ارجوكم ارجوكم ساعدوني راني في ازمة كبيرة

[الوهرانية 1]

حبيباتي الغاليات اسفة على ازعاجكن
على بالي انو ليس المكان المناسب لكن والله محتاجة ليكم بزاف
ارجوكم ساعدوني خاصة ان حبيباتي في اقسام الطبخ كثيرات ومن مختلف المناطق
طبعا بعد حادثة الحرق الي تعرضت ليها طبعا كملت العلاج لكن بقاتلي بقع بنية غامقة
وطبيب الجلد قالي انو العلاج هو زيت اسمه
huile de rosa mosqueta
لكن ناقص هنا في الجزائر ومتوفر فقط في الصيدليات الكبرى يعني قالي انتي وزهرك
ارجوكم ساعدوني خارج ولا داخل الوطن راهي المارة باينة خاصة في صدري
نطلب اي وحدة تكون جنبها صيدلية تسالي وتقولي العنوان وانا انشاء الله نشوف كيفاه ندير ونتحصل عليها عاونوني بالبحث عليها
وكم ثمنها
ارجوكم ما تردونيش راني بديت نتعقد منها
وارجو من المشرفات مساعدتي بعدم غلق الموضوع في وجه الله

[سامية حكيم]

الحمد لله على سلامتك اختي انا نسكن في مدينة صغيرة ما نظنش فيها بصح نقلك على دواء انا جربتو لبنتي عندها 4 سنوات تحرقت بالماء السخون ولا من اول مرة لاحضت انة البقع بدات تختفي هاذ الدوا هو زيت الضرو يتباع عند العطار ادهني بيه كل يوم وربي يشافيك

[ام جوتي وفراس]

ﻭﺍﻟﻠﻪ ﻳﺎ ﻟﻐﺎﻟﻴﻪ ﻏﻴﺮ ﺍﻧﻘﻮﻝ ﻟﺮﺍﺟﻠﻲ ﻳﺴﻘﺴﻴﻠﻚ ﻋﻠﻴﻪ ﻫﻮ ﻳﺨﺪﻡ ﻓﻲ ﻟﻴﺰﻳﻨﺎﻟﻴﺰ ﻭﺩﺍﻳﻢ ﻣﺘﻮﺍﺟﺪ ﻓﻲ ﻟﺎﻓﺎﺭﻣﺎﺳﻴﺎﺕ ﻭﺍﻟﻠﻪ ﻣﺎﻧﺒﺨﻠﻚ ﺑﺮﺑﻲ ﻭﺭﺑﻲ ﻳﺸﺎﻓﻴﻚ ﻭﺗﻬﺎﻟﻲ ﻓﺮﻭﺣﻚ ﺍﻟﻜﻮﺯﻳﻨﻪ ﻭﺍﻟﻠﻪ ﻣﺎﻱ ﺳﺎﻫﻠﻪ ﺍﻟﺤﻖ

[الوهرانية 1]

المشاركة الأصلية كتبت بواسطة سامية حكيم

الحمد لله على سلامتك اختي انا نسكن في مدينة صغيرة ما نظنش فيها بصح نقلك على دواء انا جربتو لبنتي عندها 4 سنوات تحرقت بالماء السخون ولا من اول مرة لاحضت انة البقع بدات تختفي هاذ الدوا هو زيت الضرو يتباع عند العطار ادهني بيه كل يوم وربي يشافيك

المشاركة الأصلية كتبت بواسطة ام جوتي وفراس

والله يا لغاليه غير انقول لراجلي يسقسيلك عليه هو يخدم في ليزيناليز ودايم متواجد في لافارماسيات والله مانبخلك بربي وربي يشافيك وتهالي فروحك الكوزينه والله ماي ساهله الحق

شكرا حبيباتي على الوقوف جنبي
بارك الله فيكما

[المستغفرة]

علا سلامتك اختي الغالية راني نسقسيلك
وجربتي بوماد فلامازين راهي هايلة
رديلي متقلقيش روحك ربي معاك

[الوهرانية 1]

المشاركة الأصلية كتبت بواسطة المستغفرة

علا سلامتك اختي الغالية راني نسقسيلك
وجربتي بوماد فلامازين راهي هايلة
رديلي متقلقيش روحك ربي معاك

شكرا يا غالية والله مانفع فيا والو
شكرا ليك حبيبة

[samado100]

ربي شافيك برك حبيت نقولك شوفي في ليزونفيرو تلفايه كيما انا

[وفية لزوجي]

يا اختي انا جربته لسيكاتريس نتاع الحب في وجهي وحسيت شوية تحسن هو تلقيه 100/100 في مغنية وبالتحديد عند فارماسي لي حدا الطبيب لمريني نتاع الجلد راه معروف غير روحي لمغنية وقوليلهم dr.lemriniيدير 950دج زيت وكاين جال وكاين نتاع الشفاه انا جربت الزيت يجي قرعة صغيرة

[ام نسمة]

سلامتك حبيبتي اكيد راح اسالك وادا لقيت نشريه ونجيبهلك حتى لوهرن تستاهلي كل خير وراح نقول لقريبي في الخارج يحوس عليه ادا مالقيتوش هنا

[*أم ثازيري*]

على سلامتك اختي الوهرانية
والله تخلعت كي قريت موضوعك
انا مانعرفش مليح المنطقة لي راني نسكن فيها ضرك يصح نسقسيلك
حبيت نعاونك و لو بصورة للدوا هو لاتار الحروق و التشققات و التجاعيد

[البوسعادية]

مرحبا اختي
واش اختي غير الخير ؟؟..والله مسمعت بيها الا الان رغم اني من المتتبعات لمواضيعك ....
ربي يشفيك ان شاء الله ...قضاء وقدر يا اختي معليهش
والله نسقسي واش نعرف ونقلك وان شاء الله كشما نلقى رد ..
ربي يشافيك ويعافيك
ياااااااااارب

[touta2010]

على سلامتك ما تشوفي شر ان شاء الله نعمل مجهودي ونبحث عليه داخل او خارج البلاد ونردلك الخبر

[كوثر 20]

نعرف وحدة صاحبتي نحرقت دارت شمع العسل وزيت الزيتون مابقاولها حتى اثار للحروق ربي يشافيك ويحفظك

[bichaz810]

ربي يشافيك وان شاء الله طهور وترجعي كيما كنتي
نوعدك نشوفلك عندنا هنا كاين صيدليات كبار ان شاء الله نلقاوهولك وتبراي
بصح قوليلي انتي الحرق تاعك من اي درجة وتحرقتي بالماء ولا زيت باه حتى اذا سالني الصيدلي نعرف نجاوبو

[المعتزة بالاسلام]

اختي انا ننصحك بزيت الضرو هادا اكثر زيت مفيد للحروق و جربيه و رجعيلي لخبر المهم يكون الحرق لم تمر عليه فترة طويلة
زيت الضرو غالي شوي برك 01 لتر تقريبا ب 200 الف لكن مفيد عن تجربة لانو ام مرت خالي تفلقت عليها بريس كي جات طيب القهوة و تحرقت من عتقها وهبط داومت زيت الضرو كون تشوفيها اليوم تكذبي لتحرقت
وربي يجيبلك الشفاء