مشكلتي

[مشكلتي]

السلام عليكم
شكرا لكل من سيشاركني و ينصحني والله مجروحة و قلبي مفتفت لداخل انصحوني
ساكن في فؤادي رجل باتم معنى الكلمة وعدني بازواج و كلم الوالدة نتاعو و هي كلمة امي لكم حاجة رسمي مزال مدرناش حتى يروح بحكم انو يعمل في الصحراء يروح شهرين باش يروح، و المشكل انو مايعبرش على لي في قلبو لا في الفرحة و لا في الغضب بارد معي مانحسوش يبغيني كيما انا نبغيه صبرت معاه كان يحكي مع البنات في الهاتف و في النت و كي نسقسيه يقولي صح و الحمد لله قدرت نبدلو خلى كامل هذوا الحوايج، لكن هو يجرحني بكلامو مرة يقولي مانيش قادر نزوج بيك نخاف نغبنك لاخاطر راني ديما في الصحراء و مرة يقولي راني مانستهلكش و مرة احنا محناش على نفس الموجة مانقدروش نتفاهمو كلام كي نسمعوا نموت 1000 مرة و نبلعو و نروح نعيطلو و نرضيه و هو لي غالط ، اذا صرا مشكل صغييييييير يقولي انا كرهت انا ديقوتيت و هذي ماهيش معيشة و و و كلام يقتلني صبرت معاه في حوايج اكبر من هذي التفهات و عمري لا قتلو كرهت لكن هو ديما هذي الكلمة في فومو، واش فيها اذا تغير عليه ، و واش فيها اذا نتقلق عليه و واش فيها اذا يغيظني الحال كي مايحوسش عليا ساعفتو فوق الحد و الان صبري خلص و مانيش حابة ندبر قرار و نروح نخليه نضرو و نضر نفسي انصحوني والله راني مخنوقا

[/زهرة عصفور الجنة/]

أختي وواش فيها اذا ما حطيتيش عقلك في راسك وتعرفي بلي راكي غالطة بزاف
أختي انت في علاقة محرمة بالله عليكي ماذا تنتظرين من هكذا رجل
لو أرادكي للزواج لكان قد تزوج بك
مالذي يصده
واضح وضوح الشمس ان يتلاعب بكي
هذا ليس حتى بخطيب لك
يهينك ويتخلق لكي الاسباب
ويذلك
اختي كلمة واحدة اقولها لكي توبي الى الله وان اتصل بك صارحيه ان اراد خطبتكي رسميا فأهلا وسهلا وان رفض فأنصحكي ان تنسيه

[أمة الله 12]

باينة اختي قيمتيه فوق الحق و اعطتيه أكثر ما يستحق و كثرتي عليه حتى تخنق

نصيحة اجبدي روحك و ارجعي لربي

اذا عينو فيك يجيك من الباب

[جواد رامي]

