هل التصحيحات .....؟

algeriano1194 · 2013-06-07, 23:45

بسم الله الرحمان الرحيم

أرى هذه الايام تصحيحات ، تشبه تصحيحات الوزارة فهل هذه حقا تصحيحات تاع الوزارة لاخاطرش يتبلي فيها أخطاء ، او ثاني ماكنش التصحيح تاع المواد اوكل + منين جابوهم ؟؟؟؟

فوزي الفايز · 2013-06-07, 23:53

تظهر وزارية و الله اعلم

سلم التنقيط تم انجازه قبل الباك يمكن تم تسريبه في الانترنت و يمكن لا

الله اعلم في انتظار تصحيحات الشروق غدا بادن الله

algeriano1194 · 2013-06-08, 00:11

اقتباس:

المشاركة الأصلية كتبت بواسطة فوزي الفايز

تظهر وزارية و الله اعلم

سلم التنقيط تم انجازه قبل الباك يمكن تم تسريبه في الانترنت و يمكن لا

الله اعلم في انتظار تصحيحات الشروق غدا بادن الله

حابين ايمرظونا نفسيا !!!!!!!!!!!!!!!

فوزي الفايز · 2013-06-08, 00:19

هههه الهرب من الحقيقة لا يغيرها

انا صراحة افضل معرفة ان اجبت صحيحا او خطا لاتجنب الصدمة يوم اضغط على entréé و ارى معدلي لاول مرة

algeriano1194 · 2013-06-08, 00:20

اقتباس:

المشاركة الأصلية كتبت بواسطة فوزي الفايز

هههه الهرب من الحقيقة لا يغيرها

انا صراحة افضل معرفة ان اجبت صحيحا او خطا لاتجنب الصدمة يوم اضغط على entréé و ارى معدلي لاول مرة

عندك الصح ؟؟؟؟؟؟؟؟؟

شوفلي اذا هذا يمشي عندك : https://www.m-education.gov.dz/

bac-l · 2013-06-08, 00:28

هي وزارية تحصل عليها بعض الأساتذة و نشروا بعضها لكن بعد بداية عملية التصحيح سيتم مناقشتها في كل مركز إجراء من طرف الأساتذة و قد تقبل إجابات أخرى

فوزي الفايز · 2013-06-08, 00:33

لا يعمل اخي

باين موقع تعلمي خاص بالجزائر فهدا ما يميزها

Dz Aboubakr · 2013-06-08, 01:07

ماقاله صاحب الموقع :
بالنسبة للتصحيحات المتوفرة فهي التصحيحات التي أعدتها الوزارة مع المواضيع و عند بداية عملية التصحيح سيجتمع في كل مركز تصحيح محموعة أساتذة المركز لمناقشة التصحيح النموذجي و قبول أجوبة قريبة من أجوبته لهذا لا تفقدوا الأمل إذا كانت إجاباتكم غير مشابهة للتصحيح فالأكيد أن الأساتذة لا يتقيدون حرفيا بالتصحيح النموذجي
ضف إلى ذلك , العام الماضي وردت في تصحيحات الوزارة بعض الأخطاء في الحل لكن بعد انتباه الأساتذة إليها قرروا قبول الإجابات الصحيحة طبعا

فوزي الفايز · 2013-06-08, 01:18

ان شاء الله يدرك الاساتدة ما جرى هده الباكالوريا و يتساهل معنا في التصحيح

الأستاذ رمزي · 2013-06-08, 04:58

حتى وان كانت وزارية فلا معنى لها، الرسمي من عند لجان التصحيح

algeriano1194 · 2013-06-08, 09:14

اقتباس:

المشاركة الأصلية كتبت بواسطة ramzi86

حتى وان كانت وزارية فلا معنى لها، الرسمي من عند لجان التصحيح

دوختونا اعطونا الصح انا خايف تكون مخدومة بالفتوشوب !!!

bac-l · 2013-06-08, 09:36

اقتباس:

المشاركة الأصلية كتبت بواسطة algeriano1194

دوختونا اعطونا الصح انا خايف تكون مخدومة بالفتوشوب !!!

يا أخي مستحيل يخدمها واحد بالفوتوشوب بهذاك الإتقان في 4 ساعات
مثلا التصحيح تاع الفيزياء شكون يقدر يخدموا في نفس اليوم تاع الموضوع بهذاك الإتقان ؟؟؟ و يزيد يخدم معاه 10 تصحيحات أخرين ؟؟؟
أنا نقولك الرسمي:
كيما يخدموا المواضيع تاع الباك يديروا معاهم التصحيحات تاع الوزارة مع سلم التنقيط و هاذو هوما التصحيحات اللي دارتهم الوزارة و نهار يبداو يصححوا الأوراق يستعملوا التصحيحات هاذوا و كاين مراكز إجراء يتفاهموا الأساتذة تاعها على قبول إجابات قريبة و قادر يلقاو غلطات في التصحيح يصححوهم , مثال العام الماضي كاين أخطاء( مثلا العلوم الإسلامية خطأ واضح أتذكره )
لكن هذه التصحيحات هي التي تنشر في الجرائد الوطنية و الموقع الرسمي onec ( للأسف دائما ينشروهم متأخرين بزاف ) و يستعملوها الأساتذة في التصحيح كما قلت لك مع بعض التعديلات على حسب اجتهاد كل أستاذ في التصحيح

فوزي الفايز · 2013-06-08, 10:05

ان شاء الله فقط يقبلون الاجابات التقريبية خاصة بالعربية و الفلسفة و الاسلامية و الاجتماعيات

Remàn · 2013-06-08, 11:02

ليست تصحيحات وزارية لانها غير مطابقة لما جاء في تصحيحات الشروق و الله اعلم
الله يوفقنا الكل

bac-l · 2013-06-08, 11:32

اقتباس:

المشاركة الأصلية كتبت بواسطة remàn

ليست تصحيحات وزارية لانها غير مطابقة لما جاء في تصحيحات الشروق و الله اعلم
الله يوفقنا الكل

تصحيحات جريدة الشروق أعدها أساتذة ( مكتوب اسمهم أما التصحيح ) و ليست رسمية من وزارة التربية