اقتباس:
المشاركة الأصلية كتبت بواسطة nadjwa mhamed
السلام عليكم يا أخوات هل ممكن اعطائي من فضلكن الوصفة الدقيقة لخبز المطلوع يعني كمية الدقيق أو السميد الماء كيفية زيادته وكذلك كميته .الملح .بعض المنكهات وكذلك حليب بودرة هل يجوز ادخاله في العجينة وكيف
أنا دائما لا ينجح لي الخبز لا أعرف مااسبب
ماهي الطريقة الجيدة لتحضير الخبز طاجين الطين أو فرن الغاز?
في الأخير هل يمكن اعطائي بعض النصائح والملاحظات المهمة والتي قد تكون بسيطة وأكون أنا غافلة عنها عيب راني في ربع سنين مع الخبز وما نجحتش في طيابو دايما يا ما يطلعش ولا يحرق من برا والداخل مايطيبش ويتعبني بزاف في عجنو
وجزاكم الله خيرا
|
روماركيت عندك مشاكل مع العجائن اختي مفيهم والو لازم تكوني عندك 2 حوايج=اولا وصفة ناجحة 100/100 وتانيا التجريب وكل متعاودي يدك تخفاف وتولي ماهرة من لخر نعطيك وصفة خبز كوشة التي تعلمتها عن امي -2كيلات سميد وكيلة فرينة وربع كيلة زيت وزيت زيتون اي خليط وعضمة و2مغارف كبار خميرة خباز ,كاس ماء وكاس حليب ادا معندكش حليب حطي 200 غ لحظة يبسس ويخفف و مغرف كبيرة خل مادة حافظة كي لا يهبط شوية سكر باه طلعي بيه الخميرة ملحو طرف زبدة تعجني بيه في الاخيرنصف مغرف مع خبزة وفي الاخير اعجنيه بفنجان ماء زهر او ورد لنكهة للدهن بيضة وم/ك قهوة طايبة ليكون وجهه احمر لازم تكون عجينة مرنة تلصق في اليد باه يجي خفيف تعجني باليبس تم طري بلعقلكسريلها الطلوع مرتين تم حلي قرصة في الصينية ادهنيها وزينيها بالفرشيطة و خليها تخمر تتنفخ ودخليها من الاحسن لكويزنيار لانها طيب بلعقل انت يتحرق ويبقلك معجن مشكلتك في الطياب لازم تسخني لكويزنيار وكدخلي الصنيوة نقصي باه يطيب بعقلو وميبقاش ني واش لوخر ااااااا لا تعملي الخبز بالبياض فقط لانه تصبح يابسة وتقرمش عضمة وحدة تكفي وبلي دائما بخليط ماء وحليب باه يجي خفيف ادا عملت خبزة تاع عشية كتريلها برش برتقال وبرش ليمون السينوج من لفوق وجنجلان وفي الاخير كيطيب خليه قليلا فقط في الصينية وانزعيه لانه ادا خليتيه راح يعجن ويعرق من تحت ودا حبيتي حاجة اخرى راني هنا اختي انشاءالله نكون افدتك
( تقرير عن مشاركة سيئة )، و الموجودة أسفل كل مشاركة .
2013-06-28, 19:06
مساعدة من الأخوات
العرض العادي
