اطباق رمضانية ...............02

[انفال_28]

الســـــــــــــــلام على الجمـــــــــــيع
شوي شوي انشاء الله راح يبرد الجوء لهذا فكرت في تقديم طريقة طاجين الزيتون لكن تقدم بطريقة مختلفة و تجلب النظر و تفتح الشهية و انظرو الصورة كم هي جميلة هي شوي خفيفة لكن انا نحب السوس تكون اثقل بشوي.

المـــــــــقادير
___________

2 حبات بصل مربين. نصف راس ثوم مربي. وقطع دجاج او لحم حسب افراد العائلة 500غ زيتون بدون عظم. 5 حبات زردية مقطعة الى دوائر بيضاوية 2 ورقات رند ملح فلفل اكحل شوي كمون شوي راس الحانوة شوي فلفل بارد و فلفل حار ارطب طماطم مرحية وطماطم العلب المصبرة شوي معدنوس مع اعراف دبشة.. حبات بيض للزينة..
طـــــــــــريقة التحضير
________________
اولا . نحط الماء يسخن الى درجة الغاليان ونغسل الزيتون مليح ونحطو في الماء لي يغلي مع شوي خل ونبدلء في تحضير الاكلة تاعي.
ندير شوي من زبدة المدينة مع شوي زيت في المرميطة و نلوح اللحم او الدجاج نخليهم يتحمرو شوي في الزبدة والزيت مع الزرودية ثم نفرغ عليهم البصل و الثوم ونخلط ونبقا نخلط حتى انشم رائحة البصل و الدبشة والمعدنوس الثوم. ثم انداوي المرميطة .. طبعا بالملح و الفلفل اكحل و الكمون و راس الحنوة ونخلط شوي ثم مباشرة الطماطم المرحية هي الاولة قبل المصبرة لانو المرحية هي نيا اما المصبرة هيا تعتبر طايبة . قلت المرحية وبعد المصبرة لكن لكلى منهما نصف الكمية المطلوبة للمرميطة اما الباقي نحتفظ بيه .ونسقيها نصف السقي المطلوب
من الماء ونخليها تغلي شوي ثم نضيف ميت الماء المتبقي .. و بمعنا نسقي المرميطة على مرتين.. و نخليها حت ايطيب اللحم او ادجاج اذا اخلاص طاب انحيه و نخليه يقطر من السوس ثم نلوح مياشرة كمية الزيتون في السوس الثقيلة التى تحصلنانا عليها من خلال السقي على مرتين طبعا.ثم مباشرة كذالك نحط في ايي شي مهما كامت قليل جدا من الزيت ونفتح فيه شوي فلفل بارد و نغرف اعليه الطماطم المرحية و العلب لبقات من الاولة و لي احتفضنا بها في البداية ونفتحهم بقليل من الصوص تاعنا ثم نفرغها في السوس. مع ورقات الرند ونخليها تزيد تثقال شوي من خلال ما اضفنا اليها و الان نرحو للحم او الدجاج نحمرو في شوي زيت وبعدما توجد الاكلة تاعنا ندير شوي في صحن التقديم و من فوق قطع اللحم او الدجاج لي طاب و حمرناه و نكسر فيها حبات بيض ايكرنوا دايرين في الصحن دايرين بالدجاج او اللحم و فوق البيض لي كسرناه في الصحن نذرر عليه الدبشة و المعدنوس مقطعين ارقاق و اندخل الصحن للميكرو واند حت البيض يحكم روحو ثم نقدم الصحن .






السلطة المشوية التونسية

السلطة المشوية معروفة كثيرا
في تونسوهي سلطة خفيفة من
اهم مكوناتها الفلفل والطماطم
وزيت الزيتون وتزين بالبيض
والزيتون تحضر بكثرة في فصل
الصيف وفي رمضان

المقادير
2/1 كيلو فلفل اخضر
4 حبات طماطم
2 بيضات
5 أسنان ثوم
4/1 لتر زيت زيتون
ملح
تابل(الكسبرة)
1 علبة صغيرة تونة
حبات زيتون اسود
طريقة التحضير


نشوي الفلفل على الفحم حتى تسود قشوره.
نسلق الطماطم و الثوم لمدة 30 دقيقة.نسلق البيض لمدة 40 دقيقة.
نقشر البيض و نقطعه إلى دوائر.نقشر الفلفل و ننزع بذوره و نزيل
قشرة الطماطم و الثوم ثم نفرمها كلها.نضيف الملح و التابل
(حسب الرغبة) و زيت الزيتون.و أخيرا نضع السلطة في صحن
ثم نزينها بدوائر البيض و حبات الزيتون و التونة.








نأخذ فواكه منوعة حسب الرغبة

نقطع الفواكه إلى قطع صغيرة


و نحضر علبة يايوغت منكه بالفريز +سكر + عصير

نخلط المكونات و نتركها في الثلاجة ساعتين حتى تتشرب الفواكه و تصبح طرية

و نقدمها في كؤوس خاصة

[haydouda]

شكرااااااااااااااااااااااااااااااااااااااااااا

[طهراوي ياسين]

شكراااا جزيلاااااا

[crystale49]

[صابرة2013]

شكراااااااااااااااااااااااااا لك

[ساندي 28]

روعه يعطيك الصحه