أختي الكريمة...
الحديث عندما يكون نابعا عن تجربة سيكون له طعم أفضل...
الحب معناه أن يكون الحبيب في أفضل حال...وبالطريقة التي تحافظ على سلامة الطرفين فلا يمكن أن نتخيل أن من يحبنا حريص على سلامتنا وهو ذاته يطلب منا أمورا تجعلنا في حالة شك وريبة في نوايا هذا الحبيب...
لا يتستر أو يتخفى الإنسان إلا إذا كان يفعل أشياء توحي بالنوايا السيئة أو مخالفة للآداب العامة التي أوصى بها كل ذي عقل سليم ولا أحسب أن رجلا في العالم له عقل مثل عقل النبي صلى الله عليه وسلم فما نهانا عن شيء إلا لحكمة نعلمها أو لا نعلمها لاأحد يحبنا مثل النبي صلى الله عليه وسلم....أجيبيني بصدق ألم تتمني يوما أن يكون النبي صلى عليه وسلم حيا معنا في هذا الزمان بل وفي مدينتنا بل وفي حينا بل أكثر من ذلك..ألم تتمني أن يكون في مكان والدك أو أخيك.....ألم تتمني أن يكون زوجا لك....لأنه لا أحد سيحبك مثله...ولكن بما أن هذا الأمر مستحيل....تذكري فقط نصائحه وأوامره ونواهيه وأخلاقه مع الناس ومع زوجاته....ليس لنا حبيب نحن كرجال أو نساء مثل النبي محمد صلى الله عليه وسلم.....لأنه دائما وأبدا فكر في سلامتنا في كل زمان ومكان....لأنه ترك لنا دينا ومنهاجا حياتيا ...ولا أروع ...ولا أجمل منه....أختي قد جربت بعض هذه الأمور...وقد أدركت أن الحب شيء عظيم وطاهر ومقدس ولا يمكن أن يتوفر إلا بطريقة شريفة وطاهرة ومقدسة....لو كان هذا الحبيب رجلا حقيقيا ويستهل الحب والتضحية من أجله لما تردد في المجيء إلى المنزل وطلب يدك من أهلك....ربما كان فقيرا ....الفقر ليس عيبا....العيب أن نعوض ذلك الحرمان العاطفي كما نتخيله بأمور نتائجها وعواقبها سيئة....المهم مهما كانت أسبابه لا بد عليه أن يواجه ولا يتهرب ....أجل....اليوم ربما ستقولين بأنك تعلقت به...لأن قلبك وقلب أي إنسان من المفروض أن يتعلق بخالق الناس وخالق كل شيء لا بالمخلوقات....صدقيني يا أختي.....يجب أن تفكري في ذاتك وفي نفسك هل أنت من أحباب الله....إذا كنت من أحباب الله تعلقي بالله...واعلمي أن الله لن يضيعك.....الله هو الذي أوجدك وأخرجك إلى هذه الحياة....ولم يضيعك لحظة واحدة....فهل إذا كبرت وأوصلك الله إلى هذه الدرجة من الفهم والنضج والوعي تتنكرين لخالق الوجود الذي لولاه لما وصلت إلى ما وصلت إليه......لا تستغربي حديث الفتيات اليوم عن المعقدة والمتفتحة...بصراحة هن وقعن في شباك الشيطان فزين لهن أعمالهن وجعلهن حججا وأدلة يستدل بها ليقنع الصالحات والصالحين من شباب اليوم بالرذيلة...إعلمي أن الله يحبك دائما....فقدري هذا الحب...ولا تتهربي من طريق الصلاح...لأنك في النهاية محتاجة إلى الله وراجعة إليه....فبأي وجه ستقابلينه.....الحياء شعبة من الإيمان وكله خير....والحياء يكون من الله وليس من عباد الله الضعفاء....ركعات في جوف الليل تتوصلين بها إلى محبة الله...سيختار لك الأفضل الذي يكون مناسبا لك واعلمي دائما أن الرجل يجب أن يكون رجلا في كل الأحوال ويتقدم ويواجه الناس ويواجه أهلك أما غيره فليس رجلا ولا خير فيه....أرجو من الله أن يثبتنا على محبته وأن يرزقنا أبناء أمتنا أزواجا وزوجات من الصالحين....آسف على الإطالة

[basma09]

اختي الله يهديك برك
و اسمحيلي ويدا راح نقلك كلام يجرحك مي هذا كي راح تخليه ماراحش ينضر هو باسكو ماهوش كامل سامع بيك حنونة و اصلا راكي تقولي بلي يهدر معا لبنات و يقولك ايه ماكانش منها تبدل اللي طبعو هكاك يبقي هكاك انت صح تنضري ملول مي مبعد يجي وقت تبداي تقولي الحمد لله حال خير من حال ضرك خير من ممبعد لويخطبك ومبعد يقلك نحبسو
ديري فبالك هذا من درك راه يقلك مانيش قادر نزوج بيك نخاف نغبنك لاخاطر راني ديما في الصحراء و مرة يقولي راني مانستهلكش و مرة احنا محناش على نفس الموجة مانقدروش نتفاهمو يعني ماعندوش النية اصلا باه يكون معاك و سمحيلي باه كاش واحد يكون حاب وحدة فالحلال يدير المستحيل باه يديها
انا نصيحتي ليك خليك منو لاخاطر مايستاهلش الحب تاعك و الوفاء تاعك حنونة وماتنسايش صلاة الاستخارة ماتنسايش تصليها و مبعد اقطعي العلاقة بيه و اذا كان ربي كاتبهولك و لا شايف فيه الخير يجيك للدار وحدو
سمحيلي حنونة بلاك جرحتك بكلامي مي هاذي هي اسمع الكلام اللي يبكيك مش اللي يضحكك
ماتنسايش قوليلي واش درتي فيها ممبعد

[*بيتي مملكتي*]

تداركي نفسك عزيزتي قبل فوات الأوان و اقطعي علاقتك به فلو أرادك للحلال لكان تقدم لخطبتك رسميا

فليس عيبا أنه يعمل في الصحرا لأنه هناك الكثيرون ممن تزوجو بمن يعملوا في الصحراء و لا باس عليهم

هو فقط يتحجج و في كل مرة يهينك نقولك صراحة الحب اللي نحط من كرامتي على جالو الله لا يردوا

