عائلتي حياتي

[مشكلتي]

السلام عليكم ورحمة الله وبركاته

مشكلتي هيا ابي نعم ابي بس قبل ما احكي حكايتي راح اطرح سؤال مدا لو جاءت بنت و قالك لابوها انت فيك عيب يعني اتوريلوو الغلط انتاعو مدا ردت الفعل كيف تكون
و هلاء راح احكي حكايتي انا عمري 19 سنة وومشكلتي هيا انوو ابي بخييل جداا وهدا يقلقني تخيلوو يمد لماما مصروف اشهر 3ملايين فيها كلشي يعني اكل لباس ... و ميحوسش يعرف ادا كفاتها ولا لالا هوا المهم ف بداية الشهر يمدلها الشهرية و ك يجونا الضياف تاني ميحيرش كامل يعني ماما هيا يلي تحير والله غير غايضتني بزااف و تاني هوا يعيد علينا يعني ميحكيش كامل معانا منجتمعووش غير ف الاكل هوا دائما قدام الميكروو بسكوو هوا كان يخدم بعدين يعني شهر ف الخدمة و 20 يوم ف المنزل وهوا هلاء ده تقاعد و وقتوو كامل قدام الميكروو ولا التلفاز ميحوسش علينا وانا انحوس يحكي معانا و يقصر ويضحك ووووو هوا يحبنا علبالي بصح هوا بطبعووو كتووم ميحكيش حابة انكونو اسرة مجتمعة و انخافوو على بعض ماشي كل واحد ف طريق و عندي اخي اصغر مني مصاحب اولاد ماشي ملاح تاني انقولوو عليهم ولا لالا قلت لماما عيطت عليه بصح مخطاهمش........
هل لي الحق ان اقولوو او لالا ارجوكم ساعدوني

والله غير كامل نحبهم و نخاف عليهم و انا ديما حنونة عليهم و نخاف عليهم

[النجمة القطبية]

يعنى باباك يمد ليماك الشهرية وزيد بخيل مالا واش حابة باش ميكونش بخيل
وزيد باباك نتي تروحى تحكي معاه وتهتمي بيه وتشوفي كاش ما يحتاج لانو هو باباك ماشي العكس هو رباك بكري وتعب عليك درك انتي انتهلاي فيه
واذا حابة باباك يكون مليح لازم تبدلي تخمامك فيه
ربي يوفقك

[حميد.ص]

ربي يصلح احوالكم..................

[wafa16]

بففففففففففف قلقتيني حنونة بالسيف باش كملت قريت اهدري بلهجتنا
علاش تلعبو فيها كاش نهار شفتو المشارقة يعاندونا في الهدرة سبحان الله الافلام التركية ما خلاتلكمش
و البرجوع لمشكلتك العائلات الجزائرية كلها هكدا من ناحية الماديات و لا التواصل راو يدير فواش يقدر و امك لو شافتو مقصر ما تسكتش امالا اتلهاي في روحك و خلي يماك و باباك يدبرو راسهم راهم يعرفو واش لازم يديرو
و مام مع خوك خبري يماك و هي تعرف واش تدير

[ام نسمة]

اييه العنو الشيطان يا ناس يعطيها شهريته وراكي تكومونتي واش حبيتو يديرلكم يقطع روحه ويعطيكم لحمه تاكلوه هذا اللي في مقدورو ونزيدك قليل الراجل اللي يعطي لمرتو شهريتو ويخليها تتصرف في امور الدار وعن علاقتك مع ابوك لا تلوميه ابدا بل تقربي منه وحني عليه وماعندك حتى حق تدخلي روحك في شهريتو والمصروف اللي يمدو لماماك هذاك ابوك ويدير واش يحب

[طماح الذؤابة]

و اللهِ حتى ظننتْ أن أهل المشرِق أصبحُوا يطرحُون مشكلاتهِم هنا

فقلت .. لم تكفي مشاكل أبناء البلد .. حتى إلتحقَ بنا هؤلاء !


حتى أستوعِب ما كتبتِ ، ربما لي عَودة .

فـ حقيقة لم أفهم قراءة موضوعك على أساس أني قرأتُه على حسْب

أوضاع المشرق أم أوضاع البلاد .!

هدانا الله و إياكُم

هلاء

معناها و الآن .. و أنا كنت أظن أنه إسم مذكر جديد

غُيرت العين غلى الهاء .

غريبة و الله !

[hadjerbb]

ايه شوفي انت وكل العائلة لازم تصارحوه وتحكيولو اانه لازم يقدم معاكم لانه هدا حقكم اما بالنسبة انه ما يصرفش شوفي اختي والله حسب الحالة المادية تاعو لكان عندو ولا لا المهم خاولو انكم تحكيو معاه وغير بالساس باش يتبدل ولكان ماتبدلش ما عليك غير تصبري

[reiad999]

كاين لي شهريتو مليون يا اخية وعندو اكثر من ولد انظري الى الاسفل ولاتنظري الى الاعلى امابخصوص الاجتماع في البيت فلك الحق التكلم معه جربي بادب واحترام وهذا والدك والبنت دائما تكسب حب ابوها اكثر من الولد والله اعلم
ربي يسرلكم اموركم المادية و الاجتماعية

[السيدة كرمين]

لا لا يا بنتي

* أولا البنت أو الولد ما يقول لأبيه أنك على خطأ ولو كان مخطأ
* ثانيا : والدك مش بخيل راه يمد ليماك الشهرية وكأنوا يقلها هذا واش كاين
تصرفي على هذا الأساس وهي ضرك وشطارتها واش يعمل يروح يسرق
أنتم خففوا الطلبات وهي راح تعرف كيف تسيير بإذن الله
* ثالثا هو راه روتريتي وهذا شئ عادة قاتل بالنسبة للرجال ياريت تساعفوه
و ما تحسسوهش أنوا مقصر أو انتهت صلاحيتوا وصدقيني كي نقلك كاين أكثر من واحد مات مباشرة بعد
لاروترات وما كملوش العام واش راح تفيدك ادراهم كي تغيب عين باباك
* رابعا :روحي يالفحلة وتهلاي فيه وفي يماك وساعفوهم في كبرهم هاذوك هوما جنتكم وناركم
عندي بابا 5 سنين وهو روتريتي وكيما تقولي اما الجامع أو الميكرو أو التيلي أو يخرنن
على خاوتي وماما لكن الكل عارفين أن هذا مش طبعوا هذا بسبب توقفوا عن العمل ،لكل مساعفوا
ويديرلوا رايو وفرات... هذو هوما جنتنا

تقبلي تحياتي

[biologie2001]

يمد شهريتو كامل ليماك و هكداك تقول عليه بخيل ؟؟؟؟؟؟؟؟؟ ربي يهديك اختي ..... عيشوا قد الشهرية علاش تسرفوا و تبدخوا .....

[Assouma 93]

مازال مصدقتش قداش أثرت فيكم هاذ الافلام لدرجة انكم رجعتو تحكيو لهجتهم واش هذا
المهم انت اختي ربي معاك

[الفاتحة]

عجبتني فيك روح المسؤولية وحرصك على عايلتك رغم صغر سنك ، صغيرتي شعرت بقدر حبك لعايلتك لكن كما قال لكي الاخوة توجد امور لا تحل إلا من قبل الكبار ولا يجوز للصغار التدخل ، حاولي القيام على دراستك وصلاتك وامورك أما المصروف وأخوك فهذا شأن والديك وانت لا تملكين إلا الدعاء في الصلاة ، ربي يخليك لعايلتك حبيبتي.