مشكلة عويصة

[مشكلتي]

السلام عليكم و رحمة الله

انا متحصلة على باك 2012 بمعدل 14 لم اتمكن به من الدخول لاحدى التخصصات الطبية فدخلت المدرسة العليا للاساتذة تعليم ثانوي،و الحمد لله وفقني الله في عامي الاول و تحصلت على معدل جيد
لكن اهلي اشاروا علي بالتحويل الى احدى التخصصات الطبية بما ان المعدلات ستنخفض هاته السنة
و في نفس الوقت هناك شاب خلوق ومتدين ،حاصل على ماجستير و موظف في بداية مشواره المهني يريد ان يتقدم لخطبتي لاكمال نصف دينه ،

المشكله انه يستطيع ان ينتظرني 3 سنوات لاكمال دراستي و نتزوج في العام الاخير اي عام التخرج ،لكن اذا دخلت كلية الطب فلن اخرج منها الا بعد 6 سنوات
اهلي لا يجبرونني على التحويل و لكن لهم رغبة في ذلك

فانا في حيرة من امري ماذا افعل ؟؟؟ أرجوكم اشيروا علي و اعطوني رأيكم و بارك الله فيكم

[life is life]

السلام عليكم اختاه

هذه حياتك و لربما ستجدين آراء مختلقة و سيزيدك ذلك تعقيدا

و لكن برأيي لازم تكملي فلي بديتي فيه

و ماشي كل حاجة نتمناوها نتحصلو عليها و الطب راهو واعر و ياخد كل تفكيرك و جهدك و ماشي في الدراسة فقط حتى المهنة

و برايي الشخصي ماكاش كيما استاذة صح للزوج فيهم تعب مي هكدا على الاقل تكملي بسرعة من قرايا و تتزوجي و تتهناي و ما تضيعيش عريسك من بين يديك

سيرتو هذا اللي يستناك خاطرش راكي عارفة صعيب تلقاي واحد يصبر عليك و ينتظرك


و من ناحية اخرى كون تبغي ديري طب ماجاتش غير في 6 سنوات و انما راح يضيع حتى هاد العام لي قريتيه في باطل

و اذا كملتي و ما بفيتيش تخدمي استاذة و زوجك يوافقلك تقدري تولي تقراي فلجامعة طب



و في الاخير انتي حرة اختاه

سلام

[Assouma 93]

حسب رأيي اقبلي الزواج من هذا الرجل و لكن ان تكملي دراستك بعد زواجك لا تضيعيها خصوصا انك ممتازة و الله يوفقك حنونة

[نورالهدى بيولوجيست]

اولا يا اختي هذه ليست بمشكلة عويصة الله لا يشوفنا و لكنها مجرد حيرة انت من اختلقتها لنفسك انا نقول كثرة الاراء مش مليحة و تتلف الراي ، كملي قرايتك اللي راكي فيها و بعدها تزوجي كل شئ في وقتو مليح.........والله اعلم بالتوفيق

[تراتيـل صبــح]

أعتقد يا اختي هذه حياتك وليست حياة عائلتك،
أنتِ حاولتِ ارضاءهم لكنّكِ لمْ تتمكني من ذلك،
وتقبلوا الامور،
أما القرار اليوم فيعود اليكِ
لا تفكري في تخصص الطب فقط،
وماذا بعد الدراسة؟
فكري في هذا الشاب الخلوق الذي ربما لن تجدي مثله بعد ذلك،
ودراستك الحالية ممتازة،
وانتِ متفوقة فيها
ماذا تريدين أكثر؟
نصيحتي لكِ اكملي في هذا التخصص
وتزوجي بعد التخرج أحسن،
فكما يقولون عصفور في اليد أحسن من عشرة على الشجرة والله اعلم.

[عبدالقادر222]

اولا يتم احتساب معدل قبولك في اختصاص الطب مقرانة بالمعدلات في عام 2013 وليس في العام الذي تريدين التحويل فيه والله اعلم

واما بخصوص زواجك فالافضل ان تكملي سنواتك المتبقية وتكوني اما ناجحة هذا اهم

وربي يوفقك لما يحبه ويرضاه

[sali-sali]

السلام عليكم
من راي اخطيك من الطب..وكملي دراستك
وادا الشاب ناس ملاح و سالتي عليه..نصيحة مني خليه يخطبك

