حب العذرا

elmedjadji · 2008-12-23, 21:25

قصيدة من تأليفي أرجو أن تلقى الإستحسان

حكايتي على العذرا لي نبغيها *** نكتبهالكم بحروف من نار
حب كبير أعطيتوا ليها *** بنيتوا على ساس عمرو ما ينهار
نهار مشيت نخطب لماليها *** رحت فارح قاصد ذيك الدار
من عند الباب قالولي غير أخطيها *** البنية ماهي ليك يا ولد الحضار
نوصوك ماتزيدش تقرب ليها *** الكلمة أعطيناها راهي لولد الجار
هو من بكري ألي متواليها *** من عهد لي كانو فيه ذراري صغار
قلتلهم القصة ماعندي علم بيها *** ومن عند الشيرة ما لحقوني خبار
النفيد هنا حبي راه ساكن فيها *** سالوها تحكيلكم معايا ما صار
ردوا عليا يا لي راك تهدر عليها *** وقتاش النسا كان ليهم قرار
بنتكم بالمال راكم بعتوها *** رجعتوها سلعة ما بين التجار
حرام عليكم مادرتوا فيا وفيها *** غدوى حسابكم عند المولى القهار
المعيشة معاكم ينعل بوها *** أنتوما ناس ما بقى فيهم اخيار
نهجركم ونهجر الدنيا وما فيها *** نروح نسكن الخلا وأرض القفار
هاذي قصيدتي اصنتوا ليها *** المجاجي يقصلكم بعض لسرار
الموت صعيبة على لي متمنيها *** بصح شتا يدير ألي ماعندو اختيار

عماد المجاجي

b.oudjemaa · 2008-12-23, 22:22

مشكور عماد واصل
وربي يبدلك خيرا منها

عميد شرطة · 2009-05-22, 12:52

قصيدة رائعة احي الكريم
واصل نشاطك
لقد غاب هدا النوع من الكلام النقي الرائق واصبح الكلام الساذج فقط
انتظر ابداعاتك اخي الفاضل

ناصر المسيلة · 2009-05-23, 23:21

مشكور اخي ومعذور ماتقول واسمع هعذا البيت ليس كل ما يتمناه المرء يدركه تجري الرياح بما لا تشتهي السفن

elmedjadji · 2009-05-24, 23:38

شكرا لكم إخوتي على مروركم العطر وعلى كلماتكم الجميلة
بوركتم