وصفة لتحضير العسل في البيت

[rahmoun1]

وصفة لتحضير العسل في البيت
العسل زوين و من الاحسن تحضيره في البيت
المقادير :
1 قالب سكر
1 لتر ماء
نخليو القالب يذوب فالماء تقريبا ليلة كاملة
في الصباح نحتاجو :
حامضة مقسومة على 4
و الاعشاب التالية :
الزعتر
الزعيترة (ماشي مهمة )
شيح
6 حبات قرنفل
5 حبات بزار
5 حبات هيل
4 اعواد القرفة
ازير (اكليل الجبل )
فليو
حبوب الشاي او لبتون
زعفران شعرة
الاعشاب ماشي مهم تكون كاملة و لكن تقدري تستعملي البعض منها اذ لم تكن موجودة عندك في البيت
الاعشاب ديريها ف قطعة ديال القماش و عقديها بخيط
(حنا كانقولولها كموسة )
دابا تجيبي السكر الذائب في الماء ديريه فطنجرة الضغط ( كوكوط)
و زيدي عليه الحامضة لي قسمتيها على 4 و الكموسة ديال الاعشاب ( قطعة القماش المحتوية على الاعشاب لي عندك )
تغلقي الكوكوط (طنجرة الضغط) على نار لمدة 25 دقيقة
حاولي ديريها ف 25 دقيقة باش مايقصاحش العسل
و ها هو العسل موجود
تستعمليه في الحلويات بحال الشباكية و المقروط ..

الوصفة مجربة

نتمنى تعجبكم

لا تنسو الردود