ممكن مساعدة من اعوان سابقين في حماية مدنية ومن له خبرة

[haroun-43]

سلام عليكم
انا حاب نعرف كي تدخل تربص تاع اعوان حماية مدنية واش يقراو؟ نظام دراسة ؟ واش واجبات لي قمو بيها؟؟
امور مثل هده نصائح؟؟
ما احسن تخصص ؟؟
طبيعة عمل ؟
هل يمكن مواصلة دراسة بعد نهاية تربص في جامعة؟

[haroun-43]

ولا احد
اين انتم

[ala_mobile]

المشاركة الأصلية كتبت بواسطة haroun-43

سلام عليكم
انا حاب نعرف كي تدخل تربص تاع اعوان حماية مدنية واش يقراو؟ نظام دراسة ؟ واش واجبات لي قمو بيها؟؟
امور مثل هده نصائح؟؟
ما احسن تخصص ؟؟
طبيعة عمل ؟
هل يمكن مواصلة دراسة بعد نهاية تربص في جامعة؟

يا اخي الخدمة اليامات هذو عادت صعيبة ، واذا كتب ربي ودخلت الحماية المدنية ما تحوسش تفهم كيفاش يقراو ولا ياكلو لازم تتقبل كل شيء ، وانا حسب معرفتي بالحماية راهي مليحة بزاف عندك في التربص كي تبدا تبداو بالكرفي ههههه هذي لازم تتعلموها يعني 45 يوم الأولى راح تتعبوا بزاف تنوظوا بكري ، تجروا ، تعلمو ا السير المنظم ، الكورفيات ,,,, بصح بعد 45 يوم تولي دراسة عادي في الاقسام بلاك من 8 -12 و من 1-4 (كل مدرسة وكيفاش ) وراح تكون في فترة التربص تربص تطبيقي عادة ما يكون في رمضان و في الولاية تاعك ، ومن بعد ترص تكمل الدراسة ومع الاخير أيضا حيكون تربص تطبيقي ثاني واخر يوم اكيد حايكون يوم تخرج الدفعات ، ومن بعد تروح تخدم في الولاية تاعك ولا حتى في المدينة تاعك ، نظام العمل هو تخدم اليوم وتريح يومين ، والراتب العون الحماية المدنية في عام الاول يكون ثلاثة ملايين و مائة (31000 دج)
وكنصيحة مني إذا باغي تنجح في المسابقة لالزم تقرا مليح الرياضيات كون تخدم فيها مليح تنجح ان شاء الله بغض النظر عن امتحان الرياضة لي يكون فيه الجري 1000 متر والجري 100 م وصعود الحبل 5م والسباحة 50 متر ( ههههههههه انا كنت فيهم ديما الاخير ونجحت لاني خدمت مليح في الرياضيات والثقافة العامة لكن للاسف ما روحتش للتربص لظروف قاهرة)
بالتوفيـــــــــــــــــــــــــــق

[ala_mobile]

و بخصوص الدراسة ، أكيد تقدر تكمل عادي في الجامعة

[haroun-43]

المشاركة الأصلية كتبت بواسطة ala_mobile

و بخصوص الدراسة ، أكيد تقدر تكمل عادي في الجامعة

خويا شكرا
نسقسيك حاجة انت رحت جوزت فحص طبي ؟؟
لكان رحت واش يشفو تم واش يراقبو

[haroun-43]

رياضيات واش نقرى دروس

[ala_mobile]

المشاركة الأصلية كتبت بواسطة haroun-43

خويا شكرا
نسقسيك حاجة انت رحت جوزت فحص طبي ؟؟
لكان رحت واش يشفو تم واش يراقبو

هيه في الفحص يقلبوك عادي ، يشوف الرؤية والطول و يزيدو يشوفو كشما كاين وشم ولا اثار عملية ، وكي تخلص ثم بعد تزيد تجوز البسيكوتقني يعني تروح عند طبيب نفسي ويسقسيك أسئلة ( عرف نفسك ، وش تخدم ، شحال راكم في الدار ، علاه خيرت سلك الحماية المدنية ، يعني تكون أسئلة عادي )
فيما يخص دروس الرياضيات راجع المعادلات والمتراجحات والدوال العددية ( بالاك دروس سنة ثانية ثانوي ، بصح كي كنت انا في المسابقة دارولنا دروس سنة تاسعة أساسي يعني ب س ع ههههه نظام القديم دروس ساهلة )

