الى اساتذة المسيلة

jourjina · 2013-06-30, 17:39

نحب نقول لااساتذة المسيلة مي ليس الكل البعض منهم راني ندعيلكم في الموت على الشي لي درتوهونا علاه عليكم ربي يحرقكم كيما حرقتونا مي او يجي النهار و اوراق تلاميذكم تجي لاساتذتنا و يصحوها و المخير فيهم ميديش فوق 12 كيما درتونا نتوما يديروها لتلاميذكم

محب بلاده · 2013-06-30, 17:50

السلام عليكم ورحمة الله وبركاته

اولا سامحك الله ووفقك في دراستك

ثانيا واتكلم عن الفيزياء اننا عدلنا التصحيح وجعلناه في صالح التلميذ مليون بالمئة

واغلب المواد الاخرى كذلك لانني على اتصال دائم بهم اثناء التصحيح

ثالثا لا اظن ان اوراقكم قد قمنا بتصحيحها

واخيرا النتائج حسب تتبعي للاخبار فهي كارثية على مستوى الوطن بالكامل

الله يوفقك ويحققلك احلامك وامانيك بنيتي

محب بلاده · 2013-06-30, 17:55

عندنا في مدينتي تلميذة مجتهدة تتحصل على معدل 15 واكثر
و في الاخير لم تتحصل على الشهادة

قدر الله وما شاء فعل

عسى ان تكرهوا شيئا وهو خيرا لكم

jourjina · 2013-06-30, 17:58

شكراا لك لكن نحن ماهو ذنبنا الى ان يفعلو بنا هكذا و حرقونا في التصحيح ياسر ياسر حنا رانا كنا ضحية للاضراب

#نُورْ أَمِيرَةَ الأَخْلاَقْ# · 2013-06-30, 17:59

انا من مسيلة جبت 16.04بعدما كنت متوقعة18
يا اختاه لا تظلمي اساتذتنا فاستاذي قال بانه صحح برج و سطيف و لكن نقاطهم ضعيفة

jourjina · 2013-06-30, 18:02

حنا كنا متوقعين اساتذة ام البواقي يصحونا فجاة ظهرت بلي في المسيلة و تاكدت من المتوسطة قالو لي اوراقكم قد بعثت الى المسيلة و ايضا انا كنت متوقعة 17 و في الاخير جبت 12 هذا المعدل جامي جبت في حياتي في فرض و مجبتوش

#نُورْ أَمِيرَةَ الأَخْلاَقْ# · 2013-06-30, 18:06

من وين انتي

حضنية28 · 2013-06-30, 18:11

قدر الله وماشاء فعل

jourjina · 2013-06-30, 18:11

من عروس الزيبان بسكرة

#نُورْ أَمِيرَةَ الأَخْلاَقْ# · 2013-06-30, 18:12

انا من مسيلة قالي استاذي بلي صحو نتاع سطيف و برج

fifisali · 2013-06-30, 18:12

السلام عليكم عليكم أنا من المسيلة و قد صححت أوراقنا في باتنة مزيرة بزاف في التصحيح و في قسمنا نجح 5 تلاميذ من 35
أظن أن النتائج هذا العام كارثية الله يستر و لكن نقول الحمد لله

منــــــــــبع الســــــــرور · 2013-06-30, 18:12

ههههههههههههههههههههه

رانا كامل مصدومييييييين من نقاطيناااااااااااااااااااااااااااااااااااااا

ماكيش غي نتيييييييييييي
ان شاء الله في الباك زيري روحك

محب بلاده · 2013-06-30, 18:19

لا تقارني معدلات الفصول بمعدلات الشهادة

لان معدل الفصل فيه نقاط التقويم وعادة تكون على الحضور والمشاركة والبحوث وغيرها

الله يوفقك في حياتك المستقبلية

محب بلاده · 2013-06-30, 18:20

كذلك حسب ما علمت ان بعض الامتحانات كانت من دروس الفصل الثالث ولم تدرسوه

فما ذنب المصحح اذا وجدك مخطئة

jourjina · 2013-06-30, 18:25

ان شاء الله مي وشي الفايدا كي راني نهدر زعما راح يرجعولي معدلي الله غالب نوكل عليهم ربي و خلاص