البنات بديتو ولا مزال + وش معولين ان شاء الله

البوسعادية · 2013-07-28, 04:51

السلام عليكم
صح رمضانكم..وصح فطوووووووركم كامل بدون استثناء

قولولي تعيشوا ويكتا معولين تبداو ان شاء الله...انا قلت هاذو الايامات نوجد ونخبيهم ونتهنى
ومنيش معوله نكثر وندير حاجه سامبل برك
معوله ان شاء الله ندير:
* صابلي انتع ام رامي
*شراك انتع قاطو البيمو (نسيت صاحبة الوصفه لكن يبقى الشكر موصول اليها طبعا)
*السياج وقيل للاخت ام رامي
* gateau sec marocain للاخت fella food art
وربي ورحمتوا ...

وكشما عندكم وصفات اسهل من هاذي مذابيكم ههههههههههه

وانتم وش عولتوا ان شاء الله ؟؟
نستنى في ردودكم
ايا البنات

راني لقيت رابط انتع شراك اليمو للاخت حلم جميل..ربي يحفظها
https://www.djelfa.info/vb/showthread.php?t=697708

oum tesnime · 2013-07-28, 08:25

أختي المشيمشات تاع أم رامي تاني ساهل

تشاراك الترك والبيمو هو لفلة جازاها الله كل خير

aya blida · 2013-07-28, 10:06

salamo ellah
madha bikom ta3etouna wach 3aweltou b le lien hakda bach nchoufou
merci

besbes · 2013-07-28, 10:22

الوصفات كثيرة في منتدانا الغالي راني نخمم ونعاود الله يعطيكم الصحة

nourgirl1 · 2013-07-28, 10:27

ممكن تحطولنا روابط لهذه الوصفات المذكورة وشكرا

ساندي 28 · 2013-07-28, 10:58

اهلا حبيبتى البوسعاديه واش راكي انا والله مزال مخممتش حتى انا ندير حاجه سامبل ومنكترش كيما الاعياد الي فاتو لانو مكانش الوقت ومع تعب منضنش نكثر واكيد راح نختار وصفات من حراير الجلفه العزيزات

نبيلة 81 · 2013-07-28, 11:13

صح رمضانكم أخواتي

ماذا بيكم تحطولنا الوصفة تاع " تشاراك البيمو" مشكوريييييييييييييييييييييين

للأسف أنا ما شفتوش ويهرلي مادام فيه البيمو يخرج بنين

*ثزيري* · 2013-07-28, 11:22

انا مازال بانتظار ما يمكن ان يكون الجديد من الفحلات ديالنا

وشكرا

همسة مشاعر · 2013-07-28, 11:27

السلام عليكم
انا مزلت بالنسبة للمقادير عندي شويا زبدة وسكر ونشاء ,,,,,,,,,,,,,,,,,ونكمل لناقصني
انا منيش حابة نكثر لكن مزلت مقررتش بلاك نعمل لصابلي وقريوشة ونوع اخر برك
احنا يجونا ضياف بالزاف لازم ثلاثة انواع وزيد راجلي يجي ورى العيد لازمو قاطو سبيسيال ربي يسهل برك

ملكة النت · 2013-07-28, 11:41

الأحسن الواحد يبدا بكري شويه ويتهنا لأنو العيد قرب والأعمال كثييييييييييييييييييره غير تحضير الحلوى كاين بزاف صوالح أنا ممكن نبدا غدوة الحلوى ونتهنا وكيما قلتي 3 او 4 انواع سانبل فيها باراكه

أنواار الإيماان · 2013-07-28, 11:48

انا معولة ان شاء الله اليوم نشري اللوازم اذا قدرت مع السخانة هههههه
وبين ما نوجد ونحمص ونرحي و و و ........راح نبدا ان شاء الله

Angleeyes · 2013-07-28, 11:53

انا ناوية ندير التشاراك بيانسير بويسك نموت عليه صابلي بالشكلاطة و اللمبوط خويا الصغير يحبو و مودال طبقات كاين في الكتاب نتاع بنبريم و بالاك نزيد قاطو القطيفة.

أم محمد تاج · 2013-07-28, 12:01

سلالالالالالالالالالام حنونة والله أنا مازلت ماقررتش كي نقرر نحطلك واش قررت
والله يحفظك حطيلنا الروابط تاع لي قاطو لي رايحة ديريهم والشكر ليك

غيداق · 2013-07-28, 12:17

السلام عليكم صح رمضانكم واش يا لبنات راني قريت الردود وما ليقتش عمي المقروض حاضر في اقتراحاتكم ههههههههههههه رايح يزعف منكم المهم انا اليوم قلت لراجلي يجبلي الغرس باش ندير المقروض اول حاجة حنا ما يخطيناش خلاااااااااااااااااااااااااص واكيد الغريبية ثم حلوى القطيفة راجلي وابني يموتو عليه و نزيد انشاء الله قاطو البابيونة ومعاه des Carrés à l'orange نتاع الاخت sarssoura 28 عجبني وحابة نجربو انشاء الله وانا من العادة كيما نخلص لي قاطو اللي مقررتهم نروح نلم واش بقالي من المواد ونزيد قاطو اخير دايما يكون اقتصادي على حساب واش قعدلي من المواد ربي يسهلنا ويعاونا يا ربي اشغال الايام الاخيرة نتاع رمضان جد متعبة مع الصيام والعبادة والفطور وزيدي لي قاطو وزيدي النيتواياج نتاع العيد راهو يكون سبيسيال ربي يعين الكل وصح فطوركم

جيهان86 · 2013-07-28, 12:45

هذي المرة قلت ندير مقروط هذا مكان ونكمل نختم قراءة القران مش كل عام نكثر انواع القاطو والقاطو مش راح يعتقني من الناراوراكم تعرفو الهرج تاعو من طياب وقلاصاج وديكور وشيكولة وهم كبير ........انا هذا هو قراري الاخير شكون معايا