نصيحة للفتالات نتاع الطعام او الكسكس تهم الرجال ايضا

[cheri classe]

السلام عليكم
اخواتي الكريمات اليوم حبيت نجيبلكم الاسرار لي يستعملوهم بعض النساء الفتالات في ولاية المدية لي منهم امي طبعا

بما ان الشعب الجزائري مشهور بالطعام او الكسكس اللي يختلف اسم و تحضيرو من منطقة الى اخرى و بما ان الاعراس الجزائرية كا مل يندار فيهم الطعام باللحم حبيت نمد نصيحة تقدر تستفيد منها كل سيدة يهمها الامر حتى لو كانت متعرفش تفتل


سيدتي المحترمة انت بالاك عمرك ما فتلتي او ناولتي الطعام و لهذا بالاك معلابالكش بالصعوبات لي تواجه الفتالة و هي كثرة الرؤوس او الكريات نتاع البركوكس المعجنة اللي تكره اي وحدة اثناء صنعها للكسكس سيدتي باش تقضي على هذا المشكل

ننصحك باش تستعملي المايزينة اي مسحوق الذرى او النشاء وعوضا على الفرينة وحدها اثناء عملية المحيص او الزليق و اذا راكي حابة تعرفي الكمية اللازمة من المايزينة انا نقولك تستعملي نصف مايزينة و تخلطيه مع نصف نتاع فرينة و صدقيني حتى الطعم رايح يكون هايل و لون الطعام يجي ابيض ناصع و يكون الكسكس في الاكل نتاعو بزاف خفيف لان المايزينة الي ضفناها للفرينة قامت بدور هايل والرطابة نتاع المايزينة تمنع تلاسق الحبيبات مع بعضها البعض و تجي كل حبة و حدها و ماتتعجنلكش .

هذي من جهة ومن جهة اخرى ننصحك باش تفوري نصف كمية السميد الي تكوني رايحة تفتلي بيها و بعدما تبرد تمزجيها مع السميد العادي اي النصف المتبقي هذي العملية البسيطة .

ومن جهة اخرى لازم تفوري نصف كمية التشيشة او السميد الخشن و بعد ما يبرد ايضا تقومي بمزجو مع النصف لي خليتيه نتاع التشيشة .


نشاء الله تكون عرفت الاسرار الثلاثة لي تستعملها النساء في ولاية المدية و اللي هي باختصار :
1- تخلط الكمية المستعملة من الفرينة بنصفها من المايزينة
2- تفور نصف الكمية نتاع السميد الرطب او الدقيق المستعمل
3- تفور نصف الكمية المستعملة نتاع التشيشة اي السميد الخشن


و بهذو النصائح اللي متعرفش تفتلت تقدر تشرط بيهم على الفتالة نتاعها و تقوللها افتليلي بالمايزينة و ما تنسايش تفوري السميد و التشيشة و هكا تكوني في نفس الوقت قدمتيلها نصيحة من ذهب و سر زميلاتها الفتالات خباوه عليها .

نتمنا الرجال ايضا يقراو هذو النصائح و يعلمو امهاتهم بهم
الي مفهمتش كاش حاجة ماعليها غير تخليلي استفسارها و نشاء الله نجاوبها و نوضحلها اكثر و هي ما عليها غير تحمرنا الوجه

و في الاخير مابقالي غير نقوللكم

[dahmouna2006]

هناك اختلاف بيننا وبين المدية

[أم نورين]

انا نحب نفتل الطعام بيدي وهده النصائح معروفة عندنا وطعامنا يهبل ارواحوا الكل معروض

[أم ماجد]

[fatouma2012]

alf alf chokr 3ala elnasi7a w jazaaki allao khayran w rabi ykhalilak omok nchallah

[ام شرفو]

شكرا اختي لازم نحافظو على العادة و العوايد وهي دليل على شخصيتنا

[ام ملاك.]

بارك الله فيك
انا نحب نشريه واجد

[الملك74]

مشكورة على النصائح وراني حابة نسييه في اقرب فرصة

[djo761]

بارك الله فيك أنا خممت في المايزينة بصح مستعملتهاش يعطيك الصحة اختي نجربها ونردلك الخبر شكرا

[اولادي حياتي]

بارك الله فيك .

[ام عبد الباسط]

بارك الله فيك هذه نفس الكيفية نتاعنا الا المايزينا

[feuilleblanche17]

حنا في الجلفة نديرو تقريبا كما هاك
برك حنا التشيشة منفوروهاش هذه جديدة انشاء الله نجربها
شكراااااااا اختي على النصائح في ميزان حسناتك ان شاء الله

[أنواار الإيماان]

مشكورة على النصائح

[w05]

chokran jazilaaaaaaan

[أم هداية]

شكرا اختي انشا الله نستفادو منهاعلى النصائح