مشكلتي .....

مشكلتي · 2013-06-16, 08:14

السلام عليكم ورحمة الله وبركاته

تعرفت على شاب منذ حوالي 3 سنوات وهو يكبرني بعام فقط يعني 24 سنة وانا 23سنة

هو شاب متدين ومتخلق ولم نلتقي كثيرا باختيار منا للابتعاد عن ما يغضب الله

احيانا نتكلم في الهاتف او في الامسن

هو وعدني انه ما ان يجد عمل سوف يتقدم لخطبتي وانتم تعلمون حال الشباب الان والبطالة مع العلم للان لم يجد عمل وهو حبس قرايتو وانا وعدته لاني والله حبيتو من قلبي ودار معايا بزاف مواقف بينولي المعدن تاعه

الان الكثير من صديقاتي نصحنني بالابتعاد عليه لان ليس هناك امل في زواجنا لانه يكبرني بسنة فقط وللان لم يكون نفسه يعني ليس مستعدا للزواج يعني قالولي راح يطول عليك وواش يضمن انو تزوجو

انا قلتلهم الرازق هو ربي مش معناها كيعاد يكبرني بعام راح نتخلى عليه لاني مستحيل نلقا راجل كيفه خاصة انو متدين ومتخلق ويحشم فيه بزاف صفات مشتهاش في غيره وانا كي وعدته مستحيل نكسر قلبو ونخلف وعدي

وانتوما واش رايكم ؟

مع العلم اني متاكدة مية بالمية مش يتمسخر بيا كي وعدني راح يوفي

lynoor · 2013-06-16, 08:58

ان شاء الله بجي يخطبك

oum tesnime · 2013-06-16, 09:36

أختي 24 سنة مازالوو صغير

عقليتوو مازال راح تتبدل

ونتي مادابيك ماديرش على الوعود الكدابة لي هي سباب الكتير من حالات العنوسة

يبقى يوعد و نت تستني حتى يفوتك قطار الزواج

لو تقدم لك احدهم غير تزوجي وشوفي حياتك هادي نصيحتي ليك ...لأنوو الحب عمروو ما يبني الديار

123boutheina · 2013-06-16, 09:48

والله اغلب مشاكل هذا القسم اصبحت تصيبني بإحباط كبــــــــــــــــير
المهم
الغالية من ترك شيئا لله عوضه الله خيرا

و حسب ما طرحتي بدوتي لي :
انسانه عاطفيه تتاثر بكلمات الحب بسهوله
برائتك الزائدة وحسن ظنك الكبير بهذا الشاب

والان اسمحي لي أن أعقب على كلام منك إستوقفني :
تعرفتِ ع شاب متدين ومتخلق ؟؟ كلام متناقض
مواقف بينت معدنه ؟؟ مثل ماذا ؟؟ لان افضل موقف يبين معدنه لو قال الفراق الى ان يأذن الله
متيقنه مئه بالمئه ؟؟ متيقنه بغريب ؟؟ انا اختك ونقولك لا تتعلقي بحبال الهواء وتخلي قلبك يعميكِ
فاول ما يخطو لبيتكم فقط حينها تيقني بالذي تريدين وإدعي علي كما شئتي
أما الان و لو اقسم لك بكل انواع القسم اظن التحفظ يكون افضل لك وله

افضل حل توقفي واقلعي عن هذه العلاقه فورا
كأن ترسلي له رساله
تكون مثلا في سياق التالي قال يا ابن الحلال
انت تعرفني وتعرف اهلي وانا لحد الساعه عند كلامي
اول ما تجهز وتكون قادر راح تسبقك موافقتي
اما في الوقت الحالي يؤسفني ان يكون ما بيننا مخالف
والي يؤسفني اكثر اننا نعلم ونتمادى
ولاني احبك راح ابعد عليك هذه الايام لحين خطوبتنا
وفقك الله

ماذا لو غضب مني وقطع علاقته بي ؟ هذا معناه انه كان يتلاعب بك يالخبله من البدايه
ماذا لو اصر يكمل العلاقه ؟ اكون انا اكثر اصرار بقطعها لاني اعلم ان في ذلك خيرا له ولي
ماذا لو خطبني بعدها ؟ لو خطبك يا اختي حلال عليك ان تدعي علي كما شئتي (ههه)

والله اعلم
وفقكِ الله

˙·● بَــدْرَآلَدِّيــــنّ ●·˙ · 2013-06-16, 10:30

و عليــكم السلام و رحمـــة الله تعــالى و بركــاته ... امــا بعــد اختــي .... انتـــي في موقــف صعب قليلا ... اخــطات عند اعطـــائــك الوعــد ... لقــد تسرعـــت ... انــا انصحــك ان تعطيــه مهــلة لكــي يجــد عمــلا ... و بمــا انــه شــاب متديــن ... و خـــلوق -حسبــك- اعطيــه مهلــة و سيــجد عملا لا محـــالة ... لان الله هــو الرزاق عــلى كــل حــال ... عمــومــا انت يــا اختــي لازلت صغيــرة ... و لكــن لا تدعــي ذلك الوعد يكبــرك ... تقبــلي مروري

الفاتحة · 2013-06-16, 11:05

مليح بزاااااااااااااف أنك تعرفي ربي هو الرزاق ، ايمالا يا ختي اعرفي تاني انو ربي راه غاضب عليك لأنو علاقتك محرمة وغير شرعية ، وأكيد أنكط تعرفي أنو ربي تواب وغفور ويحب عبده إذا رجع للطريق يعني اتقي الله في روحك وتوبي الي الله من هاذي العلاقة الغير الشرعية...
الحل بسيط وفي نفس الوقت حلال وشرعي ، يأتي هذا الشخص يخطبك وتقرأ الفاتحة ، يعني يصبح حلالك ، وتهدري معاه كيما تحبي وتشتي، ودام انت باغيتو ياختي ماتلزميهش بحتى شئ من امور الخطبة حتى تفرج عليه ويلقى خدمة إن شاء الله عاجلا غير آجل وإذا انت ماتقدريش تخطي هذه الخطوة الرسمية أو هو مايقدرش يدير هاذي الخطوة ، فشوفي روحك في بلاصة أخرى مع واحد يدق باب الدار بالحلال وقدام الناس الكل ماشي متخبي وراء الهاتف والمسن كيما تقولي...

أما تحكمي العصا من الوسط وتقولي نبغيه وهو ناويني للحلال وظروفو ماتسمحش فهذا تمسخير وتجاوز شرعي ومحرمات لا يرضاها خالقك ، والله الموفق

آنثى آلمطر · 2013-06-16, 11:08

ربي يسهلك حنونتي
والرزق على الله
انت تعرفي لراه يتمسخر ولا يحكي الحق
نطلب من الله ان يجمعكما

وثانية حبكما طاهر
سلام

lynoor · 2013-06-16, 11:10

نورمالمون الراجل ما يوعدش بنات الناس و هو ما راهوش واجد يعني يسبقو يلقاو مرا ومن بعد يحصلو كيفاش يديرو هو يقوللها ما زال ما وجدتش روحي و انتم علابالكم مليح التوجاد في بلادنا يطول ...وهي تقولو ما نفدرش نستناك و راهم يجوني عروض زواج ....من بعد كي تخليه و تتزوج غيرو يقولك اللي نحبها خانتني ومن بعد هو يتعقد ويولي يشوف البنات خداعات و ماديات ..........شفتو الحالة كي راها ماشية كارثة
يا وليد الناس دير التاويل من بعد حوس على بنت الحلال
هذا رايي ولا اقصد احدا معينا

salsila · 2013-06-16, 19:48

24 ماهوش صغير وعلاش نتاع بري كانو يتزوجو في 19 و 20 سنة
اختي انصحك بالصلاة والدعاء والاكثار من الاستغفار وهو كدلك انصحيه ان يكثر من الاستغفار وربي يجمع بيناتكم في الحلال وفي اقرب وقت ان شاء الله

محمد جديدي التبسي · 2013-06-16, 20:13

ما بُني على باطل فهو باطل
أخبريه أن يأت لخطبتك الآن وفورا أو اقطعي علاقتك به
لا داعي لاختلاق الأعذار فهذه طرق الشيطان ربي يهديكم

بين الحقيقة و السراب · 2013-06-17, 15:01

اقتباس:

