الى سكان واد سوف

نيفرتيتي. · 2013-10-18, 23:38

انا سكنت جديدة في واد سوف وحابة نعرف اماكن تكون مليحة حابة نحوس فيها انامالقيتش نروح غير لبلاسة خضرة في طريق تقرت
ممكن دلوني

نيفرتيتي. · 2013-10-19, 09:25

21 مشاهدة ولا رد واحد

رانيا لوك · 2013-10-20, 08:38

للاسف ما كانش وين تحوسي كاين غير السوق وخلاص والبلصة الخظراء نتاع طريق تقرت عادي ما فيها والو انا تجيني ماهيش نتاع تحواس انت وين نتسكني في واد سوف

pomaria_aindefla · 2013-10-20, 10:40

هدا مشكل لبنت الشمال تنزل تسكن في الجنوب او تغير ولاية أنا رحت إلى مدينة من مدن الصحراء لاحظت نقص حتى في المحلات التجارية الله يمون في عونك لأنه كي نكونو وحدنا في بلاد نبغيو نريحو في نهاية الأسبوع إن شاء الله تكتشفي مناظر أخرى

fatma1977 · 2013-10-20, 11:32

للاسف يا أختى الواد ما فيش أماكن للترفيه هذا مشكل بنات الشمال كى يجو للصحراء يصطدمون بالواقع المر نحن أهل المنطقة نروحو غير للكثبان الرملية أو هذه المنطقة الى قلتى عنها فى طريق تقرت إحنا فى الوكاند نروحو زيارات عائلية وخلاص للاسف ربى يعينك ويصبرك كاين واد ريغ فى المرارة بلدية المغير فى جو هايل كيما فى الشمال بحيرة وأشجار وجو طبيعى هائل أ و روحى لمزرعة الضاوية تانى فيها حديقة حيوانات وتلقاى جو رطب كىما الى كنت عايشة فيه لكن نقول للاخت pomaria-aindefla حتى ولايات الشمال زرناها فيها نقص فى المرافق الترفيهية وفى المحلات التجارية تلقاى غير الاشجار والغابة ولا تلقاى الشاطى وفرات هذا المشكل نتاع نقص الترفيه موجود فى كامل الولايات مش كان المدن الصحراوية كيما تقولى

نيفرتيتي. · 2013-10-20, 11:39

اقتباس:

المشاركة الأصلية كتبت بواسطة رانيا لوك

للاسف ما كانش وين تحوسي كاين غير السوق وخلاص والبلصة الخظراء نتاع طريق تقرت عادي ما فيها والو انا تجيني ماهيش نتاع تحواس انت وين نتسكني في واد سوف

شكرا اختي على الرد انا راني في قمار والبلاصة الخضرة ثم يلعبو ولادي برك والسوق تقصدي الشعشاع ولا العشعاش ماتضحكيش عليا رحتله وسموهوليونسيت اسمه

نيفرتيتي. · 2013-10-20, 11:44

اقتباس:

المشاركة الأصلية كتبت بواسطة fatma1977

للاسف يا أختى الواد ما فيش أماكن للترفيه هذا مشكل بنات الشمال كى يجو للصحراء يصطدمون بالواقع المر نحن أهل المنطقة نروحو غير للكثبان الرملية أو هذه المنطقة الى قلتى عنها فى طريق تقرت إحنا فى الوكاند نروحو زيارات عائلية وخلاص للاسف ربى يعينك ويصبرك كاين واد ريغ فى المرارة بلدية المغير فى جو هايل كيما فى الشمال بحيرة وأشجار وجو طبيعى هائل أ و روحى لمزرعة الضاوية تانى فيها حديقة حيوانات وتلقاى جو رطب كىما الى كنت عايشة فيه لكن نقول للاخت pomaria-aindefla حتى ولايات الشمال زرناها فيها نقص فى المرافق الترفيهية وفى المحلات التجارية تلقاى غير الاشجار والغابة ولا تلقاى الشاطى وفرات هذا المشكل نتاع نقص الترفيه موجود فى كامل الولايات مش كان المدن الصحراوية كيما تقولى