[haroun-43]

المشاركة الأصلية كتبت بواسطة ala_mobile

هيه في الفحص يقلبوك عادي ، يشوف الرؤية والطول و يزيدو يشوفو كشما كاين وشم ولا اثار عملية ، وكي تخلص ثم بعد تزيد تجوز البسيكوتقني يعني تروح عند طبيب نفسي ويسقسيك أسئلة ( عرف نفسك ، وش تخدم ، شحال راكم في الدار ، علاه خيرت سلك الحماية المدنية ، يعني تكون أسئلة عادي )
فيما يخص دروس الرياضيات راجع المعادلات والمتراجحات والدوال العددية ( بالاك دروس سنة ثانية ثانوي ، بصح كي كنت انا في المسابقة دارولنا دروس سنة تاسعة أساسي يعني ب س ع ههههه نظام القديم دروس ساهلة )

مناه انا عندي مشاكل في قولون وهضم قلت كي نفوت للفحص طبي خايف مايقبلونيش

رياضيات ماش مشكل راني نقى رياضيات واعلام الي تخصص اعلام الي سنة 2

[ala_mobile]

المشاركة الأصلية كتبت بواسطة haroun-43

مناه انا عندي مشاكل في قولون وهضم قلت كي نفوت للفحص طبي خايف مايقبلونيش

رياضيات ماش مشكل راني نقى رياضيات واعلام الي تخصص اعلام الي سنة 2

احتمال كبير يقبلوك نورمال ، هههههه ومدام راك تقني رياضيات واعلام الي مانخافوش عليك ان شاء الله يقبلوك
نسيت حاجة ماقولتهالكش ، راك كي تدخل الحماية راك معني بالخدمة الوطنية على خاطر ماكانش اتفاقية بين مديرية الحماية المدنية ووزارة الدفاع على عكس الامن الوطني والجمارك
بالتوفييييييق

[haroun-43]

المشاركة الأصلية كتبت بواسطة ala_mobile

احتمال كبير يقبلوك نورمال ، هههههه ومدام راك تقني رياضيات واعلام الي مانخافوش عليك ان شاء الله يقبلوك
نسيت حاجة ماقولتهالكش ، راك كي تدخل الحماية راك معني بالخدمة الوطنية على خاطر ماكانش اتفاقية بين مديرية الحماية المدنية ووزارة الدفاع على عكس الامن الوطني والجمارك
بالتوفييييييق

بصح نقعد نسلك براتب حماية
او نقعد نقرى في جامعة ندير سورسي

[ala_mobile]

المشاركة الأصلية كتبت بواسطة haroun-43

بصح نقعد نسلك براتب حماية
او نقعد نقرى في جامعة ندير سورسي

لالا الراتب تاعك يتجمد حتى تكمل الخدمة الوطنية
و أكيد مادام راك تقرا في الجامعة تقدر دير سورسي نورمال

[salah khalil]

السلام عليكم
نسقسيك خويا باه تلتحق بالحماية المدنية لازم تمضي على عقد ؟ وقداه مدة العقد اذا كاين؟
وفترة التربص قداه تدوم و تتزامن معى الدخول الجامعي ؟
ولي ينجح فيها يمكن ان يترقى بالشهادة الجامعية ؟
هل يمكن الالتحاق كعون لحاملي الليسونس كيما في الجوندارم ما يقبلوش ليسونس في ضباط الصف لازم مستوى اقل هل في الحماية نفس الشيئ ؟

[faouzi33]

أكيد مواصلة دراستك الجامعيـة و ستؤخد شهادتك بعين الإعتبار لترقيتك في حال توفر مناصب شاغرة

[faouzi33]

salah khalil
في الحماية المدنية جماعة الليسانس بدفعون شهادة الثانوي النهائي لقبولهم أعوان ... و عند التخرج لا مجال للحديث على شهادتك (ليسانس) كلاك بوبي