مزطول راح للدكتور يشكي انه كل ما يرقد
يحلم بقطط يلعبو في الكرة . قالو الدكتور : مترقدش يومين .. قال المزطول:
منجمش على خاطرغدوة La Final
********
واحد مزطول ماسك علبة مسامروطاح منهم مسمار قلو يا ولدي أرجع يرحم بوك
ارجع.... المسمارمحبش يرجع .... كب علبة المسامر كلها و قال :
جيبوووووووووووووه
***************
كان الحلاق شادد مغناطيس على راس زبون معبي بالشعر تعجب الزبون و قالو: واش تعمل ؟ قالو الحلاق: انحوّس على المقص!!!
*****************
واحد من كثر ما خسر بالبورصه طاح مريض
هزوه عند الدكتور
الدكتور وهويكشف عليه قالو يا الله ضغطك وصل 70 )
صاح المريض و قالو : بيع بيع بييييييييييع
********************
مره مرأة جابت طفل وحارت واش تسميه كل ما اتسميه اسم تقول طويل قللها راجلها سميه إستيك طولى وقصرى فيه كيف ما اتحبى
********
سأل ولد أبوه : بابا كيفش نعرفوا واحد أنه سكران. جاوبه أبوه قالو: شوف
ياولدي ..هاك الشجرتين يشوفهم السكران أربعة شجرات. التفت الولد ولم يجد
إلا شجرة واحدة !!!!!
**************
مزطول قال لمرتو نكته... قالت: " هههههههههههه بايخه " قاللها : " ههههههههههه انتي طالق"
*********
واحد راح لطبيب باش ينحيلو مسمار دخلو في رجلو كي قالو ب2500دينار جاوبو وقال عوجو وخليه
********
مزطول يقول لصاحبو :شي واحد فالدنيا هاذي مجنني و ما فهمتوش؟ قالو صاحبو واش؟
قال المزطول : الحمار الوحشي ابيض ومخطط بأسود والا أسود ومخطط بأبيض
**********
اب كسلان قال لولدو الكسلان قوم افتح الباب لامك
الابن: افتحلها انت مش هذي مرتك؟
الاب: قوم يا ولدي هذه امك
الابن: و مرتك ثاني قوم انت افتحلها
الاب: يا مرأة انتي طالق بالثلاثة... قوم ضرك افتح الباب لامك و رد بالك تقلي مرتك
*************
ميكانيسيان شرى سرير جديد رقد تحتو
*********
واحد اخترع حبوب للحامل باش المولود يطلع مؤدب وكل مولود فعلا نزل مؤدب .
واحدة أخدت الحبوب وماولدتش في المعاد فراحت للدكتور عملها ولادة قيصرية
لقى توأم كل واحد يعزم علي التانى ويقول له :اتفضل
التاني يقوله:لأ اتفضل إنت الأول
*********
زوج قاعدين قدام مراية يتكيفو في الكيف قال واحد شكون هادوك الي مقابلينا
قام صاحبو قالو آني رايح نسألهم شدو صاحبو قالو أقعد آهو واحد منهم جاي
**********
واحد حب يبني المستقبل نتاعو شوي طاحت عليه ياجورة
*********
واحد مسمي نفسه منشف ريق البنات علاش
؟
؟
؟
؟
من كثر مايبصقو على وجهه
*********
راجل كبير في العمر قالولو: وآش عامل فيك رمضان يا حاج.
قاللهم كون مش من رشفة الوضوء العبد يموت مالعطش
*********
واحد حب يخّوف أولاده ذبح مرتو
*********
الجوج قال للمحابسي واين تسكن
جاوبو حذا جارنا
سقسا جرهم قالو نسكن حذاه هيه
زاد سقساه واين تسكن
حذا جارنا
زاد سقساه او جاركم واين يسكن
قالو حذانا
زاد قالو ونتوما في 2 واين تسكنو
قالو حذا بعضانا
ههههههههههههههههههههههه
*********
واحد مرتو راح تزيد طفل قالها نسميوه خير الله
قاتلو هي اها نسميه خير الدين
كي ولدت جابت طفل صغير خلاص
قاتلو واش نسميوه
قالها نسميوه خير من ماكانش
هاهاهاهاهاهاهاهاهاهاها
***********
قال القاضي للمتهم: ماذا تعمل؟
أجاب المتهم: قبل الظهر لا عمل لي، وبعد الظهر مع عمي.