إضافة إلى أنك في علاقة غير مشروعة و محرمة لا هو حاب يخطب و لا هو حاب يترك

إذن أتركيه إحتسابا لوجه الله و تطهيرا لك من غلطتك هذه مع الله لعله إما يهديه ربي و يستفيق من غيبوبته أو يرزقك الله أفضل منه لأنك تركته خوفا من الله و من عقابه و توبة له

عزيزتي لا تعلمين أين جعل الله لك الخير لربما في شخص آخر يقدرك و لا يهينك فمن ألف إهانتك صراحة لا يستحقك و كوني على ثقة أنك راح تتعذبي معه لأنك تحبينه و بذلك ستظلين هكذا تتلقين الإهانات و انت صامتة

احسمي امرك و اتركيه و لا تنظري خلفك أبدا لأنه إذا كان يستاهلك راح يكتبهولك ربي و إذا كان ما يستاهلكش و هذا أقرب الإحتمالات لأنني لا أتنماه لك فربي يبعدو على طريقك

موفقة أختي

[mitrochka]

هل انت متأكدة انك تريدين الزواج منه؟؟؟؟؟؟

[mokhto01]

puisque il travail au sud il a les moyens pour se marier donc le sérieux n'est pas son domaine allah ghaleb les hommes se font rare alors prend soin de toi et quitte le avant que les larme faneront ton visage et le regret déchire ton ame

[الفاتحة]

شوفي ختي راكي غالطة 100/100 وراكي غير قاعدة تزيدي تخليه يحقر فيك أكثر وأكثر ، مفهمتهش كيفاش تعرفي بلي راهو يحكي في التليفون والنت وتجيك عادي ، لو كان زوجك نقول معليش تصبري عليه وتوسعي بالك معاه لكن انت وهو ما يربط بيناتكم شئ ، راكم في علاقة محرمة وامو كي تكلم امك راه مافيها والو يا ختي وما يعطيكش الحق باش تحكي معاه، ، نعرف ناس مخطوبين وعقدت الفاتحة نتاعهم ، وكلامهم لا يتعدى السلام والاطمئنان فمابالك أنت وهو ، وتزيد غايظتك منو ، يا ختي تغيضك من روحك ، راكي انت تحقري في روحك لانو ماكيش ماشية على كلام ربي وشرعه وسنة الحبيب، وزيد الراجل قالهالك بالفم المليان مانقدرش نتزوج بيك ، راهو عايفك ويديرلك في الأسباب ، يعني حابة تديه بالسيف ، لالا ، غير الزواج والحب اللي ما يكونش بالسيف راه يكون بالتراضي يا ختي ، واش راح نقولك أنت اللي وصلت روحك لهذا الشئ يعني لومي روحك وبرك ....اخطيك منو راه مايستهلش تحقري روحك أكثر واكثر

[سرور]

المشاركة الأصلية كتبت بواسطة **أم محمد يحي**

أختي وواش فيها اذا ما حطيتيش عقلك في راسك وتعرفي بلي راكي غالطة بزاف
أختي انت في علاقة محرمة بالله عليكي ماذا تنتظرين من هكذا رجل
لو أرادكي للزواج لكان قد تزوج بك
مالذي يصده
واضح وضوح الشمس ان يتلاعب بكي
هذا ليس حتى بخطيب لك
يهينك ويتخلق لكي الاسباب
ويذلك
اختي كلمة واحدة اقولها لكي توبي الى الله وان اتصل بك صارحيه ان اراد خطبتكي رسميا فأهلا وسهلا وان رفض فأنصحكي ان تنسيه

كيما قالتك اخت ام محمد يحي عودي رجعي نفسك مليح

[سماح 2]

اقطعي علاااقتك به

والسلاام

[Assouma 93]

اذا انت متأكدة انه يحبك فما عليك الا ان تسايريه و اذا تشعرين بغير ذلك فلا تفرضي نفسك عليه و اتركيه و كيما يقولو بالعامية قيمتيه فوق اللزوم شاف روحه عليك

[faty05]

اختي نقولهالك بالمختصر المفيد
هذا ماش حاب يستبيت
هذا ما يراعيكش
و مش هذا لي راح تكوني سعيدة معاه
ما تكذبيش علا روحك علابالك مليح بلي ماراحش تهناي معاه مستقبلا و الله اعلم
امالا كوبيها معاه و بلا ما تزيدي تحكي معاه خطراش اصلا ماكان حتى حاجة تربطكم
و ربي يصلح احوال امتنا

[حميد.ص]

الاصح ان يتقدم لخطبتك.......و ان كان يريدك فلن يفرط فيك............ربي يعطيك الخير