قصيدة عن اليتيم

[آلملــكـة]

تدري وش اللي يجرح القلب جرحين
ويمد حـبل الحزن فيك ويشده


انك تناظر طفل من غير أبوين
يمشي ودمعة سايل فوق خــده


منظر صعيب ويقسم القلب قسمين
لا قـام يمسح دمعة بكف يــده


يمشي ولا يدري طريقه على ويــن
لــيــن الـتعـب مـن كثر ما تاه هــده


اثقل حروف يشيلها فيه حرفين
لا اب يـدري بـه ولا ام تــرده


في خطوته رحلة ودمعة وسكـين
وحـظ تـوسد بالمـراسي مـخـده


جيت اساله بالله قللي ولـد مـيــن؟؟؟
وبـغــى يـجـاوب.. واختـنق صوت رده


أنــا يـتـيم ومـا لــدربــي عـنـاويـــن
وجــزر الحـزن فيني يسـاوي لـمده


وطـعم الطفـولة ما عـرفته لها لحين
وثــوب الســعادة صــرت ما نيب قـده


ابـكي إلــى من شفت غيري سعيـديـن
لـيـن الـبكـــا فـيـني يـوصـل لـحـده


واقفى ورحت امسح دموعي من العين
وعـيـني تـناظر دمعـته فــوق خـــده


وهـذا اللي يـجرح الـقلب جـرحين
ويـمد حـبــل الـحـزن غصب ويشده
***

[فارس الدهماء]

رحم الله والدك ورحم الله سائر أموات وأحياء السلمين
أمين يا رب العالمين

[الوتر الحزين]

*****بارك الله فيك*******

[ضحكة خجل]

الله يرحم ابي

[djalalskull]

الله يرحم جميع الاموات المسلمين

[عبد القادر]

روووعة بورك فيك ..............ورمضان كريم

[pro24]

ما اجمل ان تكون الحروف قويه
كقوة المعنى التي ترمي اليه
كلمات فعلاً رائعه
تشكراتي