فقال القاضي: وماذا يعمل عمك؟
أجاب المتهم: قبل الظهر يعمل معي، وبعد الظهرلا يعمل
********
- واحد دخل للقهوة وقال للقهواجي: عندك قهوة باردة؟ يقولو: لا , زاد جاه
غدوة وقالو كيما المرة اللولة ورد عليه:لا, وعاد كل يوم يقولو: عندك قهوة
باردة؟ واحد النهار قال القهواجي: والله نوجّدلو قهوة باردة قبل ما يجي,
ومبعد ساعة جا الزبون وقال: عندك قهوة باردة؟ قالو: نعم, قال: سخّنها
وجيبهالي
************************************************** *******
واحد دا بنو ومرتو في رحلة في السيارة, وكي فاتو على ناطحة سحاب قال
الطفل: وشي هذا يا بابا قال الأب: والله ما ندري, وزادو فاتو على مرأب
للسيارات قال الطفل: وشي هذا يا بابا رد الأب: والله ما ندري وزادو فاتو
على مسبح قال الإبن : وشي هذا يا بابا قال الأب: والله ما ندري. نطقت الأم
وقالت: اسكت يا بني راك قلقت باباك. قال الأب: لا اتركي ابنك يسقسي باه
يتعلم
*********************************************
- هدا واحد يهجّي الهدرة بزاف في كل مرة يروح للقهوة ويقول للقهواجي:
أعطيني ققققققـ.... ومايجي يقول قهوة يغلق مول المحل ويقولو ولي
غدوة,ودايما تسرالو هكّا, وفي نهار قال لازم نبدا نوجّد الكلمة في الليل
وكي نوصل الصباح نقولو, وفعلا بدا في الليل يقول: ققققققققـ... وفي الصباح
مع وصل للقهوة قال: قهوة أعطيني, دار ليه القهواجي وقالو: انعم خويا؟؟
************
واحد فاقد الذاكرة تثاوب نسى فمو مفتوح
نكت
-واحد مجنون بالرسوم المتحركة مات باباه كتبلوا في قبروا the and
-واحد حراق لاسبانيا بعد عام كلم باباه في الدشرة قالوا بابا راني تزوجت وجاني الايدز عفانا الله منه قالوا باباه وعلاه ما سميتوش على جدك العلواني
-واحد مجنون ولدت مرتوا توام جن رجلها وقالها شكون اب الطفل الثاني
-المعلم:مامعنا كلمة سبيل. الطالب:طريق.. المعلم:ممتاز.. والأن ما معنا كلمة (سلسبيل) الطالب: طرطريق.
-كاين زوج ركبوا تاكسي واحد ساق والاخر جذور
-واحد مدرب رياضة مجنون عينوه في مدرسة المعوقين راح درب اول حصة قفز حواجز.
-زوج مهابل هربوا من مستشفى المجانين ركبوا سيارة الاول قال الثاني دور على اليمن قالوا الثاني دور انت راني نسوق
-واحد مجنون راح لجنازة قام يخطب عليهم قالهم الانسان كيما بني ادم اذا مات يتوفى.
- واحد مجنون عيط في البرتابل ديالو لنميرو في الزهر مالا جاوبت وحدة قالها هذا النميرو نتاع محمد قاتلوا لالا قالها مالا وعلاه تريبوندي.
- واحد مجنون قال لخطيبتوا تعرفي القمر شحال بعيد قاتلوا ايه قالها حتى ريحت رجليك توصل ثم
-واحد مجنون حلق الموستاش دخل على صحابوا قالهم تصدقوا ماعرفتكمش
-واحد كذاب ادعى بلي راح لمكة يحج سقساه واحد قالوا واش شفت في الحج قالوا ابى جهل راكب bmw ماتركيل 49 عام
أيا أستاذ , كان يصحح في أوراق الإمتحان , لقى ورقة مكتوب فيها " يا أستاذ
أرجوك لا تفتح الورقة " , فلم يفتح الورقة لكن الفضول قتله , فتردد هل يفتح
أم لا وبعد ساعتين من التردد فتح الورقة فوجد مكتوبا فيها " فتحتها يا بن
الكلب ؟؟ "
أيا واحد خروف صقصا أمه : قالها مااااااا وين راه باااااااااا قالتلو اتبااااااع
أيا واحد جا فايت على جدار فيه ثقب , سمع من ورا الجدار 12 . 12 .12 ....
قتلو الفضول شاف من هذاك الثقب , ثقبولو عينه سمع بعدها 13 13 13 .....
قالك واحد لبس كوستيمة فور , وخرج برة يمشي , دار فيها قارو نسيم , جازت
عليه واحدة شابة بزاف , خبأ القارو في الجيب وهو شاعل , المهم شعلت فيه
النار جاتو هذ الشابة وقاتلو _ خو راك تشعل _ يعني راك تشتعل ,,, قالها :
خوك ديما يشعل <<< عندبالو قالتو راك تشعل بالنظافة
أيا قالك وحدة جازت على راعي , قالتو _ عمو Bonjour بونجور _ قالها : يبنجرك بالخير بنتي
واحد حابس حب ينتحر اركب فوق صخرا وحب يرمي روحو جا ليه واحد وقالو واش راك
حاب دير قالو ننتحر قالو اركب فوق عمارة وارمي نفسك يلا راك حاب تنتحر
قالو وعلاش راك حاب تقتلني
واحد دار عرس وعرض نساء بزاف , المهم اللي اسمها مليح كيما سارة , سوسو ,
ميمي , شاهيناز , يروحو لكار , واللي اسمها ماشي مليح كيما , خيرة ومرزاقة
والعلجة , يروحو لكاميو باش يديرو كورتاج, المهم كل ما تجي وحدة يسقصيها
صاحب العرس وش اسمك , تقولو سارة يقولها الكار , الأخرى واش اسمك ؟ , تقولو
زوينة يقولها الكاميو ,,, حتى جات وحدة قالها واش اسمك قاتلو فتيحة
ويعيطولي فاتي , قالها ديري دورة للكار وأرجعي للكاميوووووووو
. قالك واحد مرة لقى عجوز هازة قرعة غاز تعبتها بزاف , ايا قالها يما نهزلك
القرعة وادعيلي دعوة خير , عطاتهالو وقاتلو الله يفتحها في وجهك
جزار راح يخطب في وحدة ,تلاقى مع والد البنت , قالو شحال تعطيلي بنتك قالو 80 مليون , قالو علاه شحال راكم تحسبو في الكيلو ؟
واحد راح للطبيب النفسي قالو يا سيدي أصبحت أحس أنني كلب , قالو منذ متى تعاني هذا المرض قالو منذ كنت جروا
قالك أيا واحد كل يوم يريح في القهوة ,و كل يوم تجوز عليه وحدة يشوف معاها
وتشوف معاه , بقاو على هذي الحال عام , وحد النهار شافها مع واحد راح ليها
قالها اللي بيناتنا أنسايه
أيا قالك واحد راح مصنع انتاع مركبات كيميائية , لقى صهريج فيه حمض الكلور
HCL , حب يعرف وش هو الأسيد , دخل يدو ثمة , كي خرج مالقاش يدو ؟؟؟ آو(ذابت
في الحمض ) ؟ داخ , زاد لاح يدو الأخرى وخرجها مالقاهاش ؟ أيا لاح راسو
يحوس عليهم
زوج تزوجو , وبعد 20 سنة زواج المرأة حملت , ما تفاهموش , هو قالها نسميه
خير الدين , وهي قاتلو خير الله , المهم , كي ولدت طفل خرج
صغييييييييييييييير سماوه " خير من بلاه "
واحد راح يخطب في طفلة , قالو باباها /: واش تخدم ؟ قالو : جارنا طبيب
واحد خرج من مستشفى المجانين , يخدم حلاق , أيا جاء ال****ون الأول , كي بدا يحففلو , سقصاه : تستحق وذنك ؟؟
ال****ون يحسبوا يضحك معاه "اعتقد أنه يمزح " : قالو لا , المهبول قطع أذن
ال****ون ورماها في الخارج , ال****ون مات من الرعب , عاود سقصاه : تحتاج
الأذن الأخرى ؟, ال****ون قالوا برعب ايه , الحلاق قطعها واعطاهالو
واحد اسمو مفتاح لما مات دارهم ماحزنوش ومابكاوش عليه,كي صقصاوهم وعلاش ؟ قالوا : عندنا الدوبل
