آخر إختراعاتي ههههههههههههه

[ريم الفلى]

السلام عليكم كيما سبق وشفتو في الموضوع تاع فالفطور اللي درتو البارح
راني اخترعت كيكة باردة وهشة رااااااااااااااائعة
هاهي:

المقادير هي:
للطبقة الاولى: الكيكة
2 بيضات
نخلطهم جيدا بالباتور ونزيدلهم
6 ملاعق زيت
ونخلط جيدا ونزيدو
6 ملاعق حليب
ونخلط جيدا ونزيدو
6 ملاعق سكر
ونخلطو من بعد نزيدو 6 ملاعق فرينة وباكي خميرة كيميائية وقرصة ملح وقشور برتقال وليمون ونحركها من فوق للتحت
نفرغهم في قالب الفرن مدهون بالزبدة ومرشوش بالفرينة
والى الفرن شعليلها من تحت باش تخمر ثم شعليلها من فوق باش تحمار
هاهي بعد ما خرجتها من الفرن

حضري شاربات من فنجال سكر و زوج ماء وعود قرفة وخليهم يغلو 15 دقيقة وضفي قطرات من عصير اليمون وطفيلها النار
من بعد ما تبرد الشاربات نشقي بيها الكيكة جيدا
او تحبي توفري الجهد اسقيها بعصير برتقال

هاذا هو جبن امير

الآن نجيو اللطبقة الثانية: كريمة الجبن
نضع 2 ناجل حليب مع اربع ملاعق نشاء و ربع سكر ونحرك جيدا بالفوي ثم نحطوه فوق النار نزيدلو الملون الغذائي للي نحب انا نحب الروز ههههههه ونحرك حتى يبدا يعقد بزيدلو الجبن ثم نحرك جيدا هاهي الكريمة جاهزة:

نفرغها فوق الكيكة

وندخلها للثلاجة ونجيو ضرك للـ
الطبقة الثالثة:
نضغ في كاسرول 2 كيسان كليب وباطا فلون نوارة شوكولا وسكر 2 مغارف برك وتقدري متزيديش راهي حلوة

لما يطيب الفلون نحركو قيلا ونفرغو فوق الطبقة الثانية

ونحاول نسويها على كل القاعدة

وندخلوها للثلاجة حوالي ساعة
وهاهي

واش رايكم:

من الجهة الاخرى



وهادي لاول رد يالله تفضلو موالين
الدار ميحتاجوش عرضة



واش رايكم
بكل صراحة عندي الزهر مع الحوايج اللي نديرهم لاول مرة اكثر من الحوايج اللي موالفة نديرهم ههههههههه

باي
متنساونيش بدعوة خير ولكم بالمثل

:m h31: