ظاهرة جزائرية خطيرة

[samir.sami]

هذا موضوع للنقاش فساهموا بأرائكم واستطلاعاتكم.

تروح تخطب باش تتزوج اذا عندك سكنة

تروح ايدير طلب سكن اذا راك متزوج.

شارك في الاستطلاع اذا صراتلك نعم واذا ما صراتلك قول لا

[* الحلم سكر *]

الــدولــة مـا راحــش تتـــنازل عــلى شـــرطــها امـــالا الخــطيــبة هي اللي لازم تتــنازل
** هذا رايي مع انو السؤال خاص للذكور اذا مرو بهذا اولا ***
ربي يوفق الـجميع ... ســــلام

[أم معاذ أم معاذ]

مانظنش اللي راح تخطبها راح تشرط عليك عقد السكن
فقط تشرط عليك السكن بمعنى يا مرا راح نسكنك وحده درك و لا من بعد
المهم تكون راجل و عند كلمتك
ه\ا رأيي

[samir.sami]

لما نرى أراء كثيرة ندخل في النقاش بكل شفافية.

[الوليـــــد]

صيغة السؤال كارثيــــــــــة .

[samir.sami]

أخي الوليد شكرا على تدخلك لكن ظواهر كهذه لا تهم صيغة السؤال لأن الحال والحالة اللي راه فيها الزوالي هي في ذاتها علامة إستفهام؟

أو ماذا تقصد؟

[نايفز55]

وناس راه تتزواج على جال سكن ومن بعد يطلقوا ويروح يكي هذيك سكنة ؟؟؟؟؟

شعب لا يستحق شيئ يستهلوا والله غير يستهلوا غير تحراميت و نفاق

اذا ربي يزدهم هم على هم............

[عين الصقر]

إذا كان هذا ضرورة , يتزوج ويستأجر شقة ويدفع ملف للإستفادة من سكن
الأغلبية يعيشو مع والديهم

[samir.sami]

الزوالي والديه يسكنوا في اف2 أو أف3 ،الناس اللي حكى عليهم نايفز هاذوك صحاب الرشاوي ،والأخ نيافز راك تزوجت وكريت وعندك دخل بسيط والزوجة ديالك ما راهيش خدامة (موضوع خاص) والأولاد يكبروا ,اعباء المصاريف والكريدي تزداد ، الله يرعاهم لكن الدين في الرقبة.
هناك حل يساعد الدولة والمواطن الزوالي وهو دعم السكنات الاجتماعية الريفية حيث يكون دخله أقل من 15000.00 باش ما يكونش فيها أصحاب المال الي ياخذو حق الغير ، مع عقد الزواج وتوفير الأمن والخدمات في الأرياف أنا يظهر لي مشروع ناجح بكل المقاييس،يا ترى كيف كان الريف قبل سنوات التسعينات؟

[diyaa2013dz]

ماطلبوش عليا السكن وحدي بالعكس حبو ابنتهم تسكن في بيت العائلة لانها تربات في بيت عائلتها الكبيرة

[ايوب ب]

عجبني هدا الموضوع وحبيت نشارك فيه انا متزوجة عندي 3 سنوات اعيش في بيت عرب قرمود يعني اكيد فهمتوني انا كنت نعرف كل ضروف زوجي ومشرتش بيت وحدي خلاص رغم انو ولديه لباس بيهم وعندهم طاج فارغ الا انهم رفضو باه نروحو نعيشو معاهم يرحم باباك هدا ضلم ولا لالا

[ايوب ب]

نقولك حاجة مكنش كيما الواحد يعيش وحدو خير انت ما تخسر ولديك مشي تجي من الخدمة يبدا تكسار الراس اي درتلي هك ودرتلي هك

[samir.sami]

أنا ما رانيش نكتب نقمة في الشعب نكتب Franchement في الدولة
ونحن أمة رسولنا الكريم صلى الله عليه وسلم ونقتدي به .
وهذا دليل من قوله عليه الصلاة والسلام

عن نافع بن عبد الحارث أن النبي صلى الله عليه وسلم قال:

" من سعادة المرء المسلم المسكن الواسع والجار الصالح والمركب الهنىء"

وعن سعد بن أبي وقاص رضي الله عنه قال: قال رسول الله:

"من السعادة المرأة الصالحة والمنزل الواسع والمركب الهنيء"

[رحيق القلوب]

السلام عليكم
صحيح هدا المشكل يعد من المشاكل المستعصية