الزواج ام لا

[مشكلتي]

السلام عليكم
مشكلتي تخوفني تارقني فانا لا انام و لا اعمل جيدا
طول اليوم افكر لدرجة صرت لا احس لا ببرد و لا بحرارة و لا نعاس و لا جوع و لا اي شيء
انا مخطوبة منذ 2010 الي شاب يكبرني ب 3 سنين
هو يعمل في شركة عمومية مترسم و له بيت (سكن وظيفي)
و لكن مع كل هته الامتيازات و راتب 46000 دينار جزائري
لم يستطع ان يتزوجني و هو بدا العمل من 2010
كل عام يقولي العام المقبل اعرف انو يصرف اكثر من 15000 ديتلر جزائري على والديه مع انهم مش محتاجين هو يخدم و ابوه يخدم و اختو تخدم و هم اخا و اخت فقط
انا صرت لا اتحمل ان ابقى مخطوبة كل هذا الوقت
المشكلة انو اهلو جاو و طلبو موعد باش يديرو الفاتحة و الدفوع (الصداق)
و لكن لم يحددو موعدا للعرس و كل ما تقوله امه العام الجاي العرس
هل افتح ام لا ؟
اريد ان اعرف ما مدى خطورة قراءة الفاتحة مع رجل كهذا راني خايفة يفتح و اومبعد ما يتزوجش نولي ماني عازبة ماني متزوجة
في هته الحالة هل يحقلي الطلاق ؟؟؟؟؟؟؟؟؟؟
و اذا رفض الطلاق و هرب و لا اختفى و لا مانيش عارف هل في هته الحالة الامام يقدر يحكملي بطلاق غيابي و لا لا

اريد انكم تورولي كامل التجارب الي فاتت عليكم كيما حالتي

[* الحلم سكر *]

بالله عليك أختي رجل لا ترتاحين اليه و لا تثقين فيه لهذه الدرجة كيف ستكونين زوجته ؟؟؟؟
هذا ما استشعرته بكلامك
جاوبي روحك أختي هل انتي مرتاحة معاه و الا خايفة منو ؟
قادرة تستمري معاه و يكونلك الرجل لي تعتمدي عليه و تحطي حياتك بين يديه و الا مــعاه و خايفة و دايرة حــساب للمستقبل ؟؟
اسمحيلي اختي هادو الاحاسيس الزوج ما يمشوش مع بعضاهم ...

بالاك تبانلك خرجت على سؤالك لكن صدقيني أنا حسيت الخوف بكلامك غلب على اي حاجة

بكل الحالات افهمي روحك و ضعي النقاط كاملة على الحروف و أنا رأيي الشخصي بحكايتك او غيرها العقد و كلشي نفضل يكونو مع بعضاهم

ربي معاك وز يسرلك طريق الخير و يفرحك و يهدي بالك يا رب

[saadi-2008]

////////////////////////////////////////////////

[FellaD]

اختي نتي راكي مقلقة بزاف.
او انا شفت نصف بنات الجزائر تزوجوا كيما نتيا او ماشي لازم تفتحي الفاتحة من الاحسن تكون سمانة قبل العرس
اما بالنسبة لموضوعك صلي صلاة الاستخارة او ربي يسهلك ان شاء الله مدام قلتي بدا خدمة ف 2010 او الا راه حاب يزوج روحو ب روحو سي نورمال ميلحقش في ثلاثة سنين

اذا شفتي وضع ديالك مشكلة كبيرة عالجيه ب مجموعة من الاسئلة

( لماذا ما هو مشكل متى بدأ من هو المتسبب ما هو الحل الانسب ما هو الاحتمال الخ ). هذه الطريقة من طرف خبراء علم النقفس

ربي يهنيك تقبلي مروري

[العهد الرائع]

صباخ الخير
اختي ما تفتحيش ’ واش يضمنلك في الاخير واش يصرا

[بلسم غرام2018]

والله عليك بالاستخارة

[أمة الله 12]

ردي بالك, العقد قبل العرس بأسبوع

و اذا حابين يعقدو, قولي لولي أمرك يشرط عليهم يحددو موعد العرس أيضا

غير هكا ما تقبليش

[اسعى لرضى الله]

اختي قولي للوالد تاعك يحكي معاه ويتزوجو راح تقعدو حياتكم مخطوبين هاي متصلحش

[الجزائرية 1995]

السلام عليكم
ردي باااااالك تعقدي الآن إذا متفاهمتوش راح تولي مطلقة اعقدي اسبوع قلب العرس وننصحك تقراي موضوع في قسم المجتمع اسمه متزوجات مع وقف التنفيذ را ح يفيدك بزااااااف رب معاك ومتسرعي في حتى حاجة السلام

[الرڨيڨ]

المشاركة الأصلية كتبت بواسطة saadi-2008

عليكم السلام
اين الولي من كل هذا
على وليك اي يضع النقاط على الحروف وتحديد الموعد قبل العقد
والعقد لا بد ان يكون في البلدية لضمان حقوقك

بارك الله فيك لهذه الاسباب جعل الله للمراة وليا يدافع عن حقوقها اجعلي اباك يحسم الامر يا اختي و صلي استخارة لا تدخلي في زواج انت لست مرتاحة له(نصيحة)

[فانيسا]

يا اختي كفاه انت مازال مفتحتيش وانت تخممي في كيفية الطلاق من درك ادا كنت خايفة منو مكلاه تربطي روحك بالفاتحة وشوفي داركم ايهدرو معاه و مع مواليه ويتفاهم على العرس كما ايقولو هدرت رجال ربي ايوفقك

[أسامة الزمالة]

بالله عليك أختي رجل لا ترتاحين اليه و لا تثقين فيه لهذه الدرجة كيف ستكونين زوجته

[محمد جديدي التبسي]

على وليك أن يضع النقاط على الحروف مع خطيبك
يجب تحديد موعد العرس وفترة الخطبة طالت أكثر مما ينبغي وراني حاير كيفاه صابرة وهو مقتدر وما عندو حتى مشكل نظن
ربي يسر أموركم ..

[لآلئ السّلف]

السلام عليكم ورحمة الله وبركاته
أنصحك أن لا تتعجلي بأيّ خطوة، حتى تعرفي السبب الذي جعله يتأخر كل هذا الوقت، مع احتمالك كل التوقعات لأن يُسر الحال ليس هو دائما الركيزة الأساسية للزواج، فلربما تعترضه عوائق صحية أو نفسية، أو ربما يريد تأمين شيء آخر لنفسه
ولا تحاولي أنت معرفة السبب بل على وليّك أن يقوم بهذا الأمر، وإن علم أن التأخير لا يحمل وراءه سببا مقنعًا فأعيدي النظر في الأمر واستخيري ربك واستشيري أولي الخبرة ممن تثقين بهم،
يسر الله أمرك

[raja2388]

اختي ما تقدريش تربطي نفسك بفاتحة و عقد قبل ما تكوني على الاقل واثقة فيه مستحيييييييييييييييييل