ربي يوفقك

[أسماء22]

salam rabi ywafkake lakine matalkadriche diri ta7wille prsq y3adoulak la moyenne ta3 tibe ali 7absso 3andha f 3ame ali rba7tihe 2012 ya3ni ga3 diri ta7wille mayakabloukche w aslane raki takri f 7aja mli7a rabi ykamale w ysahalak a li fiha lkhire rabi yjibha

[benyahia46]

اختي كنصيحة مني بدلي الطب احسن لك انا تاني رح ندير طب هاد العام ان شاء الله
فكري في مستقبلك وماتخلي حتى واحد يدخلك في حياتك انتي الي عارفتها مليح
والاحسن الطب

[بلسم غرام2018]

الا ستخارة وربي يوفقك

[amine0007]

لاتستطيعين التغيير الى الطب حتى لو نزلت المعدلات لانهم سوف يرون الى السنة التي حصلتي فيها على البكالوريا والمعدل المطلوب يعني كان لازم لو اعدتي البكالوريا.بالنسبة للزواج انصحك ادا كنتي موافقة فلا تطيلي في مدة الخطبة وربي يوفقك

[صمت الذكريات]

السلام عليكم و رحمة الله و بركاته اخيتي الله يحفظك نصيحة مني لا غير هادي ماشي مشكلة عويصة كما ترينها مجرد حيرة فقط اخيتي عليكي بالاستخارة اولا و خاصة نحن مقبيلين على الشهر الفضيل شهر رمضان يا غالية تريثي انصحك بان لا تتركي ما بدات فيه لو كان خير لك الطب لوفقت له و لسهل الله لكي بما انك حسب قولك تحصلت على معدل ما شاء الله 14 و هادا عن جهد و استحقيتيه عن جدارة و تعب اكيد لو كان في صالحك الطب لوفقك المولى عز و جل و لكن الخير فيما اختاره الله لكي اكملي دراستك والله الف واحدة متدينة و خلوقة تتمني تكون استاذه افضل مهنة للمراة والله و ربي يوفقك الى مافيه خير لكي انا نعرف بزااااااااااااف صحاباتي قراو الطب والله بزاف يعانيو و قرايا بزااااف و زيد فكري فيما بعد لازم تكوني مع الطب و مع المستجدات و افضل شيء للمراة هو ان تكون مربيه اجيال مربية صالحة و ام حنونة و زوجة طيبه و نزيدلك راكي لقيت شاب خلوق و متدين و اذا اتاكم من ترضون دين فزوجه هدا حديث رسول الله صلى الله عليه و سلم و و ما اتاكم الرسول فخدوووه و ما نهاكم عنه فانتهوا و اكيد كيما نتي راكي ظفتي حتى استاذة و كاد المعلم ان يكون رسولا هذا مجرد راي اتمني ان اكون خففت عليك شوية و السلام عليكي و رحمة الله و بركاته دعواتك

[بسمة تحدي]

يا بنتي غير كملي قرايتك نورمال والمدرسة العليا للاستاذة انا بنسبالي احسن مدرسة

والتعليم مهنة شريف للمرأة

انا قريت فيها وتخرجت والحمد الله رني نخدم

كملي قرايتك عادي والله

وزيدي استخيري

وربي يجبلك الخير

[سوسو92]

استخيري الله
وربي يقدر الخير

[fella111]

نا متحصلة على باك 2012 بمعدل 14 لم اتمكن به من الدخول لاحدى التخصصات الطبية فدخلت المدرسة العليا للاساتذة تعليم ثانوي،و الحمد لله وفقني الله في عامي الاول و تحصلت على معدل جيد
لكن اهلي اشاروا علي بالتحويل الى احدى التخصصات الطبية بما ان المعدلات ستنخفض هاته السنة
و في نفس الوقت هناك شاب خلوق ومتدين ،حاصل على ماجستير و موظف في بداية مشواره المهني يريد ان يتقدم لخطبتي لاكمال نصف دينه ،

المشكله انه يستطيع ان ينتظرني 3 سنوات لاكمال دراستي و نتزوج في العام الاخير اي عام التخرج ،لكن اذا دخلت كلية الطب فلن اخرج منها الا بعد 6 سنوات
اهلي لا يجبرونني على التحويل و لكن لهم رغبة في ذلك

فانا في حيرة من امري ماذا افعل ؟؟؟ أرجوكم اشيروا علي و اعطوني رأيكم و بارك الله فيكم

اختي رغم المعدلات ستنخفض هذه السنة
الا انك قانونيا اثناء التحويل يحاسبوك مقارنة بالعام اللي عقبتي الباك فيك يعني متقدريش تبدلي لهذه التخصصات