اردت الزواج لكن ,,,,,

مشكلتي · 2013-06-28, 18:19

لسلام عليكم ورحمة الله تعالى و بركاته
مشكلتي انني اردت الزواج وقد كنت معجب بفتاة من منطقتي ذات عائلة خلوقة و طيبة و هذا ما شدني اليها و بحكم عملي البعيد عن السكن فعندي حوالي اربع سنوات لم اراها وهي كذلك لا تعرفني فاردت الوصول اليها بنية الزواج لا غير فاخبرت قريب لي و اخبرني بانه يعرف قريبة من فريباتها و سوف تخبرها (يعني ان اتقدم لخطبتها ان كانت غير مخطوبة او مرتبطة) لكنهم تماطلو علي كثيرا وكل مرة يتمسخروا بيا مع العلم انها تدرس في الجامعة الاسلامية وبعد ذلك اردت الوصول اليها شخصيا فحصلت على رقم هاتفها بالصدفة و كلمتها لكنها لم يعجبها الامر و اخبرتني من اين حصلت على رقم هاتفي فاخبرتها الحقيقة ثم فاتحتها في الامر و اخبرتني بانها حاليا تدرس و ماهيش حاطة الزواج في بالها و كذلك لم تعجبها الطريقة (الهاتف+القريبة التي ارسلتها)و اخبرتني بان لا يوجد اي شخص في حياتها وانها بصدد دراسة الماستر وان الكلام في الهاتف حرام و انقطعت المكالمة و عاودت الاتصال بها لكنها لم ترد ,,,,,,,المشكل انها لم تفهمني جيدا هل اقوم بخطبتها و اسمع الرد منها ام اطوي هذه الصفحة و انساها لانها لحد بعيد لم تحترمني لاني تكلمت معها على المكشوف و اردت الحلال

nouna l maghbouna · 2013-06-28, 21:20

ماعجبتهاش الطريقة اللي طلبتها بيها و زيد اي وحدة يعيطلها واحد و يقلها حاب نخطب اكيد مش رح تصدقو لهذا (ليكيداتك)

المهم انت زيد اخطبها و لكن اقصد الدار روح لباباها و شوف

ربي معاك

amine eco · 2013-06-29, 00:05

اقتباس:

المشاركة الأصلية كتبت بواسطة nouna l maghbouna

ماعجبتهاش الطريقة اللي طلبتها بيها و زيد اي وحدة يعيطلها واحد و يقلها حاب نخطب اكيد مش رح تصدقو لهذا

المهم انت زيد اخطبها و لكن اقصد الدار روح لباباها و شوف

ربي معاك

(ليكيداتك)

يا اخي هذي باينة متعجرفة واش بيها دير هاك ياك هدرت معاها بطريقة محترمة في الهاتف و طلبت خطبتها + انك تعرفها و تعرفك ..اطن انها مرتبطة وحشمة باش تقلك جاتها صعيبة ...خطيك من هاذو مخلوعين تقولي تليفون تا اوباما ....بفففف

دلال 30 · 2013-06-29, 00:39

اقتباس:

المشاركة الأصلية كتبت بواسطة amine eco

(ليكيداتك)

يا اخي هذي باينة متعجرفة واش بيها دير هاك ياك هدرت معاها بطريقة محترمة في الهاتف و طلبت خطبتها + انك تعرفها و تعرفك ..اطن انها مرتبطة وحشمة باش تقلك جاتها صعيبة ...خطيك من هاذو مخلوعين تقولي تليفون تا اوباما ....بفففف

علاه ؟..... ولات اللي متمسكة بدينها ومتربية ..... متعجرفة؟؟؟؟ الله يهديك

minocha_star · 2013-06-28, 21:38

السلام اخي الكريم ,اكيد الي عملاتو صحيح مش راح اتصدقك غير كيف اتجي لدار باباها والي عملاتو لازم تفرح بيه ,مشي تزعف واتقول مااحترمتنيش ,وتوكل على ربي وربي يعينك

hakeem · 2013-06-28, 21:44

يا ولدي البنات كامل هكذا لازم يعززو شويا روحهم ؟؟؟ ما تستناش منها تفرح و تقلك نتلاقاو ؟؟؟ إذا عجباتك روح للدار و اخطيك من اللعب هذا ... ثم بالنسبة لكلامها عن الدراسة لإغعلم انه مجرد كلام فعندما تذهب إلى بيتهم و تتعرف عليك فإن اعجبتها فهي سوف تجد ألف عذر للتزوج بك و إذا ما عجبتهاش فإنها سوف تجد ألف عقبة تحول دون زواجكما

روح اخطب خليك من اللعب

TOKYO · 2013-06-28, 21:49

يا خويا علاه تبعد طريق و تصعب امور
نيتك صافيه ادخل من باب عادي و ابعث امك علاه تخلي شيطان يدخل بيناتكم و هاتف تاني يزيد فجوه ابعث و متخافش خويا ادا كانت من مكتوب واحد ما يقدر ينحيهالك
صلي الصلاة استخارة و ربي يكملك بالخير

sarah1424 · 2013-06-28, 21:50

عندها الحق
حاب تخطب اخطبها من والديها والله قصة التليفون كرهنا منها حاتنا رقم عند المقربين يكلمني بيه واحد ويقلي جبتو من مصدر موثوق والله عيب
حاب تخطب ادخل الدار من بابها

