ابنت خالتي تطلب نصحكم

[عذراء الجبل18]

السلام عليكم ورحمة الله تعالى وبركاته
طلبت مني بنت خالتي نحكيلكم حكايتها باه تنصحوها وتدعيولها
بنت خالتي عمرها 23 سنة تعرفت على واحد في التليفون حكات معاه وحباتو وحبها كيما تقول هيا بعد مدة تلاقاو وعجبو بعضاهم بزاف ومن شدة حبها ليه بدات تسقسي عليه حتان قاتلها وحدة تعرفو بلي هذا السيد صغير في العمر عمرو 18 سنة تفاجأت بنت خالتي وخبراتو بهذا الشي مع الأول نكر مي صارحها وحبها ليه خلاها تتغاضى عن العمر مع انو داخل نفسها رافضة هاذي العلاقة رفضا تاما الى هنا نصل الى المشكل الذي اثر سلبيا على بنت خالتي والمتمثل في انو هذا الطفل يستغل بنت خالتي يقولها محتاج مصاريف اعطيني والمغبونة تمدلو باسم الحب وعاد هذا المخادع يطلب منها كل ما سمحت له الفرصة مرة 400 ألف ومرة 100 ألف ..........., بغض النظر عن الفليكسي كل يوم تفليكسي تعيطلو وهو ذئب استغل حبها ليه مايعيطلها ماوالو , بنت خالتي عمبالها بلي هاذي العلاقة غالطة 100/100 بصح الحب أعمها ربما لأنها أول تجربة لها , نصحناها كثيرا وبعد مرور مدة طويلة استفاقت وعرفت بأنها يجب ان تستأصل هذه العلاقة جذريا فهي الآن في حالة مزرية وتريد النصحة والدعاء
وبارك الله فيكم

[حمدا لله كثير]

الحمد لله كي قطعت العلاقة


لن انساها بالدعاء شكرا

[achwak crazy girl]

[الحمد لله كي قطعت العلاقة هدي كون جى يحبهااا كون ميكدبش عليهااا اون + هيا لي راهي تصرف

[فانيسا]

لازم عليها تقطع هده العلاقة لانها غالطة وتدعي ربي ايعوضها خير منو وربي ايوفقها للخير

[houda_jijel]

ربي يثبتها

[imene12]

الحمد لله انها فاقت لروحها ... ربي يهديها يارب

[maiar]

الحمد لله كي فاقت مع روحها زيد برك تخمم شوية تروحلها هذه الحالة المزرية تاعها فهميها و فطنيها بلي كانت البقرة الحلوب ليه و مايساهلش باه تدهور الحالة تاعها ربي ينورلها طريقها

[ميمي سمية]

يا سبحان الله

قلها الحمد لله كي قطعتي لعلاقة

توبي الى ربي توبة نصوحا واطلبي منو غفرانه ومسامحته لكي وسترك

انا شفت ولاد يفليكسيو للبنات مي جامي شفت العكس !!!!!!!

[naamane3]

اول شيئ الحمد لله الذي أفاقها من غفلتها
ثانيا انت اين كان دورك في النصح
ثالثا وهو الاهم لو ان تلك المبالغ المالية تصدقت بها
لكان خيرا لها من اعطائها لمن يفسدها
واما قولك اول تنجربة الا تعلمين انه ليس في الحب تجارب
الحب مرة واحدة ويكون للزوج
ولما عرفت انه ذر ويلعب بمشاعرها علاش كملت معاه
أخبيريها أن هذا درس لها في الحياة ويحب أن تتعلم منه الكثير
حتي لا تقع في مثله في المستقبل
والله المستعان

[HANANE 1028]

مليح كي فاقتلو هذا راه يستغل فيها مش يحبها ,مع اني مش متشائمة بصح نص الشباب اليوم و اذا ما قلتش الاغلبية راهم يستغو لبنات بشعاار الحب اللي لوثوه ولا الحب = استغلال , من الاحسن انك تقوليلها بلي كاين الخير و جاي النهار و تصيب اللي يحبها و تحبو و من الاحسن يكون زوجها على الاقل تربطهم علاقة شرعية.......تقبلي مروري و راني ندعيلها باه ربي يخفف عليها

[احمد توفيق]

كي قطعت العلاقة
الحمد لله

[nibrasse 76]

الخبزة المطايشة ....من زهر القط ........... من اغضب الله ...سلط عليه أرذل واحقر خلــــــقه ....هذه عدالة الاهية يجب مباركتها ..لا استنكارها

...لانه لو استمرت علاقتهما كما صور لها ابليس ونجحت ...ستصبح هذه القصة والتجربة ...فتنة لكل من تحافظ على نفسها ودينها ...لانها

ستفكر بتقليدها ـــ الغريب فعلا والمكروه بالنسبة لي عندما تنجح علاقات كهذه ـــ باختصار من الجدير بمن يعتبر نفسه كائن عاقل ..ان يفكر

ابعد قليلا من أنفه ...وسيجد كل شيئ واضح ومنطقي تماما .

[الفلة البيضاء]

الحمد لله ربي انقذها من الذئب المخادع