باركولي وعاونوني

رمرومة الصحراء · 2013-06-23, 17:20

مساء الخير عليكم حبيباتي والله توحشتكم مي الله غالب ولدت بنوتة بعد 3سنوات في عمرها دركا 3شهور وراني حايرة وش نبدا نعطيها تاكل راني حايرة مازلت ما نعرفش وش ما رايكم في عصير الطماطم؟؟؟؟؟؟؟؟

peaceful spirit · 2013-06-23, 17:22

حبيت نباركلك انشاء الله تتربى في عزكم

أم محمد تاج · 2013-06-23, 17:25

حنونتي ألف ألف مبروك وربي يكبرها في طاعتو وطاعة والديها نشالله
حنونة أنا عن تجربة راهي مازالت صغير وراهم لي بيدياتر اكل يوصيو على الماكلة من ستة أشهر حنونة ولتتاكدي سقسي البيدياتر تاعها أحسن

بيان 5 · 2013-06-23, 17:27

الف الف مبروووووووووووووووك
جعلها الله درية صالحة امين

بشرى2008 · 2013-06-23, 18:57

ألف مبرووووووووووووووووووووووووووووووووووووووووووووك

محبة الكتاب · 2013-06-23, 21:29

مبروووك عليك حبيبتي قالتلك ماما مازالت صغيرة على عصير الطماطم اذا عندك غرس مرسي بايدك حبة في ماء اللي تشربيه للبنوته واعطيها تشرب راهو ايروي الصغار على الاقل توصل ل4 اشهر باش تبدي تدخلليها حوايج

كنوزنبراس · 2013-06-23, 21:31

انا نقولك مبروك فقط وان شاء الله المدمات هنا يجاوبوك
ربي يهنيك

oum anas 69 · 2013-06-23, 23:09

أولا مبروك عليك البنوتة و إن شاء الله تتربى في عزكم و يجعلها ربي من عباده الصالحين
أما الأكل عزيزتي مازالها صغيرة معدتها لاتتحمل خليها تكمل 4 شهور و أبداي ذوقيها خضر مثل الجزر والكوسة و اللوبيا الخضراء مغسولة و مطهوة جيدا و مرحية على شكل بوريه رطب جدا ولاتضعي الملح و لاتعطيها البطاطا لأنها صعبة الهضم بالنسبة لمعدتها و كذلك أشريلها كمبوت الفواكه مثل التفاح و الموز والإيجاص و المشمش أو ممكن تطيبيهم وحدك في البيت وأرحيلها مليح و عمرك ماتعطيها الفواكه الحمراء مثل الفراولة و الطماطم لأنهم يعملولها حساسية جلدية في جسمها

samasem 2 · 2013-06-24, 11:02

ألف ألف مبروك لعقوبة ليا انشاء الله

غزة في عيوني · 2013-06-24, 11:10

الف مبرووووووووووووووك

رمرومة الصحراء · 2013-06-24, 11:32

مرسي ليكم كامل و بارك الله فيكم على النصائح

sidali 2007 · 2013-06-24, 11:38

مبروووووك الف مبروك ربي يحفضهالك انشاء الله
شوفي اخت3 شهور مزال صغيرة انا ولادي حتي 6شهور باش مديتلهم ياكلو
اعطيها غير لحليب و ماء ونضملها لوقت رضاعة لحليب وكتوصل 6شهوراعطلها
صباح لحليب كتنوض
وعلي عشرة اعطلها كمبوت تفاح فوريه ورحيه متزيدلوش سكرباه وتوالفلكش لحلو
وعلي اعطلها لسوب تاع خضرا دري فيها كامل خضرا لعندك
بصل+جزر+طماطم حب شوية+كورجات+بطاطا+ورقة سلاطة خضرا+ورقة سلق ومعدنوس طيبيهم فلماء كطيبو ارحيهم وزدلهم شوية ملح وشوية زيت زيتون
وعلي4 اعطيها بتسويس متزيدلوش سكر
وعلي7 زدلها لسوب شوية برك صحن لغدا يكون كثر ملعشاء وبعد علي8 اعطها ترضع كرعيها مليه وخليها ترقد
لحليب نتي وش مولفتها كتبد ا تكول تنقص رضاعة تولي ترضع غير كتجي ترقد
لسوب تقدري ديري مثلا زرودية وحدها ولا بطاطامع سلق وش حبيتي باش متكرهش منها
ولفاكه من6 شهور حتي8 شهور مليح غير تفاح بعد 8شهور تقدري تمدلها بنان ولافواكه لموجودة
لحم ودجاج وحوت حتي 9شهور
طولت عليك بزاف انشاء الله نكون افدتك

تاج النور@ · 2013-06-24, 13:25

اقتباس:

المشاركة الأصلية كتبت بواسطة محبة الكتاب

مبروووك عليك حبيبتي قالتلك ماما مازالت صغيرة على عصير الطماطم اذا عندك غرس مرسي بايدك حبة في ماء اللي تشربيه للبنوته واعطيها تشرب راهو ايروي الصغار على الاقل توصل ل4 اشهر باش تبدي تدخلليها حوايج

ربي أبارك فيها ويحفظها ويعطيك الصحة
الغرس أحسن شئ في هذا العمر كما قالت الأخت
وزيد كي توصل ل6 اشهر زدي لها التلبينة النبوية لكن ماتشريهاش خدميها بيدك هكذا تعرفي واش فيها
والله العظيم فيه فوائد كثير أحسن من فرينة تاع الأولاد لي نشروها ما فيها حتى فيدا غير تنفخ الطفل تقول شئ بالون منفخ
العقبى ليا

oum 3abdou · 2013-06-24, 17:53

ربي يحفظهالك و يبارك فيها ان شاء الله

مازالت صغيرة على الماكلة لحليب وحدو يكفيها انا اولادي حتى 6اشهر باه بديت نوكلهم

اميرة في دنيا حقيرة · 2013-06-24, 22:12

الف الف مبروك حنونتي ربي يكبرها في طاعتوا ويحفضها

عند حنونتي تمديها تاكل مزالها صغيرة راهي البحوث الجديدة تقول بلي البيبي ماياكلش حتى يوصل ل 6 شهر انا بناتي رضعتهم حتى 6 شهر نمدلهم غي الماء ومن بعد تبداي توكليها