الشهبندر · 2013-06-28, 22:24

السلام عليكم
قريت الردود الكل و شفت بلي كامل لمتوه كي جاب رقمها و حاول يخبرها بواش راه ناوي
نظن انا برك لي فهمتو وش يقصد و الله اعلم
السيد من ناحية راه ناوي حلال وو هادي مفروغ منها و باين ناويها المسكين ......هو جاب رقمها بالعربية بش ميعفسهاش كيما نقولو حنا ....بسكو كاين نوع تع بنات ميحبوش كي تروح لباباها ديراكت و متشاورهاش ..بسكو تخاف انو اهلها يمدوها و يظغطوها بش تقبل......هو حب يدي ok من عندها هي شخصيا و صاحبة القرار ممبعد يبعث أهلو و هو متهني و ظامن و الظمان عند ربي...................يا خويا نقلك أتكل على ربي و الرد لي قابلتك بيه الطفلة هادي راه يبين تربيتها و بلي صح بنت ناس و بنت رجال..........راهي مصاداتكش بالعكس راهي تطبق فواش رباوها والديها فقط...و نقدر نظمنلك 10000 بالمية بلي في داخلها راهي فرحت ............مالا اتكل على ربي و روح لباباها اهدر معاه و باباها يخبرها و داك الوقت تشوف ردها.......ربي يكون معاك و يهنيك و يفرحك
سلام

*masaa* · 2013-06-29, 19:24

اقتباس:

المشاركة الأصلية كتبت بواسطة الشهبندر

السلام عليكم
قريت الردود الكل و شفت بلي كامل لمتوه كي جاب رقمها و حاول يخبرها بواش راه ناوي
نظن انا برك لي فهمتو وش يقصد و الله اعلم
السيد من ناحية راه ناوي حلال وو هادي مفروغ منها و باين ناويها المسكين ......هو جاب رقمها بالعربية بش ميعفسهاش كيما نقولو حنا ....بسكو كاين نوع تع بنات ميحبوش كي تروح لباباها ديراكت و متشاورهاش ..بسكو تخاف انو اهلها يمدوها و يظغطوها بش تقبل......هو حب يدي ok من عندها هي شخصيا و صاحبة القرار ممبعد يبعث أهلو و هو متهني و ظامن و الظمان عند ربي...................يا خويا نقلك أتكل على ربي و الرد لي قابلتك بيه الطفلة هادي راه يبين تربيتها و بلي صح بنت ناس و بنت رجال..........راهي مصاداتكش بالعكس راهي تطبق فواش رباوها والديها فقط...و نقدر نظمنلك 10000 بالمية بلي في داخلها راهي فرحت ............مالا اتكل على ربي و روح لباباها اهدر معاه و باباها يخبرها و داك الوقت تشوف ردها.......ربي يكون معاك و يهنيك و يفرحك
سلام

الله يبارك ماعندي واش نزيد

محمد جديدي التبسي · 2013-06-28, 22:33

أنت استعجلت أمرك وفي الحقيقة الأمر مرفوض ان تتصل بها بهكذا طريقة وهي أخطأت لما ردت عليك وقالتلك انها مش مخطوبة وانها تدرس
المفروض أن تتريث وتذهب لوالدها وتفاتحه بالأمر إذا وجدت موافقة ابعث والدتك وتحددوا يوم الخطبة هكذا تكون الأمور وتتجنب المشاكل ..
ما عليك الآن إلا ان تكلم ولي الفتاة .. ربي ييسر أمورك

kmilya · 2013-06-28, 22:42

ربي يسهلك ادخل من الباب وانتظر ردها

كبرياء دمعة · 2013-06-28, 22:58

السلام أخي العزيز أنا بصفتي فتاة ومر علي كتير قصص انا رح اعرض عليك حل قد اضن أنه يناسبك وتتقيد به
أنا بٍأي تروح تخطبها وصح انت راح تقول أنها ما إحترمتك بل بالعكس هي أكدتل من سموا ونبل أخلاقها وأنها شريفة
ومهدتلك أنك إذا صح بتريدها رح تحكي مع أهلها وكيما يقولة البيوت من أبواب وهي من المتعلقين بالدين ولو انك أنت من الشباب الذين يحبون الحديث مع الفتيات وال..................... وغيروا وغيراتوا انا بتمنى ردك مشان أكمل معك الحل

loulou02 · 2013-06-28, 23:08

صلي صلاة الإستخارة و روح أخطبها من أهلها ، إن شاء الله تكون من نصيبك و تفرح بيها ، آمين .

أنور الزناتي · 2013-06-29, 00:15

السلام عليكم و رحمة الله و بركاته

أنا نظن أنك ما خسرت والو لحد الآن.
أنت حاولت تتقرب منها باه تعرف ردها على العرض تاعك باه
تتزوج بيها. و هي ما عجبتهاش هاذ الطريقة...فقط...
أنت ما قلتناش إذا كان راهي رافضتك نهائيا. على هاذا الشي، تبانلي
كون تعاود تتصل بيها عن طريق وحدة من صحاباتها أو قريباتها
حتى تخبرها برغبتك في التقدم إلى والدها باه تخطبها منو. من بعد
ذلك بمدة، روح مباشرة لوالدها أخطبها منو. و انتظر منو واش يقولّك.
نورمالمون هاذي هي الطريقة السليمة و الشرعية. و هكذا لاتحرجها
بمكالماتك الهاتفية و لا بأي شي آخر.

بالتوفيق خويا لعزيز و مبروك مسبقا