ارجوكم اخوكم في الله يناشدكم ويطلب العون منكم

[محسن1988]

السلام عليكم اخوتي في الله ارجوكم ساعدوني انا لدي سورسي ينتهي في اكتوبر2013 واريد ان اعمل ملف طبي هل انتظر حتى تنتهي مدة السورسي ام اذهب الان الى الثكنة العسكرية وماهو النلف الطبي ومما يتكون فانا لدي ورم في الخصية او كيس فهل الراديو يكفي ام لا وماهي نسبة نجاح الملف الطبي بسبب مرضي هدا ارجوكم اعينوني من كان في حاجة اخيه كان الله في حاجته وشكرا

[محسن1988]

سبحان الله ولا رد اين انتم يا اعضاء المنتدى ساعدوووني واجييبوووني

[amine eco]

ورم جاب لي ربي يعطوك اعفاء ادي معاك راديو للناحية العسكرية بصح لازم تكون داير كونترا فيزيت تاع 18 سنة باش بشدو عليك ملف

[محسن1988]

بصح يا اخي انا نهار جاتني لوردابال رحت طول درت السورسي 5 سنين وانا بالسورسي كيفاه ندير ارجوكم ساعدوني

[amine eco]

سورسي 5 سنين ؟؟؟؟ نورمال حتى وتكون داير سورسي تقدر تدفع الملف وتديها بسبب طبي و لا استنى يكمل السورس و ادفع الملف زيد سثسيهم في الناحية يفهموك

[محسن1988]

شكرا لك أخي على الاجابة اقصد ب 5 سورسي يعني كل عام وأنا نجدد فيه الى غاية 5 سنوات وهل أستطيع ان أدفع الملف وهو عبارة عن راديو للكيس ووصفة طبية فقط وانا السورسي تاعي يخلاص في اكتوبر ندفع الملف دوك ولا حتى يخلاص السورسي وبارك الله فيك اخي على تواضعك

[seifoo41]

انا ا متخرج في 2012 حاولت باه ندير كونتر فيزيت قبل ما تجيني لوردابال بصح ما قبلوليش قالولي ما فوتش لا فزيت لولا تع 18 سنة
ستنيت حتى جاتني لوردابال في مارس 2013 للناحية العسكرية الاولى و رحت و ثما فوتت لافيزيت الاولى فالكازيرنا و حطوني فالانتظار و مبعد داونا للمستشفى العسكري للبليدة و فوتنا الفحص المضاد و عاودنا فتنا على لجنة في الكازيرنا و تما عطاولنا inapt بناءا على تقرير الطبيب الاختصاصي
ومبعد طلعو ملفاتنا للناحية العسكرية الاولى و كي رجعو الملفات خرجونا
مع العلم ان هذه الاجراءات تاخذ وقت طويل لذلك عليك بالصبر يا اخي و ربي يوفق
لا تنسونا بصالح دعائكم

[SRAOUI]

kima 3anedek soursis tasbar mars bah trouh kazerna hata yab3atoulak ordre appel

[محسن1988]

شكرا لكم اخوتي وربي يفرحكم ويعلي مقامكم ويرفعكم درجات

[محسن1988]

اخي ارجوك اعطني الفيس بوك تاعك او ال***** لكي تشرح لي ماذا حصل معك ارجوك اقبل طلبي ولا ترفضه ارجوك ساعدني وكان الله في حاجتك

[محسن1988]

المشاركة الأصلية كتبت بواسطة seifoo41

انا ا متخرج في 2012 حاولت باه ندير كونتر فيزيت قبل ما تجيني لوردابال بصح ما قبلوليش قالولي ما فوتش لا فزيت لولا تع 18 سنة
ستنيت حتى جاتني لوردابال في مارس 2013 للناحية العسكرية الاولى و رحت و ثما فوتت لافيزيت الاولى فالكازيرنا و حطوني فالانتظار و مبعد داونا للمستشفى العسكري للبليدة و فوتنا الفحص المضاد و عاودنا فتنا على لجنة في الكازيرنا و تما عطاولنا inapt بناءا على تقرير الطبيب الاختصاصي
ومبعد طلعو ملفاتنا للناحية العسكرية الاولى و كي رجعو الملفات خرجونا
مع العلم ان هذه الاجراءات تاخذ وقت طويل لذلك عليك بالصبر يا اخي و ربي يوفق
لا تنسونا بصالح دعائكم

ارجوك اخي العزيز اعطني الفيس بوك تاعك لكي تشرح لي ماذا حصل معك ارجوك اقبل طلبي ولا ترفضه وساعدني
انا الفيس بوك تاعي lahcen hocine من سطيف تلقاه خويا

[houssine 27]

أخي غادي يقلولك دير العملية .ولازم در كونت روندي عند الطبيب خاص
وده للناحية العسكرية . قلهم بلي راك مريض وتتألم

[amine eco]

المشاركة الأصلية كتبت بواسطة محسن1988

شكرا لك أخي على الاجابة اقصد ب 5 سورسي يعني كل عام وأنا نجدد فيه الى غاية 5 سنوات وهل أستطيع ان أدفع الملف وهو عبارة عن راديو للكيس ووصفة طبية فقط وانا السورسي تاعي يخلاص في اكتوبر ندفع الملف دوك ولا حتى يخلاص السورسي وبارك الله فيك اخي على تواضعك

ابعثو دورك نورمال انت مراح تخسر والو نعرف واحد كان عندو سورسي وادفه الملف طبي واعطاوهالو بتوفيق

[lilass b]

............................................

[صالح القسنطيني]

السلام عليكم
اذا كنت مسجلا عن طريق الفحص الطبي في مركز الخدمة العسكرية فخذ ملفك لها
و أما إذا كنت غير مسجل فانتظر الاستدعاء و توجه إلى المدرسة العسكرية التي ارسلت لها و هناك يفصل في أمرك فاذا كان مرضك بين و ظاهر فصل في أمرك طبيب المدرسة و إلا أرسلت للمشفى العسكري الذي تتبعه المدرسة التي ارسلت لها
اعلم ان الفصل في الأمراض يكون بين 15 يوما إلى شهرين
ثم قد لا ينصفك طبيب المدرسة و لا طبيب المشفى العسكري و لك المطالبة بالفحص المضاد بعد تحويلك و هناك تأكد أنه سيمنح لك الاعفاء
و اعلم أن دفعة مارس أفضل من دفعة سبتمبر لأن الفائض في دفعة مارس غالبا يكون كبيرا لهذا يسهل لمن معه ملف طبي في حين دفعة سبتمبر العادة تكون شخيحة لهذا يمحصون و يدققون كثيرا لمن معه نلف طبي

و كان الله معك اخي