انا كنت في بشار وعجبتني وبعد رحت بومرداس لكن انا حبيت نرجع للصحراء شحاااال نحبها وفرحت كي جيت للواد على الاقل قريب لاهلي في تبسة
واد ريغ وين جات
ومزرعة الضاوية وين جت بالضبط
اي بلاصة فيها الباهي والخايب الصحراء يجوها الناس من الخارج وقالولي كاين مركب المهري وين جا و واش فيه ونقدرو نروحولو ولالا

رانيا لوك · 2013-10-20, 15:19

ام دودة راكي نبت بلادي حتى انا من بئر العاتر وعندى حوالي 10 سنوات هنا انا نروح غير لسوق وانت احمدي ربي راكي في قمار انا في قرية الله لا يشوفك ومعرفة خير طريق تقرت فيها وين يلعبو الاولاد با العاب بسيطة

نيفرتيتي. · 2013-10-20, 16:24

قالو كاين ماناج ولا راح يحل جديد ماعلاباللكش بيه وين

pomaria_aindefla · 2013-10-20, 19:13

f للاسف يا أختى الواد ما فيش أماكن للترفيه هذا مشكل بنات الشمال كى يجو للصحراء يصطدمون بالواقع المر نحن أهل المنطقة نروحو غير للكثبان الرملية أو هذه المنطقة الى قلتى عنها فى طريق تقرت إحنا فى الوكاند نروحو زيارات عائلية وخلاص للاسف ربى يعينك ويصبرك كاين واد ريغ فى المرارة بلدية المغير فى جو هايل كيما فى الشمال بحيرة وأشجار وجو طبيعى هائل أ و روحى لمزرعة الضاوية تانى فيها حديقة حيوانات وتلقاى جو رطب كىما الى كنت عايشة فيه لكن نقول للاخت pomaria-aindefla حتى ولايات الشمال زرناها فيها نقص فى المرافق الترفيهية وفى المحلات التجارية تلقاى غير الاشجار والغابة ولا تلقاى الشاطى وفرات هذا المشكل نتاع نقص الترفيه موجود فى كامل الولايات مش كان المدن الصحراوية كيما تقولى

الإجابة

حتى الكثبان الرملية مناظر طبيعية ولايات الشمال إدا لم توجد حديقة مصطنعة يوجد الجبال و الغابة على كل في هده السنوات الأخيرة راهم يديرو حدائق للتسلية ماناج في كل الولايات حيث هده السنة رأيت في الأخبار تدشين ثلاث حدائق واحدة في معسكر و واحدة في تبسة أو برج بوعريريج إن شاء الله المبادرة تعمم في كل الولايات

pomaria_aindefla · 2013-10-20, 19:18

مركب المهري ربما هو فندق في الرابط الموالي يوجد صور لوادي سوف ربما هو مبين هناك الفنادق الفخمة يكون فيهم مسبح ملعب للتنس و مساحات خضراء و قاعات للرياضة و سونا و حمام الجاكوزي

رانيا لوك · 2013-10-20, 20:14

قالو كاين ماناج ولا راح يحل جديد ماعلاباللكش بيه وين

هذا يحبلو عامين او اكثر باش يحل وجاي في طريق تقرت

pomaria_aindefla · 2013-10-20, 20:24

لأي معلومة عن الحدائق أو حفلة ما أو محاضرة الإداعة الجهوية أحسن لكل ما يجري بالولاية

pomaria_aindefla · 2013-10-20, 20:35

https://www.djelfa.info/vb/showthread.php?t=883007
وادي سوف - الوادي - تاريخ وحضارة
ربما يقدم لك نظرة عن هده المدينة

نيفرتيتي. · 2013-10-21, 07:05

طرحت هذا السؤال في منتدى السياحة هنا في منتدى الجلفة لكن هن وقالولي تحوسو في واد سوف هههههههههه انا نحير في اللي يستهزا ببلاده