ذهب طبيب العيون لفحص أحد المرضى , فحمل لافتة الحروف ليجرب نظره ووقف على مسافة معينة وسأل المريض : هل يمكنك قراءة الحروف
المريض لا
اقترب وسأله : والآن ؟
المريض لا
الطبيب اقترب مرة أخرى وسأله : والآن ؟
المريض : لا
الطبيب بعد أن اقترب : والآن ؟
المريض : أنا لا أعرف القراءة والكتابة يا دكتور
عجوز سقصات واحد " واش تخدم "؟ قالها طبيب أطفال , قالتلو وعلاش يا وليدي ماكنش عندك الدراهم تكمل قرايتك ؟
شخص يكره البنات , قال لو ولدت زوجتي بنت أقتلها , المرأة خلفت 15 ذكر , راح الرجل تبنى فتاة وقتلها خخخخ <<< هذي من عندي
الأول : لدي ذاكرة قوية أي شيء يدخل في رأسي لا يخرج
الثاني : وكيف نسيت المال الذي أقرضته لك
الأول : هذا دخل جيبي ولم يدخل رأسي
بلد سكانها رقاق " ضعاف " المجاعة بزاف ثم ,دارت حرب مع الماريكان بصح في
كل المعارك كانت هذي الدولة تاع المجاعة تربح , جورج بوش صقصا جنودو العلوج
وعلاش ديما تخسروا مع الشعب الجيعان والضعيف ديما ؟ جاوبو واحد من الضباط :
كي نطلقو عليهم النار يتخباو ورا الكابوس
واحد طويييييل شرب حليب ومبعد مات , علاش ؟ الحليب انتهت مدة صلاحيته قبل ما يوصل لكرشو
الأول : هذا العقار الواسع ورثناه أبا عن جد
الثاني ماذا كان يشتغل جدك , رد الأول : ناهب عقارات
قالك واحد طلع في طيارة , نهار طلعو وخلصوا جات المضيفة قاتلهم من داخ ؟؟
هز هذا السيد يدو قالها أنا عطاتو الدوا , ممبعد شوي زادت جات قاتلهم من
داخ قالها أنا , زادت عطاتو دوا , زاد شوي شوي جات قاتلهم من داخ ؟ قالها
أنا زادت عطاتلو الدوا , المهم وحد العشر مرات حتى مات السيد من الدوا بزاف
, نهار شافو بطاقة التعريف لقاو وسمو منداخ رابح
قالك واحد غلباتو مرتو ديما يغسل المواعن هو , واحد النهار راح لواحد صاحبو
قالو كيفاش ندير معاها قالو روح مزعف واصرخ عليها ضرك تخاف منك , أيا نهار
دخل للدار مزعف بدا يعيط قالها أسمعي يا خيرة ناضت هي ثاني تعيط قاتلو واش
تحب يا حمار قالها كشما مواعين نغسلهم
أيا قالك واحد قتل مرتو , داوه للمحكمة , أيا صقصاه القاضي وعلاش قتلتها ,
قالو راها تخون فيا مع صاحبها , قالو القاضي كيفاش عرفت ؟ قالو شوف بطاقة
التعريف مكتوب فيها " إمضاء صاحبها "
. هذي الحكاية حكاها الرئيس بوتفليقة
وحد السيد قال لبوتفليقة : علاش ما نديروش حاجة في العلم الوطني انتاعنا
كيما في العراق دايرين الله أكبر و في السعودية دايرين لا اله إلا الله ,
قالو بوتفليقة واحنا واش نديرو ؟ قالو نديرو " الله غالب "
واحد كان لابس صباط تاع مليون , طلع في الكار , عفست عليه عجوز , قالها يا الحاجة راكي عافسة على مليون قالتو تاعي وين راها ؟
واحد المعلمة صقصات طفل , قاتلو قول صباط , قالها " هباط " , قاتلوا صباط
ماشي هباط , قالها هباط , قاتلو صباط قالها هباط , المهم قالتول جيب ولي
أمرك , كي جا ولي أمرو قاتلو أنا نقولو صباط وهو يقول هباط قالها : حبيتيه
