حلوى المارشمليو

~~نتشة~~ · 2013-06-20, 23:35

سلام لبنات حبيت نسقسيكم حلوة المارشميلو وين نلقاها تباع والا عندها اسم خدخدوخر راني لي نسقسيه يولي هكا
بليز عاونوني حبيت نخدم بيها عجينة السكر

angel_forever · 2013-06-20, 23:39

مساء الخير اختي
تلقايها في السوبر مارشي في جيهة الحلويات والسكاكر
تلقي مكتوب فيها مارشاماللو بالفرونسي انا دايما نشوفها ثم كي نروح وشريت منها قداش من مرة كاين الملونة وكاين البضاء

~~نتشة~~ · 2013-06-20, 23:40

قولولي كش اسم خدوخر انا حوست عند مول بائع الحوايح تع القاطو معرفهاش؟؟؟؟؟؟؟؟؟؟؟؟؟؟؟؟؟

angel_forever · 2013-06-21, 00:08

اختي حوستلك كاشما نلقالك اسم اوخر ليه بصح ملقيتش ماعليك غير تهزي الصورة نتاعو في البورتابل وكي تروحي للحانوت وريهالو لعلى كي يشوف شكلها يعرفها

angel_forever · 2013-06-21, 00:09

وراهي مكانش ياسر عند اللي يبعو حوايج القاطو قتلك تلقايها في السوبرمارشي في الجيهة اللي فايها الحلقوم والحلوى والكيندار وحلوى الفرومبواز المهم جيهة السكاكر

wiwi la blande · 2013-06-21, 00:21

okhti wasamha charmollow tala9ayha fi hanout ybi3oha bel haba wasih ydjiblek saché complé tala9ayha fi hanout nrml ybi3oha halwa bel haba

النجمة المتميزة · 2013-06-21, 12:03

انا شريتها من عند لي يبيع شوكولا و الحلويات و يسموها ايضا حلوى الصوف راهي تحي بيضاء و بالألوان و كاين حتى المحشية لكن انتي تحتاجيها بدون حشو

ange du paradis · 2013-06-25, 22:15

أنا نقدر نعاونك روحي للسوبرات اللي مسامي الدائرة في بن جرمة راه عندو كاين ساشي تاع 110 دج وكاين صغار ب 50 ولا 60 دج ماتخافيش منها حتى هيا ملونة راها عادي كي تذوب تجيك غوز كلاغ وقابلة للتلوين بجميع الالوان
والسوفي اللي في المارشي اللي يبيع الحلوى بانواعها راها عندو ثاني ان شاء الله نكون افدتك

اللي في السوبرات كيما هاذي في ساشي ب 100 او 110 دج

الدنيا · 2013-06-26, 00:15

سموها حلوى الخطمي