المشاركة الأصلية كتبت بواسطة 123boutheina

والله اغلب مشاكل هذا القسم اصبحت تصيبني بإحباط كبــــــــــــــــير
المهم
الغالية من ترك شيئا لله عوضه الله خيرا

و حسب ما طرحتي بدوتي لي :
انسانه عاطفيه تتاثر بكلمات الحب بسهوله
برائتك الزائدة وحسن ظنك الكبير بهذا الشاب

والان اسمحي لي أن أعقب على كلام منك إستوقفني :
تعرفتِ على شاب متدين ومتخلق ؟؟ كلام متناقض
مواقف بينت معدنه ؟؟ مثل ماذا ؟؟ لان افضل موقف يبين معدنه لو قال الفراق الى ان يأذن الله
متيقنه مئه بالمئه ؟؟ متيقنه بغريب ؟؟ انا اختك ونقولك لا تتعلقي بحبال الهواء وتخلي قلبك يعميكِ
فاول ما يخطو لبيتكم فقط حينها تيقني بالذي تريدين وإدعي علي كما شئتي
أما الان و لو اقسم لك بكل انواع القسم اظن التحفظ يكون افضل لك وله

افضل حلّ توقفي واقلعي عن هذه العلاقه فورا
كأن ترسلي له رساله
تكون مثلا في سياق التالي قال يا ابن الحلال
انت تعرفني وتعرف اهلي وانا لحد الساعه عند كلامي
اول ما تجهز وتكون قادر راح تسبقك موافقتي
اما في الوقت الحالي يؤسفني ان يكون ما بيننا مخالف
والي يؤسفني اكثر اننا نعلم ونتمادى
ولاني احبك راح ابعد عليك هذه الايام لحين خطوبتنا
وفقك الله

ماذا لو غضب مني وقطع علاقته بي ؟ هذا معناه انه كان يتلاعب بك يالخبله من البدايه
ماذا لو اصر يكمل العلاقه ؟ اكون انا اكثر اصرار بقطعها لاني اعلم ان في ذلك خيرا له ولي
ماذا لو خطبني بعدها ؟ لو خطبك يا اختي حلال عليك ان تدعي علي كما شئتي (ههه)

والله اعلم
وفقكِ الله

السّلام عليكم و رحمة الله

[ و نفس الأمر جعلني أهجر هذا القسم ، و أسباب أخرى قد نأتي على ذكرها يوما ..
و لا ننفي انّ هناك مواضيع - مشاكل - تستحقّ التّدخل أو على الأقل الاستفادة من تدخّلات الإخوة ]

ثمّ ، يؤسفني أنّ البعض لا يعتبر و لا يتّعظ من بعض المشاكل المطروحة هنا !!!

و رأيي من رأيكِ ..

و الله أعلى و أعلم

Assouma 93 · 2013-06-17, 15:09

si vs etes sur balli mahouch yfawat bik lwa9t sobri m3ah w Rabi y3awdak nclh

trezel14 · 2013-06-17, 15:13

اخت تفاعلى الخير وتاكدى ان حياتك التى بنيتها معه لا يوجد فيها كذب فتزوجى منه وربي يسهل انشاء الله هذاه فرصتك الوحيدة

ام نسمة · 2013-06-20, 22:46

انا عندي صاحبتي اتزوجت مع زميل كان يدرس معانا في نفس الثانوية اصغر منها بسنة وراهم سعيدين وتزوجو قبل ما ينهو دراستهم عادي .....................لازم تكافحي معاه وتوقفي معاه ماتفرطيش فيه اذا كنتي متاكدة من حبو ليك

wafa16 · 2013-06-21, 11:55

واش اللي ياكدلك صدق نيتو الشاب في العشرين غير الرجل في الثلاثين الانسان يتبدل و يتغير مع الوقت و ادا ما كنتيش واقفة على ارضية صلبة تطفر غير فيك تخافي تستنايه و تضيعي الفرص
امبعد يقولك ما عدتيش توالميني و يما خطبتلي و حدة من لافامي .............و الا يدير خطوة امبعد يجبد روحو
ديري عقلك في راسك عيشي حياتك عادي و ادا جاك اللي يستاهل سواء هو او غيره وافقي