ساعدوني بخصوص شعبة تقني رياضي

[AymenC]

السلام عليكم و رحمة الله تعالى

انا طالب سنة اولى ثانوي بداءت مشكلتي عند استلامي بطاقة الرغبات وجعلت اول رغبة هي العلوم التجريبة
ولكنني لم اتوقع اني سوف اتحصل على شعبة تفني رياضي هندسة ميكانيكة

والان انا خائف منها كثيرا يقولون انها صعبة
وقد نجح منها فقط 6 او 7 بمعدلات لا تتجاوز 11
اريد منكم رايكم
ونصائح عن تجربة للحصول على معدل ممتاز في الباكلوريا ان شاء الله يفوق 13

[maneltkd]

اختي انا ايضا وجهوني تقني رياضي وهذه كانت رغبتي اي خيار الاول صراحة إخترتها لانها شعبة رائعة و مافيهاش غاشي وكيما قلتي قد نجح منها فقط 6 او 7 بمعدلات لا تتجاوز 11 إعلمي فقط انه إذا نجح منها هذا العدد في ثانية ما معناه رابحوا كامل لان القسم تاعها اصل فيه عددهم قليل جد لتخوفهم من الشعبة وهي تشبه كثيرا شعبة الرياضيات و الإختلاف فقط في التكنوليجيا لان اتقنيين يدروسونها و الرياضيين لا وعلا حساب واش قالولي لي جوزوا البكلوريا في هذه الشعبة انها سهلة ومشوقة وممتعة و نتي و زهرك مع الاستاذ إذ ا كان الاستاذ مليح تكون سهلة بالتوفيق

[AymenC]

لقد استلمت الكشف
لقد وجوهوني تقني رياضي هندسة ميكانيكية
اخبروني اكثر عنها

[نورسين سوف]

السلااام عليكم ورحمة الله وبركااته انا نجحت العام ليفااات بكالورياااا شعبة تقني رياضي فرع هندسة كهربائية والحمد الله شعبة جد رائعة ممتعة ولا تحسسك بالملل و و و وراح تحس بيها كي تدرسهااااا والله صدقني ونحب نقولك حاجة وقبل كل شئ شكوون الي قاااالك صعبة اسك قراهاااا ولا غيير يسمع بيهاااا نصحتي ليك سقسي الطلبة الذين درسوا هذا التخصص فقط اما مدي الصعوبة ليست صعبة وماهيش شعبة تخوف اخطيييك من كلااام الناس ولله ما يعرفو عليهاااا حاجة انا اول ما هزيت بطاقة الرغبات الناس كامل قتلي بدلي وبلاكي وبلاكي وانا مشعارفة عليها حت حاجة ومن باعد لقينا استاذ نورلنا طريق نتاعنا نحلنا الغمووض نتاع هاذي الشعبو وخلاني صراحة نحبها ونقضلها عل كل الشعب لانها حقا قبل كل شئ شعبة ممتعة الفرق بينها وبين شعبة العلووم ان المواد الاساسية الفيزياوالرياضيااات دروسها مثلها مثل شعبة العلوم الاختلاف فقط هو انا شعبة التقني تزيد فقط عليهم وحدة واحدة فقط وهذا في الرياضيات والفيزيااء اما التكنوليااا مادة التخصص ليست صعبةانصحك بالجتهااد والمثابرة في دراستك ودير الثقة في نفسك برك كماا لا انسي ان لكم الاولوية في رغبات في الجامعة باذن الله علي شعبة العلوم مثاال طالب جاب معدلو 12 يدرس شعبة علوم ميعطوش رغبتو المتمثلة مثلا في الرياضيات او الفيزيا ءوطالب اخر في شعبة التقني جاب برك مثلا 10.00 يعطوه رغبتوو وبالتوفيييييق اخي ارجو انا زلت منك الغموض ولو قليلااااا كما اتمني لك النجااح والتوفييييييييييق في الدراسة ...اختك نورسين

[AymenC]

شكرا لكم جميعا

[charaf life]

انا و الله صراتلي كيفك طلبت علوم دزوني هندسة ميكانكية .. شعرة و قتلت روحي ندبت و ندبت على زهري منحوس
قريتها ايامات ماش مليحة صعيبة بزاف ...اخطيك من كلام تحفيزي ...ياه تقراها و يطلعلك مورال لكن الحقيقة كيما قلت صعيبة و مافيهاش باك مليح

انا و ش درت اطلب طعن للهندسة مدنية ام يبدلوك من هندسة للهندسة لابغات تبدل الثانوية مهم ماتقراهاش

انا بدلت للمدنية متصورش واش حال ساهلة و رايعة قرايتها و نسب نجاح في باك حتى 90 بالمئة و تقسي عليها

انا ننصحك دير قدر مستطاع باه تبدل مدنية لاكان حاب تبدل علوم مستحيل مايقبلولكش متغامرش دير طعن مدنية خاطرش موحال يخرجك من تقني خاطرش قليل لي فيها و يدزك علوم لي فيها بزاف خاطرش تقني مارا ملاح هندسات عندك اولوية لتسجيل قبل علوم ..... و يحتاجوهم

حاب معلومات اكثر ابعتلي طلب صداقة لل فيس بوك https://www.********.com/karlstanleydz?ref=tn_tnmn