صينيتي و حلويات عيد الفطر 2012

kakinova · 2012-09-09, 10:46

هادو المخبز و القنيدلات " الدزيريات "

هادو لي باركات " القوارب " و الكفتة

هادو الصابلي و قاطو بالفلان

هادو مقروط النقاش و الغريبية

هادو البقلاوة و قاطو بنيونما يطيبش عملتو فليمول تاع السيليكون و من فوق الشوكولا

رغم انها متاخرة لكن حبيت نشارك بما اني سجلت عضوة جديدة

muslimone · 2012-09-09, 11:32

بصحتكم وحلوياتك راعة خاصة مخبز القرقاع والبقلاوة يعطيك الصحة

kakinova · 2012-09-09, 12:16

الله يسلمك

نورتي موضوعي يعطيك العافية

عطر القلوب · 2012-09-09, 14:42

يعطيك الصحة شابين ، من فضلك أعطيني وصفة القاطو اللي ما يطيبش في مول السيلكون

omchifa · 2012-09-09, 14:55

يعطيك الصحة تسلم الايادي

ام ولي · 2012-09-09, 15:03

يعطيك الصحة كامل ملاح

amina mino · 2012-09-09, 15:26

chabin lah ybarek

kakinova · 2012-09-09, 16:16

شكرا لمروركن

عطر القلوب

ام شفاء

ام ولي

امينة

و صفة القاطو لي ما يطيبش :

علبة بيمو

شكولا

حلوة الترك

ماء زهر

3 ملا عق كبيرة زبدة ذائبة

كوكاو مرحي

نرحي البيمو رقيق جدا و من الافضل ان نقوم بغربلته
نرحي الكوكاو مع حلوة الترك
نذيب الشوكولا
نخلط الكل جيدا مع بعض نضيف الزبدة الذائبة و نرش القليل فقط من ماء الزهر حتى تتكون لدينا عجينة متماسكة

نحضر قوالب السيليكون
نضع في كل شكل كمية من العجينة حتى يمتلئ الفراغ ، و نقوم بتسويته بظهر ملعقة

نتركها حتى تبرد الزبدة و الشوكولا و تتماسك العجينة
أنا تركتها تبرد ثم و ضعتها فالثلاجة و بعد أن جمدت نزعتها بسهولة
في نفس القوالب
نقوم بتذويب شكولا سوداء او بيضاء ، انا استعملت سوداء ندهن المول بواسطة فرشاة سيليكون بالشكولا و لا يجب ان تكون سائلة بل متماسكة
و لما تبرد قليلا نعيد القاطو للقالب حتى تلتصق به الشوكولا
و ننتظر ان تبرد تماما و تتماسك و ننزعها بلطف

و شهية طيبة

azade · 2012-09-09, 16:44

مممممممممم الله يعطيك الصحة هديك الكفة عجينة الوز شريتها ولا فر الدار وإذا فى الدار يريت الوصفة

أم ياسين الزهراء · 2012-09-09, 17:14

واوووووووووووو سنيوة تزهي لعقوبة للعيد الكبير

remadna · 2012-09-09, 17:50

الله يبارك
يعطيك الصحة على الحلويات
اهلا و سهلا بك في المنتدى عامة و في قسم الطبخ خاصة

kakinova · 2012-09-09, 18:29

شكرالمرورك azade الكفتة عملتها فالمنزل

عجينة السكر " و التي تباع على انها عجينة اللوز "
نصف علبة تعملك كمية ماشاء الله
تعجنيها بقليل من النشاء انا ما كثرتش ملعقة فالبداية فقط و عجنتها مليح العجن هو لي يخلي عجينة اللوز ما تتشققش و ما تيبسش
و للحشو

علبة بيمو مطحون رقيق
حلوة الترك
ماء زهر
زبدة ثلاث معالق

طريقة التحضير

تعجن عجينة اللوز جيدا و تلون حسب الذوق
يرحى البمو جيدا ثم تضاف له الزبدة
يخلط ثم يبلل بماء زهر حتى الحصول على عجينة حذاري تكون جارية نستعمل ماء الزهر لتتجمع فقط و تكون طرية يسهل التحكم فيها

تمد عجينة اللوز حتى تصبح لا هي رقيقة لا هي خشنة
يوضع حربوش من العجينة في الوسط و تلف عجينة اللوز لفة و نصف و نقطع
نقوم بلفها قليلا حتى تتجانس في السمك
الحاشية نضعها في الأسفل و بواسطة سكين حاد نقطع الشكل لي نحبو
و من نفس عجينة اللوز التي قمنا بمدها نقطع وردات بواسطة الطابع الخاص واحدة كبيرة و الاخرى صغيرة و نضعهم فوق بعض و نثبتهم بعقاشة فضية صغيرة

الطريقة جدا سهلة و الكمية كبيرة و الذوق ما نحكيلكش
لمن يحب الكاكو ممكن يستعمل الكاكاو في الحشوة

kakinova · 2012-09-09, 18:31

الله يزهي ايامك و ينورها عزيزتي ام ياسين و يحفظلك ياسين شكرا لمرورك

الله يسلمك اختي رماضنة خخخخخخخخخخخ وجدي روحك للمنافسة خخخخخخخخخخ انا قادمة

OU SS AMA · 2012-09-09, 18:40

بارك الله فيك يعطيك الصحة حلويات رائعة جزاك الله كل خير على الوصفات

بشرى2008 · 2012-09-09, 18:43

يعطيك الصحة حلويات ماشاء الله