يقولك هابو (زعمة صابو )
واحد الطفل ديما يروح لحانوت يقولو : عندك ملح ؟ اعطيني سكر . عندك قزوز ؟
أعطيني سعيدة , يصقصيه على حاجة ويدي حاجة أخرى , المهم وحد المرة كان جايز
باباه , عيطلو مول الحانوت قالو : ولدك راه يمرضني , يصقصي على حاجة ويدي
حاجة أخرى , قالو باباه : عندك عصا ؟ قالو ايه , قالو أضربو بكف
واحد كان في مطعم ياكل لقا فار ميت في الشوربة , راه يشكي قالولو مازالك 5 فيران وتربح معانا في الطومبولا
واحد ديما يهز معاه قرلو ميت باش كي يروح للمطعم وياكل يحط القرلو في
الماكلة وممبعد يروح يشكي , يقولو مول المطعم كول باطل وما تبهدلناش , ديما
يدير هكذا , وحد المرة فاق بيه صاحبو قالو أعطيني كشما عندك قرلو ميت ,
قالو مازالي 4 نستقهوا بيهم
واحد يسكن في القرية دا الباك وباه يروح للجامعة خاف
يضحكو عليه قالتلو أمو روح برك النهار اللول يضحكو عليك والنهار الثاني
يضحكو عليك والنهار الثالث توالف وتروحلك العقدة قالها : مالا حتى النهار
الثالث
- قالك مرة واحد ديما تسقسيه صاحبتو: واش
تغديت? يقولها: لوبيا .ديما هكا واحد النهار قالوا صاحبوا: اكذب شوي قولها
تغديت شواء . كليت كفتة . تغديت بيتزا .....
ايا هذاك خدمتلوا قال و
الله عندو الحق . الغدوى هذيك سقساتوا صاحبتوا: واش تغديت ? قالها
:بــيــتــزا قاللتلوا :واش مليحة (بنينة)? قالها : و الله كليت 2 مغارف
شبعت
-قالكم مرة كاين واحد الشايب مريض قريب يموت وهو على الفراش عيط لاولادو باه ينصحهم وقالهم كل واحد يجيب معاه عصا صغيرة
ايا
دارو عليه ولادوا وجابوا معاهم العصي عطا الشايب لواحد من ولادو 2 عصيات
وقالوا كسرهم ايا ولدوا حكم كسرهم زاد عطالو 3 زاد كسرهم وبقى يزيدلوا حتى
وصل
ل 9 عصيات قالوا هاك كسرهم قالك حكمهم الطفل هذاك زاد كسرهم !!!شاف فيهم
باباهم وقالهم: روحوا يا ولادي مدام معاكم الجحش هذا ما نخافش عليكم
******************
-قالك
مرة وحد الراجل متزوج زوج نسا وحدة من ولاية ......ووحدة من ولاية......
وهوما ماشيين طريق طاحتلو السيارة اونبان. نزلت الاولى وقالتلو شوف بالاك
لابوجي بالاك
الموتور بلاك...بالاك..بالاك...قالت الثانية كيفاه هذي
تفهم خيرمني زعما تفهم في كلش راحت للراجل وقالتو ..يا راجل شوف شوف بالاك
نسيت البرمي علابيها
طاحة اومبان.
-قالكم كاين واحد عندو الغنم بزاف بزاف بصح ما يصليش واحد المره جاه الامام
تاع المنطقة نتاعو وقالوا انت لوكان تزيد تصلي الغنم نتاعك يوليو الضعف
مالا هذاك السيد داه الطمع و عاد يصلي باه يزيد العدد نتاع الغنم وكل مرة يصلي يموتلوا
4ولا5والسيد صابر يقول ضرك يزيدو ضرك يزيدو حتى بقى ليه كبش واحد
فات عليه والكبش يقول بع بع بع بع بع بع بع ما حبش يسكت
دار عندو السيد وقالوا :بلع علي فمك تزيد تهدر نصلي عليك 2 ركعات نجيبك
سلامي لكم
( تقرير عن مشاركة سيئة )، و الموجودة أسفل كل مشاركة .
2013-05-30, 19:34
العرض العادي
