013-03-07, 19:21

شكراااااا
ممكن تفيدوني اكثر

محمد سامي · 2013-03-29, 13:22

يقال ان حليب الناقة طازج مفيد جدا لداء السكري ولامراض كثيرة
العلاج بالماء لأمراض مستعصية
https://djelfa.tv/y/v/qgNEnaox8B4

اكتبي العلاج بالماء في غوغل وستجدين ماتشاءين

omkadi amina · 2013-04-14, 10:57

ارواحي نقولك على دوا هاد وين حطيتو في المنتدى وهو عن تجربه شوفي جيبيكاسرول ديري فيها ليترا ما ء فوق النار حتى يغلي ديرى حفنة اوراق الزيتون بعد غسله وابقاي خلطي 2 او3 دقايق وطفي النار وغمي الخليط بغطاء حتى يبرد صفيه تشرب منو تلات مرات في اليوم مقدار كاس ماشى كبير بنصف ساعة قبل الاكل وتعير بعد يومين وتشوف .......انا ختى دارته لراجله كان يطلعلو 3 غرامات وضرك بعد شهر ونصف خليته محبس الدوا ونقص من هاد الخلطة بمقدار كاس واحد فالنهار ورجع تقريبا ياكل كل الي كان ممنوع عليه .........شوفي ختي انه حبيت نفيدك مي راكي عارفه كاين الي ينفعو الدوا وكاين اللا وهاد الوصفة ايلا مانفعت ما رايحاش تضر ها والشفاء من عند مولانا وهادي غير اسباب

لقمان12 · 2013-07-10, 22:00

اقتباس:

المشاركة الأصلية كتبت بواسطة omkadi amina

ارواحي نقولك على دوا هاد وين حطيتو في المنتدى وهو عن تجربه شوفي جيبيكاسرول ديري فيها ليترا ما ء فوق النار حتى يغلي ديرى حفنة اوراق الزيتون بعد غسله وابقاي خلطي 2 او3 دقايق وطفي النار وغمي الخليط بغطاء حتى يبرد صفيه تشرب منو تلات مرات في اليوم مقدار كاس ماشى كبير بنصف ساعة قبل الاكل وتعير بعد يومين وتشوف .......انا ختى دارته لراجله كان يطلعلو 3 غرامات وضرك بعد شهر ونصف خليته محبس الدوا ونقص من هاد الخلطة بمقدار كاس واحد فالنهار ورجع تقريبا ياكل كل الي كان ممنوع عليه .........شوفي ختي انه حبيت نفيدك مي راكي عارفه كاين الي ينفعو الدوا وكاين اللا وهاد الوصفة ايلا مانفعت ما رايحاش تضر ها والشفاء من عند مولانا وهادي غير اسباب

شكرااااااا
نجرب تو و نرد الخبر بعد ايامات