السلآم عليكم
ممم آسفة بخصوص معلومآت عني !!
و لكن بالطبع سأفيدك ،
حسن ،
أنا تقدري تقولي تعبت يآسر و رحت شحآل من لي كور نقرآ فيهم و بصفة متقطعة ، لأني مآنيش ثآبتة في حآجة وحدة ،،
بالنسبة للعلوم ، الأستآذة براهيمي تفي و تكفي ( بالصح راكي عارفة ؟؟ العطل تاعك نصهآ قآع تروح علوم برك في التعويض خخخ يعني تضيعي معاها وقت ياسر و تتعبي ، مي الحآجة المليحة فيهآ أنهآ تعآود هآذآك التمرين و لا الدرس اللي دارتو في عدة حصص و عدة أماكن يعني يللا ما قدرتيش تحضري في جهة تروحي لجهة أخرى ، ++ يللا ما فهمتيش تعاودي الحصة )
عمومآ هي تقري في ثانوي طهيري عبد الرحمان ( بلكحل ) + تقري في جمعية المناهل + عدة جمعيات نتي تسأليها و هي تعطيلك التوقيت و البلاصة ،، و هي أستاذة في بلكحل
++
كآين أستآذ علوم ثآن روووعة و اسمو احميدات بلقاسم يقري في ثانوية مسعودي عطية لي كور و هو أستاذ في ثانوية النعيم
++
كاين أساتذة ، العقون يقري في جمعية جوال ثان مليح
++
كاين زروق ثان
++
كاين أستاذ نسيت اسمو في المتشاعبة يقري رووووووووووووووووووعة التلاميذ يخرجو الدرس حافظينو و فاهمينو
++
كآين هنآ الأستآذ أبو حفص تابعي معاه
بالنسبة للمات
كاين أستاذين ،مشهورين ، يونسي محمد و يونسي ؟؟؟ ،
المهم ، يونسي محمد قراو عندو ياسر بنات و شكروهلي راه يقري في جمعية النجآح
++
كآين الأستآذ حرفوش يقري مليح و لكن قيل بأنه كثير الغيآب ( أظن أنه في ثانوية النعيم )
هو يقري في جمعية جوآل
++
كآين أستآذة تقري في عبد الحق بن حمودة ، ننصحك باش تحضري دروس الدعم تاعها ( رووعة ، اسأليها برك و تفهمك و لو ما كنتيش تعرفي أي حآجة ) بالصح تقري بلا درآهم ،، ( دعم )
كآين أستآذ هنآ تآبعي معاه هو أحمد خامس ( يدير تمارين صعبة و تأكدي بللي إذا قريتو عندو رايحة تشوفي باقي التمارين تافهة )
++
الفيزيآء ،،
كآين أستآذ في مسعودي عطية ، اسموو سعيد العلمي روووعة يقري في مسعودي
++
كآين أستاذ اسمو حفاف يقري في النعيم ثان روووعة
++
بالنسبة للأدب ،
كآين الأستآذ جوآل ،
رآهم أغلب تلاميذ الجلفة قرآو عندو ، و ماذا بيك تبدآي في بدآية العام أحسن ( يكمل البروغرام في شهرين )
باه يبقالك الوقت في آخر العام باه تقراي في الدار
++
الفلسفة
كاين أستاذ اسمو جودي علاء الدين يقري في جمعية النجاح
و كاين أستاذ اسمو قسمية يقري في جمعية جوآل
في 2 روعة ، ( بالصح المقآلآت تاع جودي قاع مفروشين خخخ بويسك الجلفة كامل تحفظ و لا تراجع منها ) آلور ننصحك بالثاني
++
ممم نتفكر
ننصحك في الاجتماعيات أبداي في دروس الدعم عند أستاذ راااائع اسمو بلبيض ( يقري بلا دراهم ) ، الاجتماعيات عندو رايحة تكون ساهلة و رايحة تحفظي تلقائيا لأنو كل حصة يدير مراجعة ، ندمت لأني ما حظرتش عندو ياسر ( بكل بساطة لأنو مآكآنش الللي يعلمك و يقولك راه كاين أستاذ باه تجي تقراي ، ما تتكليش هذا العام ياسر على البنات لأنو ظاهرة البخل رايحة تحل أكيد )
العام هذا راه بدا يقري من جانفي ،،
يقري في إكمالية حاشي ( في دشرة بربيح )
و يقري في النعيم ،،
++
الفرنسية ،
من ظرك ننصحك ، رووووووووووحي مباشرة إلى جمعية النجآح بالضبط إلى الأستاذ بلحآج و رديلي بالخبر ،
الطافي في الفرونسي يولي نابغة ،
++
الانجليزية ، كانو يقولولي على أستاذ بالصح و الله نسيت اسمو لأني ما بديتش لي كور فيها ،
راه يقري في جمعية النجآح ،
++
إذا تفكرت حآجة مهمة نقولهآلك
++
دعوآتك
موفقة ،،
( تقرير عن مشاركة سيئة )، و الموجودة أسفل كل مشاركة .
2013-07-05, 13:52
شكون منكم من الجلفة
العرض العادي
